【仆街喇，我一覺起身變咗條女】《隻戇鳩妖精將我變咗做女仔》 (2)

龜速更新

咁快去殮房

屍體唔去殮房可以點

我以為妖精界時間過得快啲

差D想講咁快入棺材，不過又諗起香港哪有棺材訓

我一睇仲諗緊係咪手術台，諗諗下棺材，再睇到話凍先諗係殮房

二百三十九

呃…

而家係咩狀況…？

我換咗件病人衫，瞓咗響一間診症室入面既病床上面，比幾個醫生用啲唔同既儀器檢查緊我既身體…

「奇蹟喎，所有體溫、血壓，仲有所有維生指數一切都係正常！」其中一個四眼肥仔醫生驚嘆︰「仲要連之前頭部受既果啲傷都康復埋…」

一個黑色長髮既女醫生都嘖嘖稱奇︰「真係醫學界既奇蹟，佢而家就好似一個好健康正常既人咁，一啲都唔似曾經失血過多陷入昏迷，仲要曾經被宣佈過死亡...」然後佢轉過頭問另一個睇落有啲輕浮既男醫生，問：「定你尋日又飲醉酒，搞到診斷既時候出錯咗晒，妹妹佢根本未死啊？」

輕浮醫生語帶不滿，道：「梗係唔會喇，我就算真係飲酒都唔會醉到有冇受傷有冇死都分唔出吓嘛？」

女醫生不屑地道：「點知你。」

似乎呢個輕浮醫生應該係我上次死之前既主診醫生。

「喂，呢啲嘢有晒reports同人證架，妳唔好亂講嘢好喎！」

呢個時候四個醫生入面年紀最大既果個開聲：「夠喇，你哋再咁拗落去，一陣嚇親小妹妹喇！」然後過黎解開我手臂同頭上面貼住既儀器既線，道：「一陣姑娘會帶妳返病房休息。」

「我...我冇事喇嘛？」我問。

「做咗咁耐檢查，妳一啲事都冇，仲好健康添。」老醫生道︰「不過…妳都叫曾經受過重傷，仲試過心跳同呼吸都停止咗好耐，我諗安全起見，妳都係留多幾日院好啲。」

我突然諗起以前睇戲，果啲有異能既人比政府捉咗去做研究…

「你哋唔會捉我比政府研究架吓嘛…？」我有啲不安咁問。

老醫生哈哈一笑，道︰「小妹妹，妳睇太多電影喇，我哋邊會咁做啊。」頓了一頓，又道︰「我哋當然會睇吓妳呢個case究竟發生咗咩事，但都係要妳自願，唔會捉妳去比政府研究既。」

「…」

「好喇，妳可以落床出返去架喇，妳坐響出面凳上面等姑娘帶妳返病房休息喇。」老醫生溫柔咁說道。

「哦。」我響幾個醫生仲爭拗緊既時候戇鳩鳩咁行返出房…

…

…

…

點解會咁既呢？

咁就要講返之前發生咩事…

原來我啱啱復活既時候瞓咗響儉房啲停屍間其中一格入面，所以當我醒返既時候我先會覺得成身都凍到好似入咗雪櫃咁…

我不斷咁響停屍間果一格係咁踢係咁拍門係咁大叫，最後驚動咗儉房既中年男人管理員，佢拉開停屍間果一格既時候，我成個人即刻彈起咗，嚇到佢跌咗響地上面，仲要瀨埋尿…

之後佢確認咗我唔係死人之後，就送咗我去做檢查，所以先有咗呢一集最開始既果一幕發生…

我坐咗響房出面走廊啲凳等咗一陣，就有個護士姐姐推住張輪椅過黎比我坐上去，然後推我返病房…

老老實實…

我而家個人仲好莫名其妙…

陰間之旅、復活、再比一堆醫生用奇怪既儀器檢查…

更加莫名其妙既，係護士一推我入病房，我就見到妍妍同埋妍婆坐咗響度等緊我...

係妍妍啊！

我...我真係仲可以見返妍妍啊！

「阿勉！」妍妍一見到我，就連我而家係叫阿珊都唔記得咗，成個撲上黎攬住仲坐緊響輪椅既我：「妳冇事妳冇事妳冇事啊！」

我有啲激動咁大聲道：「係啊...啊！」妍妍太用力撲過黎，搞到我連人帶輪椅向左跌低...

好典型既妍妍...

同埋我...

「嘩...妳哋真係...」護士姐姐扶起我同妍妍，然後冇好氣咁講：「知妳哋姐妹情深喇，但係都唔駛咁急咁大力撲埋黎架...」

啊，爭啲唔記得同大家講，唔知係咪因為我呢個case死過翻生有啲特別，醫院方面安排咗個獨立病房比我，所以我哋又攬又大聲講嘢其實都冇其他外人會打擾我哋。

妍婆都走過黎幫手扶起我哋，抹一抹眼淚，笑道：「哎呀...妳哋...都唔駛咁急咁論盡架...仲要喊...珊女冇事，都係一件開心事黎架。」

「婆婆，妳都喊緊喇，仲話人...」妍妍企咗起身，原來都已經淚流滿面...然後佢又攬實我：「太好喇...太好喇...我仲以為妳真係dup低我，自己一個走咗去...」

「我點會啊…我已經咪響度囉…」我都攬返妍妍…仲要攬到佢好實好實…

我響陰間果陣已經知道，響我心目中最重要果個…

原來唔係神駒…

而係呢一個…我變咗女仔之後，一直陪住我、幫咗我好多忙既「好姐妹」梁蔚妍…

我今次…會攬到妳實一實…唔會再放手…

（待續）

最後驚動咗儉房既中年男人管理員，佢拉開停屍間果一格既時候，我成個人即刻彈起咗，嚇到佢跌咗響地上面，仲要瀨埋尿…

之後佢確認咗我唔係死人之後，就送咗我去做檢查，所以先有咗呢一集最開始既果一幕發生…

多謝樓主 skip呢段，否則on9主角又九唔搭八煩膠足一集

認同

留名一見到神駒又濕

二百四十

護士見到我哋兩個攬到大家咁實，係就係有啲感動，但職責所在，佢都要向妍妍勸道︰「妹妹，不如妳比病人上床休息一陣先喇，畢竟佢都係啱啱醒返，可能仲係有啲攰。」

我即刻講話︰「我唔攰。」

「聽話喇，唔攰都上床抖抖喇。」護士姐姐走埋去整理一下我病床上面既被鋪，然後拍吓張床褥，道︰「上黎喇。」

妍婆都慈愛地笑住道︰「係啊珊女，妳上去抖抖先喇。」

「我唔放我唔放！」咁難得先由陰間返出黎，我係唔會再放手既…唔止啊，我仲要攬到妍妍實一實！

護士姐姐同妍婆真係比我搞到都唔知好嬲定好笑…

唔知係咪我手上面加大咗力度，妍妍突然拍一拍我背脊，有小小辛苦咁講︰「阿珊…妳攬到我太實…我抖唔到氣…」

「啊…」我即刻鬆開雙手，歉然道︰「Sorry…Sorry…」

妍妍企直個人深呼吸咗幾啖，笑道︰「冇事…」然後伸手扶我行埋張病床度，柔聲道︰「妳聽護士姐姐話，上床休息吓先喇。」

其實唔知係咪因為盧大仙能力既關係，佢將我滿血復活，我而家其實好精神，好氣好力，仲一啲都唔肚餓，不過妍妍都咁叫到，我就聽聽話話咁走咗上床瞓低，妍妍就搬咗兩張凳過黎比自己同妍婆坐。

護士姐姐臨走之前，向我笑道︰「妳真係好福氣，有個咁好咁關心妳既家姐。」

啊，護士姐姐以為妍妍同妍婆係我屋企人…呃…親人先啱，所以以為妍妍係我家姐…

其實我哋係冇血緣關係既屋企人，而妍妍都唔係我家姐…而係…我既愛人…

我響床上面休息咗一陣，問︰「係呢…其實發生咗咩事…果個…果個莊耀揚…佢而家又去咗邊？」

妍妍個身震咗一震，過咗一陣先答︰「佢…佢比警察拉咗喇…」

「啊，妳哋講緊果個衰人！」妍婆突然破口大罵︰「冇陰公，咁細個就做埋呢啲嘢！佢第時真係生仔冇屎忽！」然後走過黎，拉起我隻手，道︰「珊女…我真係好多謝妳…如果當時冇妳捨身去保護住妍女，可能佢都會比班禽獸污辱咗…妳為咗保護佢，差啲連命都冇埋…唉…婆婆…婆婆都唔知點報答妳好…」

「係啊…阿珊…妳…妳…流到成地血…瞓咗響啲血上面既時候…真係…真係…嚇死我啊…」妍妍講起黎仲係口震震，猶有餘悸…

「講呢啲，我哋係一家人黎架嘛，妍妍有事，我唔去保護佢先有問題喇。」我笑道。

「但係…但係…妳…爭啲…爭啲為咗救我…爭啲死咗…妳知唔知…醫生同我哋講妳死咗既時候，我…我係幾咁傷心…」妍妍講完之後又喊咗出黎，妍婆就伸手出去搭住佢膊頭，輕輕拍佢，安慰佢。

我唔係爭啲死，而係死過翻生，不過所有嘢，響呢一刻都唔重要喇，我都返咗黎咯，妍妍又冇事，係咪？

「冇事喇，冇事喇，妳睇吓我而家咪生生勾勾瞓響度？」

「妳仲講笑…」妍妍輕輕力拍咗我頭頂一下。

「係呢…妳都未答我，我暈咗之後，發生咗咩事？」我又再問。

妍妍個身又震多次，佢本來唔想回憶呢件事，但係都咬一咬牙，將當日發生既事再講多次出黎。

原來距離我比莊耀揚強姦已經過咗一日。

當日我比莊耀揚強姦既時候，妍妍聽到女廁有怪聲，就走咗入黎睇下發生咩事，結果就撞破咗莊耀揚同大宇既好事（好奇怪，另一個手下明明係睇緊水，但又唔見咗人，唔知係咪見冇份屌走咗去蛇王）。

莊耀揚見到有人撞破佢既好事，突然老羞成怒，指示大宇要強姦埋妍妍，大宇其實唔係幾肯，但又驚咗佢大佬，唯有諗住照做。

點知果陣我為咗保護妍妍，好似連命都唔要咁， 又踢又打，最後仲將我個頭猛咁撼落牆度…

最後我個頭梗係留咗好多血，之後就暈咗…

響我暈咗既果一瞬間，有人聽到聲就打開咗門，原來係神駒，佢話佢好似聽到啲爭吵聲入面有我把聲，所以先至衝入黎睇下發生咗咩事，點知就見到我倒卧響血泊之中…

神駒一拳打落莊耀揚度，妍妍就趁機叫出面啲同學叫救命，好快就有老師過埋睇咩事，見到咁嚴重既情況，就算係Band 3學校都好少響校內發生，再加上真係見到成地血，我就好明顯係比人性侵完仲要瞓咗響啲血入面，所以想唔報警都唔得。

而莊耀揚比神駒一拳打埋去之後好似比佢打醒咗咁，呆咗咁唔郁望住身邊既情況，直至到真係有差人黎捉人既時候，佢都仍然係呆咗咁比啲差人帶走，一啲反抗都冇。

好快啲急救車、救護員就黎咗幫我做急救，然後送咗我去醫院…

（待續）

耀揚差少少咋

差小小食埋妍妍？

差少少解決主角呢個禍水