【真人真事】冤冤相愛何時屌？

樓豬嫂你好

又過數天，疫情又變回嚴重，因此連補課班也暫停了，但這次，我跟周楉童的聯繫卻並沒有斷，因為正當我百無聊賴的躲在家中，想不到有甚麼事情可以讓我解悶時，一通電話竟然打了過來。

沒錯，打來的正是我的母親大人。

說笑而已，打來的不是別人，正是周楉童。

略感錯愕的我呆了一呆，思考了好一會才決定要接聽這個電話，畢竟我從沒想過她會打給我，結果一失手成千古恨，我就是由這則電話開始，喜歡上了這個女孩，弄得現在深宵一時人在福岡浸完溫泉，為了一個不知會否實現的約定而仍在寫故這個可憐的下場，操你媽逼愛情害人不淺。

「喂港女，做咩呀？」我問。

「屌，又提呢個名...」她沒好氣的說。

「叫慣咗嘛，做咩啫，無啦啦打俾我。」

「我係想講，你個好朋友啱啱收到通知話佢要留級呀。」

「吓！唐狗要留級呀？」

「屌...呢條友留級關我撚事咩，佢留足十年我都唔會打俾你啦，係賢仔呀，賢仔啱啱同我講話佢要留級呀。」

「吓！賢仔要留級！？佢明明係全級尾五㗎喎，點留都未到佢掛？」對於本來打算跟賢仔在中四一起讀同一班的我，這個消息簡直是個晴天霹靂。

「好似話，最尾個四個一係就去外國讀書一係就轉校，咁於是留級個quota就俾咗賢仔囉。不過呢啲都唔係重點囉好無，我打嚟係想同你傾下點樣可以開解到佢呀，佢頭先同我講嘅時候好似好頹咁。」

「哦屌，咁緊係頹啦，俾著我知道自己要留級都唔開心啦。睇唔出你同佢咁熟喎，條死仔同你講都唔同我講。」

「吓其實我都唔知點解佢會無啦啦同我講，不過唔緊要啦，話晒都一齊坐過又出過街玩，諗下點幫佢好過啦。」

「嘩更加睇唔出原來你個港女咁好心肯幫人，至於點幫佢呢層就…我一時三刻都諗唔到喎。」

然後我們用了整整兩小時一起想開解賢仔的作戰攻略，直到現在我仍記得，其中一項她提出的建議是帶賢仔返教會，幸好我極力反對這項提議，最後才沒有實行。

開了兩個小時的會，我們得出的結論是要多點跟他出街玩，讓他不用終日在家中想著要留級這件事。

至於為何我們要花兩個小時才能開完這個會，最大的原因是我們大部份時間都在聊天，根本不是在討論如何幫賢仔。

到了第二天，一大清早就又有一個電話打過來，結果打來的仍是周楉童。

「喂點呀港女，琴日先傾完今日又打過嚟做咩呀？」我問。

「你而家係咪唔想同我傾偈吖？問問問！」她輕嗔道。

「咁又唔係...傾囉傾囉。」

然後到了第三天第四天第五天，我也總會收到她的電話。

我跟她彷似有說不完的話題，即便早上才聊了數小時天，到了晚上仍能有新的話題繼續說下去，直到我要睡覺我倆才依依不捨的掛掉電話。

最高記錄好像是一天聊了六個小時。（講真而家諗返起都覺得個時幾痴線，日日都傾咁耐電話...）



得閒咪fol下我ig囉：maanyin05

萬言真人真事真係好有中學feel覺得自己好老

如此過了數天，我們才突然驚覺好像遺忘了要留級的賢仔，於是便火速商討作戰計劃，而作戰計劃，就是聯同唐狗，四人一起去長洲玩一天。

時間一跳來到第二天，我跟唐狗賢仔已經到了中環去長洲的碼頭，而周楉童嘛，則已遲到了半小時。

「屌…條港女到未呀？」唐狗語帶不滿地問。「喂，雲思哲你唔係住係周楉童附近㗎咩，點解你唔係同佢一齊出發過嚟㗎？」

「吓頭先我出門口嘅時候佢先打俾我話佢會遲少少叫我嚟住先...點估到佢遲咁多咩。」

「屌咁你地是但一個打俾佢問下條港女去到邊啦。」唐狗說。

於是賢仔便拿出電話打給她，然而過了好一會，電話卻仍未能接通。

「真係港女嚟，遲到仲要唔聽電話。」

「唉唔好嘈喇，我試下打多次俾佢啦。」我邊拿出電話邊說，未料才過數秒，電話便已接通了。

「喂港女？你到邊呀？」我問。

「吓...errrrr…就快到！就快到！」電話的另一端回答。

「俾我聽啦，平時我同佢講開電話㗎。」未待我回應，賢仔便已把我的電話搶去。

「喂周楉童...到邊呀你？」出乎意料的是，他的語氣突然變得溫柔起上來。

結果過了數十秒，他又不情不願地把電話塞回我手中：「喂，佢叫你聽呀。」

「吓...咁搞笑...？同你講咪同我講一樣...」我接過電話然後便又重新跟她開始對話：「喂所以你到邊啫？」

「得喇得喇我行緊出嚟喇，真係好快就到。」

「哦咁好啦，你行快啲啦，bye bye。」

「喂喂喂...咁心急cut線做咩啫，傾住偈當係陪我行過嚟啦。」

「哦好呀好呀，原本係無問題嘅，但係為咗懲罰你遲到，所以你都係自己慢慢行啦我唔同你傾喇，BYE！」

「喂喂...屌你咁賤嘅...賤人！仆...」她話音未落我便直接毫不留情的cut了她線。

又過了十分鐘，姍姍來遲的她臉上毫無侮疚之色，實在是豈有此理。

「賤人！」她才一到達，便已開始對我拳打腳踢：「cut我線吖嗱！死賤人！」每說一句便是一拳。

「嘩仲唔係港女！當街打人！」說這句的自然又是唐狗了，差不多每句話都是在攻擊周楉童。

相反賢仔沒有出聲，只是在旁邊默默看著我被人打。

過了好一會，我們才終於成功上船，而我則坐在賢仔跟周楉童中間，差不多全程船周楉童都在跟我聊天，而眼見賢仔無法加入我們的話題，因此我又要刻意開話題跟賢仔說，免得他好像被人遺忘了似的。

實在是一項很艱辛的苦差，又要應付周楉童又要跟賢仔聊天。

你可能會問，唐狗呢？為甚麼沒人理會過唐狗？

因為他早已沉沉睡去了，世間一切都與他無關。



得閒咪fol下我ig囉：maanyin05

多謝絲打支持我都覺得自己好老了唔再係中學生了

好中學 feel

推

歷時四十五分鍾，我們便抵達了長洲，長洲有甚麼好做嘛，其實我也不知道，跟他們吃吃喝喝四處玩樂一番就是了，畢竟是次旅程主要目的是跟賢仔出來散心。

作為一個常常去長洲的人，我自然是身兼導遊角色，在前方帶路，而周楉童則在後方被賢仔纏著，唐狗見狀也不好意思打擾他們，於是便上次跟我聊天。

「喂不如我地去踩下單車咯，反正有咁多時間。」四處閒逛了一段時間後，我便提議說。

「好喎。」唐狗率先附和。

「吓但係我唔識踩喎...」周楉童說。

「唉得㗎啦，上到架單車就會識踩㗎喇，再唔識踩嘅話我地會教你㗎啦。」主要是因為我很想踩單車，所以便出盡全力說服這個麻煩的女人。

「嗱你講㗎，到時唔準扔低我㗎！」

「嗱我話你知，賢仔第一個唔會扔低你先啦，你睇下佢，由落船開始全程都無離開過你。」我借故挖苦一下賢仔，畢竟見到周楉童全程都在跟他聊天，我心就不太自在。

而賢仔聽到後臉上微微一紅，但很快便回復原狀笑道：「邊有咁誇張啫，咁啱一齊行啫。」

「我唔理呀，總之一陣你地唔可以扔低我㗎！」

「得啦得啦！」不耐煩的我已經邁開腳步往單車鋪方向走。

「喂！勾手指尾！」結果我被她硬生生的拉回來。

「唉係喇係喇，勾手指尾勾手指尾。」我伸出手指尾跟她勾了勾，然後她才露出一個心滿意足的笑容放我離開。

沿海邊行了十數分鐘，我們便來到了單車鋪，輕鬆解決金錢問題(強搶唐狗銀包）後，就是令人期待已久的踩單車環節。

「喂，有無人教我點踩呢架嘢，佢睇落就好危險咁。」周楉童推著她的單車問。

「哦好簡單㗎咋，你睇住我地示範喇喎。」我笑著對唐狗打個眼色，然後雙雙騎上單車絕塵而去，把周楉童跟賢仔遺在後方。

「喂！喂！賤人！屌你老母呀！！！」後方還傳來她的怒吼。

而我跟唐狗聽罷，只好默默加速，轉眼間已經拋開了她們數百米。

最後嘛，我跟唐狗沿著海旁踩完一圈再回去單車鋪時，剛好目睹了賢仔教懂周楉童踩單車的一幕。

「喂有啲料到喎賢仔，咁快教識條港女踩單車。」唐狗說。

「妖！都話我唔係港女咯！」正在努力平衡她腳下那架單車的周楉童，一邊朝我們這個方向踩一邊說：「仲有...你個賤人！又話唔扔低我！」

之後又少不免被她追殺一番，不過這不重要，忍一時風平浪靜，被她打完後又是一條好漢。

這天我們便這樣踩著單車遊遍整個長洲，我想應該有起到開解賢仔的作用吧。





得閒咪fol下我ig囉：maanyin05

我寫嘅時候都好掛住中學鳩下鳩下嘅日子

「咪住先！你又話你已經鍾意咗周楉童，咁點解你係長洲嘅時候唔把握機會教佢踩單車呀或者製造下啲私人空間同佢有多啲交流嘅？」淇姐舉手發問。

「係嘅，嗰時我已經鍾意咗佢，之但係一嚟我又唔係好敢俾佢知我鍾意佢，所以咪無刻意製造啲私人空間囉。至於點解唔教佢踩單車而係直接踩走呢...我諗嗰時嘅我覺得咁樣可以激嬲佢然後吸引到佢注意力掛...？唉我都唔記得啦隔咗咁耐...」我認真思索片刻後回答。

「搞錯呀個腦裝咩㗎你...咁就算好似你咁講都好，但係你都無理由俾機會賢仔㗎嘛？你間接俾咗咁多空間賢仔同佢獨處。」

「本身呢，我都有啲驚嘅，或者應該話我覺得周楉童係鍾意賢仔嘅，畢竟一開頭見佢咁關心賢仔，又諗晒方法開解佢咁。」我喝了一口酒後繼續說：「之但係去完長洲之後個日呢，我就如常同佢傾電話啦，越傾我就越覺得其實佢並唔係好似我諗咁鍾意賢仔。」然後我便繼續回顧往事...

去完長洲的第二天，正當我在跟唐狗打機時，電話鈴聲響起，所謂魚與熊掌不可兼得，於是我在電光火石間做出了選擇，就是繼續打機。

過了一分鐘後，電話又再次響起，無奈的我只好拿起電話。

「你所打嘅電話暫時未能接通，請等我打完機之後再打過嚟吖。」我說。

「妖！死賤人！我唔制！我要你而家就同我傾電話！」

「唉傾囉傾囉，唔打機囉。」魚與熊掌的確不可兼得，所以最終我在唐狗跟周楉童之間還是選擇了美人。

「我想講呢，賢仔呢個人最近好weird囉。」周楉童直入主題說。

「係，點weird~法呢？」我刻意模仿她說weird時的語氣。

「啫係自從佢同我講佢要留級之後呢，成日都會msg我呀，或者打俾我，又成日問我打唔打機，跟住琴日仲不停捉住我同我傾偈，一日最衰都係你個賤人，明明勾好手指尾㗎嘛，又無啦啦同個唐狗兩個走咗去，嗰個唐狗都無改錯名，真係狗嚟！不如你都改名叫雲狗算啦你咁賤。」她連珠炮發地說，明明上一刻還在說賢仔，下一刻就在攻擊我。

「嗱嗱嗱，咁又唔好狗狗聲咁難聽，講返賢仔先啦...可能佢一時間留級唔開心想搵人傾下偈啫，你咪陪下佢囉。」而我心中當然還有另一個答案，那便是賢仔跟我喜歡上了同一個女生，不過此時此刻我又不好意思明言。

「妖，陪乜鬼啫，好得閒咩。」

「嗱不如咁啦，由今日開始你唔好再打俾我，你改做打俾佢，咁咪有時間囉。」我開玩笑的說。

「哦，你而家係咪好唔想同我講嘢先？」

「咁又唔係～俾啲機會你同賢仔發展嘛。」

「你食屎啦，撚得閒同佢發展呀。」

「喂認真，如果而家佢同你表白，你會唔會應承？」

「哎呀雲思哲你真係好撚煩呀！都話唔鍾意佢咯！」她在電話的另一頭怒吼著說。

聽到這句，我的心瞬間安定了下來，因為起碼我清楚知道周楉童不喜歡賢仔，那就證明我少了個對手。



得閒咪fol下我ig囉：maanyin05

唉你就好啦

都唔係好好啫而家

好青春好正

「話說呢，你contact set我咩名。」或許是她不想繼續上一個話題，因此便隨便轉了個話題。

「吓...無呀，咪周楉童咁囉。」

「吓唔得囉，我唔鍾意你set呢個名囉，一！啲！都！唔！特！別！」

「咪又係名...咁你想我set你做咩吖？」

「咁我又諗唔到喎，你自己諗掂佢啦下，總之我唔要你set做周楉童！」

「哦！我諗到喇！」我邪笑著說。

「肯定唔方係好嘢嚟囉，你諗嚟諗去咪又係set返咩港女呀嗰啲。」

「吓？吓吓吓？點解你會估到嘅！？」我一臉驚訝地問。

「呵，都話本小姐聰明㗎啦~唔得唔得，我都應該改返你個名，既然你叫我做港女，我都要set你contact做賤人。」

「屌我根本就唔賤囉好無？」我不忿氣地說。

「哼！咁我夠唔係港女啦！」

「唔理點都好，你個contact名已經set咗做港女。」說時遲那時快，我已經把她的contact改了。

「唓，得你識改咩而家，我夠改咗咯。」

自此之後，我跟她便再沒有用彼此的真名稱呼過對方，我只會喚她作港女，而她呢，則只會叫我做賤人。

之後的日子嘛，還是如常的過，跟唐狗打機，跟周楉童傾電話，偶爾就幾個人一起出去玩，有空就取笑一下周楉童跟賢仔的關係。

後來有一天，賢仔在whatsapp上做了個類似表白的行為，結果就被周楉童毫不留情的Block了，而我們這個四人組亦正式隨之要結束。

事因這不是故事的重點，所以嘛，還是輕輕帶過就好了。

那既然這不是故事的重點，那為何我要提起呢，因為我想大家記得一句至理明言，就是人類總是會犯同樣的錯誤，歷史總是會不停重演的。

賢仔表白後被人block了的後一晚，我跟周楉童就跟平常一樣聊天。

「喂喂喂，不如我地玩個遊戲，輸咗嗰邊呢就要講個秘密俾對方知，好唔好。」周楉童語帶興奮的問。

「唔要。」而我則是冷冷的拒絕，因為我深知不會有甚麼好事情會發生。

「唔得！一定要玩！我要玩！你唔玩我以後都唔打俾你！」此刻的她就像個扭計要父母買玩具給自己的小孩子，死都要我跟她玩這個遊戲。

「唉玩囉，玩咩吖？」

「我地玩，聽朝五點準時打俾對方，如果邊個無係五點打俾對方呢，邊個就輸！」

聽罷我呆了一呆，因為我認為遊戲最重要的元素就是要有趣味性，而我完全不理解這個遊戲到底有甚麼趣味可言。

「喂？好唔好呀？玩唔玩呀？」她叫我久久不回應，於是便又再追問。

「都唔公平嘅，你平時成朝早六點先瞓，我夜晚十一點就瞓，你實贏㗎喎...」

「你俾啲誠意啦，你真係想玩嘅話咪較鬧鐘起身囉！係咁，約好咗㗎喇，邊個無打俾對方邊個就要講個秘密俾對方知！Good night~」未待我拒絕，她便已經掛了電話，而我呢，思考了一會到底應否五點起身跟她玩這個遊戲後，便果斷決定，繼續睡覺。

因為媽媽說睡多點覺才能長高，暫時中三身高只有一米五的我必須要努力睡覺。



得閒咪fol下我ig囉：maanyin05

文呢樓豬？

人在汶萊文呢啲再講啦

到了第二天早上，才一起身便見到電話顯示有數則未接來電，而時間正是早上五時。

我要再次強調這個遊戲是完全不公平的，因為周楉童的生理時鐘根本就是日夜顛倒，我在呼呼大睡時她就在玩電話，因此她能夠五時準時打給我實乃非常合理之事。

不過，反正也只是一個秘密而已，不值得我為此而去犧牲我的睡眠時間。

到了下午，周楉童準時打了過來。

「喂！你今朝無打俾我！所以係你輸咗，你快啲講個秘密俾我知！」她第一句便已經在提這件事。

「唉講囉，我個秘密就係，其實...我智商有145。」這是我深思熟慮了這個早上後，才想出的答案，輕鬆又化解了一場危機。

「收皮啦賤人！你真係好賤囉！又呃我...你身高無145啦，更何況智商。」她對我作出人身攻擊。

「嘩屌你，我而家有米五㗎！同埋有咩問題呀，你又無講明要聽咩秘密...」

「唔得唔得，總之我唔接受你講呢啲廢話，我想知，你鍾意邊個！」

聽罷我心中吃了一驚，她這一問實在攻了我一個措手不及，頓時間我內心千百個念頭彈出來，一時間想著應該要隨便說個謊蒙混過去，一時又有衝動直言我喜歡她。

「errrr呢啲唔係咁好嘅，都係個啲啦，再講啦再講啦。」完全想不到如何回應的我，開始胡言亂語起來。

「唔得！我地講好咗會講個秘密㗎嘛！」她決絕地說。

「唉，其實我...係gay嘅！」實在無可奈何之下，我唯有出此下策。

「你收皮啦，搵鬼信你係gay呀，上次去長洲先聽住你同唐狗係到傾邊條女最正！你快啲同我講你鍾意邊個！」想不到，一向愚蠢的她，這次竟然能輕易識破我的謊話。

「唉我呀...errrr…鍾意呀...」我支支悟悟了好一會後，終於她忍不住了。

「你諗到你個答案先好搵我啦下，就咁！」說罷她便掛了電話，而我則陷入苦惱之中。

到底，我應該要跟她表白，抑或是隨便說個較為可信的謊話呢？

若然坦然對她說其實我喜歡的人是她，會不會最後令到我們的關係至步於止，從此劃上句號。

還是應該保守一點，不跟她坦白，那至少我每天仍能跟她有相處的時間。

有見及此，我唯有走去找我最要好的異性朋友，Suki！

無錯！就係鄰居故嘅Suki！佢已經穿越宇宙嚟到現實當中。

她作為我自小學已經認識的朋友，基本上有甚麼煩惱我第一時間都會找她。

我：「喂喂喂，有嘢想你幫手。」

過了一會後，她便上線回覆我。

Suki：「係度，大佬想我點幫你。」

於是我便簡單將情況告訴Suki，並向她請教面對如此兩難困局應該怎麼處理。

結果我便第一次被她欺騙了。




得閒咪fol下我ig囉：maanyin05

Suki：嗱講真，我覺得個女仔咁問得呢，有九成都係鍾意你㗎喇，所以我個人就覺得你可以去馬同佢表白。

我：係咪㗎，但係我好撚驚喎大佬，萬一佢唔鍾意我咁咪大檸樂囉，我驚同佢連朋友都做唔成，同埋你都知，被人拒絕好柒㗎嘛。

Suki：得啦，我話嘅，掂㗎喇你今次，佢咁問得，應該都係想你答你鍾意嘅係佢㗎啫。

我：嗱，咁我真係而家打俾佢同佢表白㗎喇。

Suki：大佬加油！

在此我僅勸各位朋友，面對表白如此大事，有時候我們還是應該要保持獨立思考，不要過份聽從別人的意見。

於是我便把心一橫決定豁出去，撥通周楉童的電話。

「喂賤人，諗咗兩個鐘突然又諗到你鍾意邊個喇？」周楉童有點驚喜的問。

「係呀，諗到喇。」雖然我對於四年前的事印象甚為模糊，但不難想像出我的聲音應該正在顫抖著。

「咁你講啦，你鍾意邊個啫~」

「其實呢...」我深吸一口氣，然後繼續說下去「我鍾意你。」

別輕看這四隻字，自人類出現以來，這四隻字曾由無數人口中說出過，結果有人因此修成正果，有人飲恨失敗被拒絕，因此這四隻字實有無窮魔力。

等待周楉童回應的時間彷似過了許久許久般，我的整個思緒都停止下來，就是在期待著周楉童給出的回覆。

「啫係你鍾意港女呀？」她笑著問。

而我聽到這句時，內心完全不理解這是甚麼意思，腦袋混亂至極，於是口中傻傻的回應了一句：「係呀。」

「我想講呢，呀賢仔真係好煩囉，都block咗佢啦，佢仲要ig搵我...」當她說到這裏時，其實我已經沒有心思去聆聽她在說甚麼，胡亂跟她對答了幾句後，她便掛掉了電話。

而此時我的心情亦已跌進了谷底，這就是我人生第一次被女生拒絕自己表白的經歷。

我：喂屌那星，又話有九成機會得嘅，我好似被人拒絕咗呀屌。

Suki：吓，師兄咩事，佢點拒絕你先？

我：佢就咁講咗句『所以你鍾意港女呀？』就完咗，無再講過其他嘢喇屌。

Suki：唉，對唔住大佬，我真係唔明佢點諗。咁你而家同佢點？有無尷尬？

我：唉屌，我都唔知而家同佢會變成點，頭先佢同我講多兩句就收咗線，好似驚咗我咁...

Suki：無嘢嘅，可能佢一時反應唔嚟啫，你主動啲認真再追下人，可能佢會接受你呢？

接下來的數天，不知是不是周楉童有心避開我，或者覺得尷尬，因此我跟她的來往由每天由早到晚都不停有新訊息，變成了一天只有一兩則偶爾提起賢仔的文字來往。
而這數天我就像行屍走肉般，做甚麼也提不起勁，處於一個極度頽廢的狀態。

每時每刻都期待著她會傳來新訊息，又或是會打給我，只不過這數天的等待，最終也只是落得一場空。





得閒咪fol下我ig囉：maanyin05

去汶萊啱呀，去完啲文自然就會來。

文來文來

一講suki就諗起唱k喊嗰度

打緊喇打緊喇

你唔講我都唔記得