[是咁的] 丫屌,我細個響朵條村搬鬼咗 (2)

黎左幾日了

住邊頭？

北面呀 你間瘋人院酒店係邊頭

同你天各一方

北區機場附近有啲雜㗎喎

係咪glenroy 我唔係個邊

主要係 boardmeadows 亂到七彩, 我估你係Epping/bundoora?

廢事自爆啦

除左恭喜，我都真係唔知講咩好

今日call centre嗰邊條女仲要串到問我揸車過要幾耐, 我話過幾鐘, 然後趷鳩返我司機過嚟搵我都要過幾鐘, 點解唔體諒下個司機.

屌你老母司機份工就係司機, 有出糧㗎冚家剷

然後又話佢哋啲司機好專業只要有booking any day anytime都會過嚟收嘢, 我屌鳩返佢anytime即係邊幾日, 佢話一至五, 我答佢即係剛剛呢個星期唔係一至五啦剛剛呢個星期五存在係呢個世界上面係另一個時空.

條女畀我屌都唔敢出聲, 之後淨係搏命問會再幫我安排時間要我畀個時間佢, 我再屌柒佢你問個司機啦問我托柒呀.

新女出場

沖埋個涼出到去, 見大家都捐曬入睡袋, 癬妹睇落重已經瞓著咗, 就順手熄埋廳燈, 行出屋外面兜多個圈、肯定大門鎖好曬, 附近冇乜奇怪嘢先坐低點著之煙, 一路撚狗一路諗下到底頭先我哋見到啲乜撚嘢.

雖然感覺上仙人掌有冇乜惡意, 淨係喺我哋面前奄奄癢癢, 但話曬我細個每個weekend老母都會帶埋我同阿哥坐巴士上慈雲山, 之後行經獅子山, 再落返去大圍嗰邊租單車玩, 玩到黃昏阿爸就會嚟車我哋成家人上祖屋住返晚, 從來都冇見過或者聽過呢度附近有啲咩奇怪嘅發生, 點解突然間走隻咁嘅嘢出嚟？

到底我哋做咗啲乜先引咗佢出嚟？

會唔會同頭先我哋喺溪間嗰塊石敢當有關？

但咁諗下又覺得無理由丫, 就算真係關嗰舊嘢事, 最多都係一班細路跑嚟跑去啫, 關嗰隻仙人掌撚事呀？

人跑佢又跑？跑贏咗有獎攞呀？定贏咗分多支香畀佢吸？

而且如果有隻仙人掌周山跑, 奶嘢嘅冇可能只係得我哋一班人, 呢單嘢咁爆笑, 實傳到街知行聞, 點會等到今時今日先輪到我哋睇佢表演？

仲有軍佬戇撚鳩鳩咁嘅廁所做乜春？又話沖涼結果水都無滴..

諗咗一大輪諗到頭都痛, 都諗唔明白到底發生乜撚嘢事...

不過. 既然諗唔明....

..即係關我撚事咩？right？因為如果真係關我事嘅, 實諗得明㗎嘛..

既然唔關我事, 咁我咁多事做乜春？佢要跑山咁健康, 唔通我阻止佢咩..

諗諗下都係拿拿聲食埋支煙, 捐入睡袋大覺瞓穩陣, 有咩聽日瞓醒先算..

到第二日俾被人踢醒嗰陣, 一擘大眼就見到袋癬企喺我隔離揸住個杯麵望住我.

袋癬見我俾佢踢醒咗, 就話：C叔你拿拿聲刷牙洗面沖涼又好乜柒都好, 食埋個麵我哋就落山買今晚燒嘢食用嗰啲嘢..

因為成個人仲喺個睡袋入面嘅關係, 我只係用下巴指一指仲瞓緊覺嘅軍佬：ㄚ屌, 你個仆街仔踢我唔踢佢？

袋癬食多啖麵先答我：屌.琴晚係7仔求其買冇數清楚, 今朝諗住淥嗰陣先知得四個杯麵咋, 你係咪想我踢佢先？

我：er...咁又唔好..
聽見得返最後一個麵, 拿拿聲喺個睡袋捐出嚟準備狗衝去洗完面刷牙.

坐起身嗰吓順便四圍望一望, 先知原來已經成點幾鐘, 而娃娃同癬妹亦都坐埋一齊一路食杯麵、一路睇緊應該係琴日7仔順手買嗰本yes!, 屌丫, 呢啲八婆嘢就記得買, 杯麵就買少個...

喺廁所執返啲眼耳口鼻之後食埋個杯麵, 剛剛準備踢醒軍佬, 娃娃突然好細聲咁同我講：畀埋你食完個杯麵我先.

我：吓？搞咩呀？

娃娃：洗乾淨啲杯之後收埋一二角囉.

我心諗集郵/模型, 甚至新銀紙就聽得多, 集食完嘢杯麵都係第一次聽...不過是撚彈啦, 人各有志..

當我戇鳩鳩飲埋啲湯遞個杯麵畀佢嗰陣, 娃娃又落order：你兩個即刻去開曬所有門窗通吓風先,隔多陣先叫軍佬起身...

我、袋癬：吓？啊..

當我喺花園食住煙撚咗陣狗, 突然聽到軍佬伴隨住粗口嘅慘叫聲, 擰轉面一望, 經過隻窗淨係見到袋癬嘅上半身同埋軍佬個頭頂喺佢下體附近搖搖下, 唔知仲以為軍佬幫佢含緊撚..

然後見到袋癬夾硬拉咗軍佬起身, 然後推咗佢去廁所嗰個方向, 軍佬仲一路行一路摸自己個屎忽, 應該係袋癬大大力一腳車埋去所造成？斷估冇人屌人屎忽叫人起身咁變態掛..

到軍佬出返嚟, 我哋成班人已經係廳換好衫等緊佢.

軍佬：去邊呀？

袋癬：落去新城市買今晚燒烤嗰啲嘢食呀.

軍佬：吓？等我食埋個早餐都得啩？

娃娃：邊有嘢食呀？

軍佬：吓？唔撚係呀話？

我：咪就係冇嘢食先至落去買.

軍佬：唔係喎, 明明記得有買啲杯麵㗎喎？

娃娃：邊度有呀？

軍佬：吓？琴晚我親手擺落袋㗎喎！

我：琴晚發生咁多嘢, 係咪你幾撚錯呀？

軍佬：屌你咩..我肯定親手擺咗落袋, 上到嚟劈低咗入你廚房㗎喎..

我：咁我唔撚知呀..

娃娃指一指廚房個方向：咁肯定你咪搵下囉..

軍佬：屌呀, 俾我搵撚到呢, 質你哋班仆街食撚咗個杯...

一直都冇出聲、淨係掛住睇yes!嘅癬妹突然講咗句：你搵到先算啦..

軍佬聽見就啤咗癬妹一眼, 唔知係身有屎定係護妹心切嘅袋癬即刻彈起身, 推咗軍佬入廚房, 當然到最後乜柒到搵唔到, 頭耷耷咁出返嚟..

成班有講有笑行下落山嗰陣, 一直講緊咸濕笑話嘅軍佬突然提高音量, 大聲講大聲笑, 令一直留後同娃娃受拖手嘅我忍住望咗一眼, 然後發現原來路經琴日嗰個神奇嘅山窿, 搞到我都忍唔住望多兩眼.

而家日光白望落去, 真係一個樹林仔, 前後都係通嘅, 一面就係我哋琴晚由嗰條好智能嘅燈柱行入去嗰邊, 另一面行返出嚟有個好似水壩咁嘅嘢喺度

我哋HKSCC出camp再頹垣敗瓦嘅空屋我哋都入過去玩過wargame, 仲試過畀班大sir玩呃我哋, 話去個冇人島上面三日兩夜野外求生課程.

出發嗰日由斬竹灣坐私家船出到海、然後再轉分批坐大飛兜嚟兜去, 兜咗大半個鐘之後係一個淺灘沿住啲石爬上岸, 上到去仲要行一大段路先去到, 沿途真係一個人都冇, 所以我哋個個信到十足十真係一個無人島.

但到走嗰日, 大sir話隻船喺度嘅另一邊等我哋, 就帶住我哋左兜右兜, 成班越行越唔對路, 到行咗返出去嗰陣, 先知結果原來成班人只係大嶼山嘅另外一邊鳩咗幾日...我哋晚晚食埋啲狗屎垃圾, 班仆街大sir就坐大飛兜去大嶼山嗰邊食好嘢...

Anyway, 所以如果唔係琴晚又細路仔又仙人掌, 而家呢到啲風景同建築物, 真係普通到平時路過根本就唔會望多兩眼.

正當我眼金金咁望住嗰個事發地點嗰陣, 一直拖住我嘅娃娃突然好用力咁鏈咗我隻手兩下：望得咁開心, 使唔使又過去褻玩吓？而家日光日白我ok喎？

我即刻擰歪面, 好尷尬咁答佢：唔使啦唔使啦..呢啲嘢..遠觀得喇...

呢排亂七八糟一堆嘢麻撚煩煩係錄得咁多, 希望嚟緊嗰個禮拜可以出埋下篇

又一篇大家喜文樂見嘅酒店痴線路實況

話說, 琴晚又有痴線佬喺走廊鳩叫, 有幾間嚇到退房嘅客同我講嗰條痴線佬話要攞2L 汽油返嚟燒撚咗我呢間酒店, 嚇到我即刻睇閉路, 真係見到有個留長頭髮+攣毛, 瘦猛猛嘅白人喺度鳩叫.

今朝十點鐘上去拍個門叫佢走嗰陣, 條友係間房入面答我十點半走~

等十一點再上去拍佢門Fuck you！！！I am fucking leaving this please whenever the fuck I want!

我心諗呢條垃圾我一早叫咗老細唔好接, 但佢死都要接, 既然單嘢係老細搞返嚟, 你最好唔好走, 等老細自己食屎, 所以就冇理佢, 淨係隨口fuck咗佢幾句, 點知條友又fuck返出嚟, 我見好似幾好玩, 就同佢隔住道門fuck嚟fuck去fuck咗陣先走（道門冇窿, 你班仆街唔好亂諗嘢）

後尾老細見無聊就出咗去買野, 我鎖埋門係back office睇緊netflix, 大約十一點半無啦啦見聽見有人宣揚fuck法、係咁萬fuck朝宗, 佢我就知係佢, 諗住今次冇死啦, 佢自己躝落嚟我唔使煩.

點知佢都落到嚟就過嚟拍鳩reception 道玻璃門, 我見道玻璃門畀佢拍到啪啪聲高潮疊起咁, 驚玻璃門一時hold唔住噴到週地玻璃碎, 就拿拿聲出嚟開門睇下條撚樣搞邊科.

當然一開門, 佢就即刻同我宣揚fuck法, 屌咗一大輪廢話.

我等佢鳩噏完之後就問佢你邊位？

你唔需要知我係邊位.

哦, 咁你走囉.

點解要我走？

我都唔知你係邊個, 你喺度做咩呀？

我係你哋琴晚個客！！

邊間房㗎？

你唔需要理！

哦, 咁我唔理囉.

我琴晚唔見咗個袋！！

咁關我咩事？

點解唔關你事？

又係你叫我唔好理你係邊個、住邊間房, 咁你唔見咗個袋關我鬼事呀？

Er.....我住215嘅！！

哦~215？你就琴晚喺走廊鳩叫恐嚇酒店嗰條傻佬？

我邊度有恐嚇人呀！？

唔係喎, 215丫嘛, 我有好多客都話琴晚215條友喺條走廊鳩, 叫話要攞兩公升汽油返嚟燒撚咗間酒店㗎喎？

你班客都戇鳩嘅, 我話十公升呀！兩公升邊撚度夠呀！係咪弱智㗎！

哦, 咁即係你啦..

Er....總之我從來都唔恐嚇人嘅！

哦...咁你頭先話嗰十公升汽油攞嚟做咩話？

我咪話用嚟燒你間酒店！！！殺曬你班客囉！！！你有冇聽我講嘢㗎！！！

Er...咁...好似算係恐嚇喎？

我從來都唔恐嚇人嘅, 我直接做！！

Oh, even worse..是撚但啦你講咁多廢話, 夠我做㗎喇..

做咩呀！？

報警囉, 屌.

我而家就搵friend返嚟曬你酒店嘅人！燒撚咗間酒店！

你同我講咁多做乜春丫, 去做啦！go!

我有五個朋友都好大隻嘅, 我叫曬佢哋..

唔知點解嗰日我突然好有畫面, 忍唔住同佢講你班friend黑人嚟㗎？

吓？

哦, 冇嘢喇, 我以為你諗住叫佢哋嚟同你係張梳化到gangbang...

唔撚理！！我而家要曬你酒店所有客人同埋員工嘅資料！

咁威猛？你憑咩？

Act principle of transparency！！

阿生, 你好似搞錯用法喎？

講乜撚嘢呀你！

你要就去上法庭、搵差佬申請啦.

我follow the g rule!

Up撚嘢呀你又？

根據g rule, 我會唔同警察講嘅嘢！

G for 咩呀？gay呀？ 搵你班朋友去屌屎忽啦！

信唔信我而家就搵朋友返嚟殺曬你哋酒店啲人！

信呀, 所以我而家咪準備報警囉.
講完就拎個電話出嚟準備000

條戇鳩聽見就即刻鳩縮, 開始向門口進發你憑咩報警拉我呀！

你覺得呢？

我唔撚知呀你哋全部黐撚線嘅！我而家都搵人返嚟殺曬你哋！

係囉, 所以我咪報警囉.

我同你講！差佬冇嘢可以拉到我！

唔知㗎, 報警又唔使錢嘅, 試下囉.

當佢縮到出門口嗰陣突然之間行返落嚟好似冇事咁問我汽水幾錢呀？

2.5.

多謝曬！
條友好型咁拉開過汽水櫃、攞咗罐汽水, 就頭也不會咁行出門口.

嘩乜咁客氣呀, 多謝曬你呀！

多謝我咩？

頭先我都唔知報警拉你啲咩, 而家掂曬啦, 直接報警你偷嘢.

我邊撚到有偷嘢呀！

你攞罐汽水唔畀錢就偷嘢㗎啦

條友聽見即刻發爛渣成冠汽水掉過嚟我度玻璃門屌你老母

喂！點係呀老細, 而家又可以順便告多你一條property damage, 真係多謝曬你喎！

屌你！！！

唔好意思呀, 我唔follow 你個 g rule㗎, 不過第時等你入去監倉, 大把人同玩你個g rule啦！

屌你老母睇撚住！！！
然後衝咗出門口, 消失與遠方.

當然我梗係有報警嘅, 不過差佬成個鐘後先嚟啫..

完.