椎間盤突出有無人淨係得腳痛同patpat痛

照咗
L4 L5就6mm
L5 S1就5mm

可唔可以介紹？
我依加咩都想試吓

想問吓ching你當初仲點返工
我完全想像唔到點樣去handle平時醫院嘅routine

夾枕頭係平瞓定側瞓？可唔可以詳細講講

屌 我係咁

但我係Patpat 對上近腰位開始痛
遞起腳著褲著襪就大脾前啲肌肉痛

你係未好返？有無keep住做物理治療？

I know that feel bro
2022年做gym整親梨狀肌個位
日日就咁坐喺到痛到仆街
返工痛足8粒鐘
坐完一起身果下係痛到抽一口涼氣果隻

睇晒脊醫 物理治療 中醫果啲
好返一陣又痛返
大半年嚟用咗起碼6-7皮野
錢又用晒 痛又仍然存在
日日想end game
但之後自己上網睇啲人經驗
日日堅持拉筋同強化返core
而家雖然對腳仲怪怪地 但起碼坐喺到唔再痛了

過來人同你講消炎止痛一定要食
你唔食再做物理治療/拉筋反而會愈拉愈衰
食完無咁痛 心情都會好啲

我係北角睇一位脊醫，前後三次同我啪翻直曬，有興趣pm我

一般嚟講，如果六個星期保守治療都無效嘅話就可以開始考慮手術，但係聽你講你嘅症狀又好似未嚴重到必需要做手術
見樓豬好似有個諗法係「如果我搵到啱我嘅治療師嘅話佢就可以令我唔再痛」
但老實講除咗做手術之外，你去睇任何治療對你嘅幫助都不外乎係暫時性嘅消炎止痛
想好嘅話真係唯有要相信自己會好（好多痛症嘅其中一個重要預後因素係「患者對治療嘅信心」），同埋堅持做運動，你搵到第二個物理治療師佢都一樣係同你針灸/按摩/拉腰/熱/冰敷/IFC，最多教你唔同運動同深呼吸/冥想
腰椎間盤突出真係可能需要好長時間去恢復，我有同學以前都試過做咗六個月運動先好返
最重要真係去explore唔同類型嘅運動同做多啲functional training，減少fear of movement同睇下邊種運動對你最有幫助（其實如果疼痛可以接受到嘅話最好返返去打籃球添）
係呢度推薦幾款運動（evidence證明全部都有效，但無話邊款好過邊款）：
1. Motor control exercise approach
2. McGill big 3 / core strengthening
3. General strengthening and conditioning
4. McKenzie’s protocol (with or without directional preference)
5. Pilates / yoga

另外都見樓豬好多生活同經濟上嘅壓力，同埋好憂慮驚自己好唔返，呢啲全部都會影響到你嘅疼痛（central sensitization & nociplastic pain)，希望你睇完之後可以樂觀啲

利申讀緊MPT
有唔明可以再問，我盡量答

Ching我都係上個月尾奶野入左院照完發現L5S1有事
而家仲每個星期做緊物理治療
覺得我個物理治療師幾好 但我係睇私家骨科refer過去
無醫保cover既話可能有d貴

識人後生又係出過事做左成年物理治療而家行得走得跳得
共勉之 唔好放棄

痛原因係啫喱出左黎， 或者發炎腫左壓住神經， 睡眠時條腰唔夠承托， 久而久之便易壓左啫喱出黎， 做幾多運動都搞唔掂

Sorry 回錯左自己post


你試吓企係度， 雙腳拍埋企， 係比雙腿分開小小企， 條腰會更用力的。

睡眠時其實都係一樣， 腿的姿勢會以槓桿傳返d力落條腰。

一日睡8 小時條腰relax 唔到， 就易發炎， 做幾多物理治療同運動都事半功倍

係咪即係上面張圖，試咗趴喺度攝個咕𠱸，真係好似好啲

係好瞓啲 我習慣側瞓 大髀中間夾住個枕頭 或者好厚嘅被
就會好瞓啲

係啊， 這張清楚d

都唔知你問完又問想點
物理治療3個月無用。自己做無用就去做手術啦
問都問幾個月。手術做完都好返啦

有放射感覺先大機會係椎間盤突出

如果無
淨係下腰至pat pat有摙/扭/抽/拉既痛
就有機會淨係梨狀肌有事

巴打你大髀前痛係點痛發？

無好番，亦都無差到，岩岩傷果陣乜療法都試過晒，依家靠自己每晚拉筋，但每日每分每秒都係會痛的

其實我早二年都試過條腰骨痛到行唔到，真係痛到連夜晚去廁所都起唔到身，大約維持左二至三個月，期間有試過針救，針完果陣會好少少，但對於我嚟講作用都唔大，心諗今次點算好呢，無意中有一日，諗住做一些簡單嘅動作鬆一鬆條腰骨，點又又俾我無啦啦搞返掂，我係用好似掌上壓方式，不過膝頭哥同手肘掂地，成個人放鬆唔好用力，慢慢好似食剝賴尿蝦売果種慢慢放鬆郁吓D腰骨關節諗住舒緩吓，點知真係有幫助，不過呢個係我個人經歷，唔知其他人有冇用。。。

我同你做情況差唔多，係我第二次整襯腰，我做運動果時啪左腰椎左邊，已經好多年前既事，企係到五分鐘條腰已經抽筋（痙攣）， 因為條腰打直就要bear 上半身既重量，跟住走去 照哂野無事， 西醫話無事， 中醫話可能椎間盤突出， 做哂針灸衝擊波， 係有八九成好番（腰椎左側既肌肉），但以家如果做腰部運動或某d運動會影響到腰既話係有機會痛， 按壓腰部表面會痛，所以我認為（最後醫唔到既部分）係表面d筋膜撕開左， 而引致影響到某d神經線痛（屁肌左上方），因為呢個痛同我椎間盤突出既痛同影響範圍唔同

第一次我係椎間盤突出， 由斷acl 引致
如同上面d人咁講，睇左好多醫生都攪唔掂，之後誤打誤撞 去試左啪骨， 睇下好無好轉， 我最嚴重果時係啪完骨就唔痛， （胸椎痛腰椎痛失頭哥痛後腿條根扯住），咁我就明問題係邊， 之後就改番d壞習慣，自己做物治
重點係個覆位過程係慢慢改變， 所以啪骨唔止一次攪掂， 就好似上面師兄所講
手術就真係唔好試住， 醫生d 意見只係意見， 最緊要自己夠清晰
最後就想講有人未試過呢d情況就咪加把口亂up, 乜野食消炎藥可以解決椎間盤突出？咁西醫洗鬼做手術
止痛藥過左藥效就繼續痛， 無解決根本問題