網絡小說集中討論區<27>

最近睇嘅小說

叩問仙道 凡人流修仙

劇情,伏筆,打鬥描寫均超出一般修仙小說 不過主角都係換地圖升lv周圍跑 但作者有埋大量伏筆引讀者追落去
本書節奏偏慢 要有耐性咁睇落去
最近更新已解開大量伏筆再補全世界觀
新章節主角唔再打打殺殺 開始玩種田 遊歷天下

女俠且慢 武俠後宮
對比起世子很兇 打鬥場面寫多咗 詳細得嚟又通俗易明 同時亦有大量同女角嘅曖昧/色色場合
準備完本,已經屌哂所有女主

不許沒收我的人藉 西方魔幻流
主角穿越入去自己有份design嘅遊戲
無系統 無金手指 只記得遊戲嘅劇情走向
為咗保命同提早退休 決定發展勢力對抗反派
本書搞笑為主,感情同劇情為輔
可以睇到男主角點樣係作死邊緣反覆橫跳同埋用愛感化敵人
佢就係西方版嘅大愛仙尊

給修仙界來點整活震撼 玄幻
搞笑修仙文
主角有金手指 滿足觸發條件可以睇到佢之後可以選擇嘅劇情走向命運線
佢係一個萬事通 收錢幫人解決疑難雜症
主角嘅行為都係為咗一個目的:好玩
作者塞咗好多遊戲/動漫/網文梗入去又唔會顯得生硬 如果識嘅話會睇得好過癮
搞笑抵死程度同 誰讓他修仙的 有得揮

普羅之主 玄幻
呢本書嘅最大特色係佢獨有嘅修練體系
本書世界觀入面有唔同種類嘅修者
有宅修 旅修 食修 武修 歡修 病修 窺修 etc.
唔同流派有獨特嘅能力 有佢地嘅強弱項
例如宅修係自己地頭內可以一打十 但出咗自己地頭就變傻仔
主角無意間成為咗雙重體系嘅修者 仲要係修行體系完全相反嘅宅修同旅修
因為手持至寶 俾人瘋狂追殺
故事就係睇主角點樣係修者盛行嘅"普羅洲"入面變強
本書笑點位唔錯,睇主角同人講道理十分歡樂
反派智商雖然有但係唔高 主角太順風順水 追殺佢嘅最後都變哂做EXP
但劇情同伏筆有加分
另外男女主角互動都好撚過癮

舊書單 多字慎入