其實直接回應30萬單野未...我等左好耐都等唔到答案
次次都下回分解,但已經下回左好多次
我知你依家條片呢間屋個廁所好夠位,咁點解30萬個間做唔到,但人地其他師傅又做到?
最新條片響廁所做返同一個pose又點,都係解釋唔到件事,對件事無幫助
上一條片無啦啦又話咩金銀珠寶係錯,個條叫頂眉。ok, fine!但其他師傅話燈位可以改,可以唔撞燈。跟住佢就話「師傅教落」
。
唔撞燈-->師傅教落?我睇唔到個logic
人地話下圓角令到個櫃容量細左,咁呢個的確係圓角旣壞處。一件事唔可以有好有壞咩?同埋其他人話佢個point根本就係圓角唔係佢帶起,因為以前本身有。如果呢樣柒左,咪唔好再提囉,徧徧又要響條片提返起「圓角大師」
正正常常話考慮過好處同壞處,都係用圓角好,咪ok囉
話人地屈你旣,直接拍返條片逐點誠實咁解釋應該會好好多。。。。解釋清楚曬成件事來籠去脈,無必要單單打打,對件事無好處又顯得自己小氣
最後,拍條片問自己伙記響公司有無俾自己刻薄。。。正常人唔通答有?就算有打死都話無啦