【2ch文連登式演繹】神主與不可思議　日本網友分享從事神職經驗

棒球

小學到初中都有打棒球
有個讀同一間小學同中學一直都好老死嘅朋友
到高中先分開 當時又冇自己嘅電話所以都係靠傳聞知對方近況點
讀大學嗰陣又更加冇機會見所以都唔知幾時記慢慢淡忘
然後有一日好想打棒球
呀不如試下搵佢聯絡下見見面啦咁樣
我同佢大家都搬咗但都知對方電話所以約好見面

太長
有冇三行

跣手
稻草人
燒炭自殺

我同佢好耐冇見 一邊打棒球一邊傾咁多年來嘅嘢 傾飽後就解散
臨走前佢「呢個之前一直借咗你冇還而家畀返你」畀咗個棒球我
係初中嗰陣我借畀佢嘅一個棒球員簽名波
「喔 唔該晒喎！」走後我望一望個波見到有小學生咁好肉酸嘅字寫住「多謝你」
然後三年後開始返工各種忙嘅有一日喺屋企睇緊電視嗰陣放喺電視櫃度嘅呢個棒球跌咗落嚟
「做咩呀」有種唔好嘅預感所以我打去朋友屋企 知道咗佢三日前過咗身
「樓豬好努力咁行緊自己揀嘅路所以等我尾七先通知佢」佢有咁嘅遺言所以先冇聯絡我
佢死因係內臟系嘅長期病患
「你條友丫做咩唔一早話我知」我大人大者喊到劏豬咁
然後不經意咁望返手上個波 見到「多謝你」變咗做「一直以來多謝你」

幾引人入勝嘅故
我一啲靈覺都冇但可以令人睇咁耐嘅內容都幾可信

樓豬
雖然我好驚但都由晏晝開始睇你
多謝你咁有趣嘅分享

我諗住不如聽日去參拜下神田明神求下生意興隆 位於東京千代田

同朋友個故喊出嚟
最近先聽緊決明子首《摯友啊～今後也一直…》更加感觸 同樣2016年嘅《蠟筆小新：瞓啦！早唞早著夢作戰》主題曲

#299
聽講神社都有分同自己夾唔夾 係唔係真㗎？

#301
啲人成日講伊勢神宮係別格啲 樓豬點睇？

>>299 與其話夾唔夾 應該係睇你自己點睇
打個比喻如果你話「好憎天照大神！」但又去啲奉天照大神嘅御宮度嘅話我覺得咁冇意義
另外唯一有樣嘢好想同大家講嘅係 去神社參拜嗰陣要注意嘅係唔應該提及名呢啲嘢！
首先係向神明感謝有願望嘅話就之後再許你嘅願望！
你睇下神主啲祝詞就會知 首先都係向神明感謝嘅
喺咁嘅基礎度再同神明表示希望可以幫自己一把咁
而家啲人個個淨係識許願 呢點希望可以改善下 因為神明唔係萬事屋嚟嘛（笑）

>>301 個人嚟講認為神明係冇差異
但御成敗式目入面有咁嘅一句 鎌倉時代嘅道德規範
「神者依人之敬增威，人者依神之德添運」
上網搵到有寫原文嘅圖 補一補 真係原文 嗰個時代係寫漢文嘅

即係話人嘅信仰心會令神明嘅力量強大 喺咁嘅意義下神宮參拜者多所以神威都好勁

多謝樓豬解答！
好有參考價值 果然感謝嘅心好重要㗎呢

#305
一件好耐之前嘅事嚟 去旅行嗰陣明明行程冇預但唔知點解好似俾咩吸引咁去咗間神社度
係唔係俾神明呼喚呀？
係青森縣一間叫高山稻荷神社
之後明明好遠 但都有再去過

>>305 喔～你眼光幾銳利
嗰度嘅千本鳥居同庭園打理得好好 作為觀光景點真係好正
可以有能力打理得咁好係因為好受到信仰
感覺似係呼喚 唔知會唔會係有啲咩緣份呢

#312
我冇話有咩靈覺或者睇到啲咩咁 都會有啲咩緣份㗎咩...

同埋重有樣
我伯爺塊地度有個由來不明細細個祠咁嘅嘢喺度
咁嘅情況應該點做好？
我覺得又唔可以隨隨便便咁對待...

>>319 間唔中放啲鹽呀米呀酒水呀咁應該都可以
唔知佢嘅因由嘅話就自己嘅生日或者年頭年尾咁做都夠 同埋用水去清理下佢應該都唔錯
對神明嚟講最慘係被遺忘 人都係一樣^^

多謝樓豬解答

#309
我有習慣係一有時間就會見神社就入去參拜下 請問咁做得唔得？
內容係對附近地鎮嘅感謝

>>309 就算唔入去二禮二拍手一禮
喺鳥居嘅正中前敬一禮都係好事嚟！
對神明嚟講可以見到你都開心嘅！
絕對唔係啲咩壞事嚟

多謝解答 太好了 我諗住繼續會咁做

#315
乜唔係話鳥居正中係神明嘅通道唔可以企㗎咩？

>>315 呢個係神社祭式上嘅事嚟 講緊入咗神社範圍（境內）嘅事！
從外面嘅道路敬一禮咁去係完全可以 氏子嘅人都成日咁做！
禮嘅話就合手敬禮咁！

#326
去神社嘅時間係唔係幾點都得？
雖然未試過夜晚去 但想知係唔係早午晚都可以

#327
原來係咁
以前聽落唔可以行鳥居正中所以一路都避開咁行

>>326 有人會話夜晚唔好去神社 但唔係因為會有啲咩唔好嘢會嚟 夜晚係神明嘅時間
有睇法係日頭鎮住但我嘅睇法係夜晚可能好啲
不過有保安上嘅理由等等嘅嘢考慮 所以啲閂咗門嘅地方小心唔好亂侵入去！

>>327 一通過鳥居由嗰度開始就係神域嚟 行邊邊會好啲！
抱歉我表達得唔好！
鳥居前 我指出面公家路度敬禮嘅話面對住鳥居嘅正中較好

#332
神社日頭有神明喺度但到夜晚就會聚集啲唔好嘢係唔係真㗎？

>>332 好似上面所講咁 夜晚先致係神明嘅時間嚟
神宮早排先遷宮 遷宮祭一樣喺夜晚做

#335
喺神社度Pokemon Go得唔得？

#337
係唔係定期去參拜固定一個神社好？參拜唔同地方係咪唔好㗎？

>>335 我做嗰間神社都煩緊呢樣嘢你要做嘅話就做之前好好咁參拜下先啦！（笑）
我諗咁樣神明都係寬容
你當神明好似人咁諗就易啲明
隨便入人屋企Pokemon Go係唔係好冇禮貌先？
大概係同樣感覺

>>337 冇問題
間中民間流傳嘅未必正確 例如唔可以有一堆御守咁
但係你睇返古事記就明 神明全部都係兄弟親子嚟 即係話有親緣嘅！
只不過對自己嘅產土神嘅御宮就請好好對待
一定會有啲咩因緣嘅！

呀呀對唔字原來上面已經有寫
夜晚嘅神社個氣氛令人唔敢埋去
原來神明係夜行性嘅

#374
你對神田明神嘅萌poster重有同lovelive嘅聯動有咩睇法？

#375
一年休幾多日？
明日（已經係今日）使唔使出勤？

#376
然後 留低埋聯絡資訊 講「我睇咗呢個PO」就會有做法事8折優惠

>>374 商業上我覺得可行嘅
實際上神社都係出錢嗰方冇得賺（笑）
但如果去到會作弄神明就唔好喇
巫女嘅話我諗都還好

>>375 一個月6,7日
今日都休息
好耐冇放連假唔知可以點有意義地運用 如果可以幫到大家就好

>>376 咁嘅話咪個個都衝晒過嚟（笑）

#379
想聽下重有冇其他驚驚地嘅嘢
就算唔係樓豬親身經歷嘅都好

[/green]
[green]唔恐怖嘅呢...我記得嘅有
。蟲之告知 日本諺語 指唔知點解感覺到有唔好事發生 即係中文嘅第六感

「跟蹤狂」
大學時代嘅事嚟 簡單啲講就係遇到幽靈跟蹤狂
雖然只係兩星期嘅事
原因而家諗返起好淺白亦有啲後悔
就係同朋友去鬧鬼地
即係所謂嘅鬼隧 原文寫BakeTun 結合鬼怪Obake同隧道Tunnel
嗰度係縣入面出名嘅鬧鬼地 係有個交通意外死嘅女人會出現咁
我就覺得好無謂咁但都跟大圍一齊去

隧道長50m左右 咩都冇發生咁就行咗一半嘅時候同一個禿禿地好頹嘅阿伯擦身而過
到行完隧道朋友好嘈咁話「超！乜都冇嘅喂！」
我就講咗句「頭先個禿伯唔知做咩呢？」然後朋友就「？？？」我即刻明
不過又睇嚟幾無害咁所以冇理咁多 諗住揸車走嗰陣見到禿伯用車咁嘅速度追上嚟
我唔覺意嗚哇咁叫但我又唔想俾朋友覺得我古怪所以扮瞓求其矇混過關

之後嘅兩星期都係同禿伯一齊生活
最初只係喺屋企嘅玄關匿匿下咁裝我
一星期後就一返到屋企唔知點解見佢喺枱前面正座
佢又冇講嘢又冇做咩所以我唔理佢就咁照過
喺佢消失前兩日禿伯好鍾意睇電視
最初只係一直𥄫住我但嗰陣就睇綜藝節目睇到大爆笑
雖然聽唔到佢嘅聲
至於夜晚佢做乜 就係喺瞓緊嘅我旁邊好似氹我瞓覺咁拍下我
消失嗰日禿伯睇搞笑節目大爆笑
我心諗「有冇真係咁好笑？」然後睇緊電視大爆笑緊嘅禿伯就好似笑到仰後咁再就咁俾地板吸走
之後禿伯就係咁消失咗

#470
禿伯追上嚟咁恐怖
佢係跑咁追？定係手腳冇郁咁飄？
同埋原來靈體都會睇電視睇到笑

>>470 係全力疾走～
手腳都係正常咁郁
都幾核突

#475
請問樓豬
人類嘅靈魂喺邊度嚟？
會喺地球輪迴轉世？
定係宇宙整體咁喺唔同地方轉世？

>>475 呢啲我答唔到
我冇啲特殊嘅超能力所以唔清楚
只係我相信有轉世

多謝回覆
我問得壯大咗少少

#485
神明嘅定義即係點？
係唔係唔理善定惡 被奉祀嘅話就算神明？

#487
聽講如果情侶去祭祀女性神明嘅地方就會因為妒忌而遭遇唔好事係唔係真㗎？
會妒忌？

#488
一啲愈嚟愈少人嘅地方係唔係因為嗰度嘅土地神力量弱咗所以先變得荒廢？

>>485 有啲難答
但我諗死後只要有信仰者嘅話都算神明
而家嘅神道教基本上係源於泛靈論嘅古神道同祖靈信仰

>>487 冇啦～唔會咁啦（笑）
神明又點會走去妒忌世人呢

#506
唔～咁可能係女狐呱～

>>506 女狐嘅話都有可能
同埋例如祭祀阿岩姑娘嘅神社嗰啲
重有就係出名係切緣神社嘅安井金比羅都係積聚啲唔少怨念 所以情侶都係避開好啲 阿岩姑娘係《四谷怪談》一個被棄糟糠嘅妻子 於岩稻荷就係用嚟祭祀阿岩姑娘

>>488 你可以話因為弱咗所以荒廢
亦可以話因為荒廢所以先弱
點講都好都係人嘅信仰心薄咗
以前神社係社會嘅中心嚟

#522
地藏係唔係都係神明嚟？

>>522 地藏係佛嚟啦下話～

>>522 地藏菩薩因為係菩薩所以係佛教嘅
但係神佛習合時期嘅地藏係愛宕大神嚟！

#535
咁即係每日去拜地藏都得？！

>>535 補充少少愛宕大神係同山岳信仰有關 係奉伊邪那美嘅 雖然係火神嚟
地藏本身都係境界嘅佛嚟 所以如果你去打招呼嘅話相信佢都會高興

呢個PO好有趣味