【2ch文連登式演繹】神主與不可思議　日本網友分享從事神職經驗

隨便問

詳細井啲事嚟天天

例如有咩事？

#6
花時間呢...
分開呢度有啲咁嘅事嗰度有啲咁嘅事！咁樣啦！有興趣會再問 你寫啦！

第一間係剛剛畢業嗰陣一間有本地淵緣嘅神社嚟
作為神社個社格都唔錯 同埋都係旅遊景點嚟所以都有相當嘅善信嚟參拜 又會做祈禱所以都幾忙 祈禱唔係指禱告 用天主教角度講係祝福 中式啲講就係做法事/祈福
知道自己靈覺強大概係高小嗰陣
阿爺過咗身但一直都喺遺體側邊
「咦？？分身？？」咁樣諗一齊生活咗一個半月
有搞到喪禮但因為佢一直都喺度所以冇咩感覺 喺大家都喊緊嘅時候我就一直都「？？」咁樣過
呢個係我記憶中最早嘅一次靈異現象（？）

你寫啲嘢都唔似做神職嘅

喔繼續啦

#11
國學院大學！ 一間位於涉谷嘅神道教大學 除咗有一般文史哲經濟法律外 亦設有神道學 樓豬一畢業就可以入職神社做神職人員 所以先估佢係讀呢間

>>6 OK
講定先啲事件係分開嘅
第一間→騷靈然後被炒 poltergeist
第二間→接法事做嗰陣觸到啲唔應該掂嘅嘢然後被炒
第三間→驅除惡靈然後被炒

俾神社炒魷嘅事件大概係咁

如果我用返神主咁嘅口吻寫會好難睇所以我普通地咁寫算（笑） 神主即係神道教神職人員
同埋都唔係咁常講啲大和言葉（笑） 大和言葉即係日本古來嘅語言 今日嘅日語混咗好多漢語字詞同讀音 但其實係可以講到冇漢語詞彙都得

>>11 呢個我唔講！
同埋唔好唔記得西邊都重有一間 指另一間唯二設神道學嘅大學 位於三重縣嘅皇學館大學

#16
想知樓豬係點解會去做神職嘅

想同你做朋友

第一間就同頭先所講咁
我做嘅神社基本業務就有做御祈禱、外祭、冇巫女嗰陣就發御朱印同御守 重有打掃
同埋有啲文書工作咁 不過呢間神社就有個傳統就係神人都會出去做外祭
就係咁入職第1年就有負責埋外祭 揸車去本地唔同地方去做咁
外祭主要係地鎮祭、神葬祭、清祓、御靈祭 地鎮祭即係動土儀式 神葬祭即係神道教式嘅喪禮 清祓即係淨化 御靈祭即係慰靈祭祖等等功德嘢
而家諗返起應該就係第2次嗰陣唔係咁好

想知電腦如果用大和言葉講係點？

呢啲勞工法例唔知點計㗎呢

繼續啦

>>16 話心血來潮好定因為對日本文化有興趣好呢

人生第1次自己一個人做奉仕嘅第一單係神葬祭 一路好認真咁諗返起啲前輩教過點做一路好緊張咁去做但都叫做完成咗
大概係就職嘅第2個月嗰陣
第二單就真係唔係幾好 第二單係做清祓 簡單講就係喺搬屋或者有啲咩唔好事發生嗰陣做嘅淨化儀式
今次嗰度係早排有個女人自殺嘅所謂凶宅係地產公司話要做嘅

#25
如果搞第一屆法事錦標賽嘅話你覺得神道教贏唔贏到？
做法事嚟講邊個宗教係勁敵？

我心諗唔多想做 但冇計做細唯有乖乖地去現場
一入到間屋就覺得好沉重咁 果然呢啲地方個氣氛都係唔同啲
不過都冇得我唔做！只可以照做！
起好個壇畀埋祭品後諗住開始做嘢 但個蕃茄跌咗落地啲祭品係放喺叫案嘅几仔度上面一個叫三方嘅台度有隻碟裝住 唔知點解蕃茄跌咗落嚟

上面又有蘿蔔等等嘅嘢 係唔知點解得蕃茄跌落嚟 而且唔係碌落嚟咁 明明冇咩衝擊力但個蕃茄跌扁咗
三個全部都跌到扁晒但冇辦法都唯有照做

係你自己辭定係神社嗰邊驚所以剁你？

>>25 我唔知伊斯蘭教有冇做法事呢種概念所以答你唔到

而家諗返起重有明明裝住神酒嘅樽仔冇穿到窿但啲酒漏出嚟
點都好都算順利做完 完事後諗住同在場睇住嘅地產職員講兩句然後走嘅時候有個好生面口嘅人一齊離開間屋
我一路諗呢個邊個嚟呢咁樣執返啲嘢上車 喺我諗住上車走嗰陣見到嗰個人坐咗喺副駕駛席
我喺度諗「咦？？？」我同佢講「你係咪上錯車？」但對方都只係望住前面
我即刻落車同職員講「你知呢個係邊位嗎？」
不過對方話「你講咩呀？（笑）神主式爛gag？咪無啦啦嚇我啦～」
呢個時候我理解到嗰個係人外嘅嘢

嗚哇起晒雞皮

嘩…

你可摸耳幫我睇下我嘅唔信任何人有冇得醫

都有分啱唔啱嗰間神社嘅 搵過第間啦

知還知 但學校又好神社都好都冇教過點樣同靈體相處 所以唯有一路唸住大祓詞 神道教經文
我一唸經對方就用一個好似痛苦咁嘅樣矋住我所以有啲困擾

然後呢個女性嘅幽靈跟埋去神社
唔知點解好似唔會去本殿附近 成日都會喺離本殿有少少距離嘅社務所、神樂殿、神饌所一帶

#35
矋住你唔驚咩？

你係咪都會見到跟住人嗰啲？

嗰個幽靈唔知係唔係想引人注意 今後都有搞啲嘢出嚟
而且都係同我嘅業務有關
例如前一日準備好嘅祭品諗住第2日拎去用點知朝早見到就全部跌晒落地爛晒
同埋我負責聯絡採購嘅御守供應商投訴話成日有無聲電話
重有我用完後廁所塊鏡就裂咗
當夜班嗰陣一瞓就聽到人聲 但起身就唔見有人等等搞咗好多妨礙做嘢嘅事出嚟

睇緊睇緊

幾好睇
可以推

我估只係覺得呢條友講咩呀咁樣覺你怪啫

>>35 感到有怨念 但我都冇做咩壞事咁有啲唔講理

就係咁要同幽靈一齊做嘢 到有日發生咗縱火
引咗好多人嚟趁熱鬧
好在啲火及時熄咗但呢度又有不可思議嘢
根據報警住喺附近嘅人所講 係有一個冇着鞋着黑色連身裙咁嘅女人用水桶淋熄啲火
嗰個水桶都喺現場附近 但本身係神社放喺唔用嘅嘢倉庫入面
明明冇人拎過出嚟

最後因為我係食煙嘅所以就俾人當係放火嘅犯人連埋到目前為止做錯嘅嘢（幽靈搞出嚟嗰啲）話唔報警但要我自動辭職 所以實質上係炒魷魚
補充返如果真係報警嘅話就會整花我個底 解僱嘅話除非有家勢否則會俾神社界全面封殺
我諗呢個都算係宮司諗過嘅考慮嚟 宮司即係神社住持

我諗起傲嬌貞子

咁過份

然後就喺我辭職去御宮執返啲嘢 御宮係神社嘅敬稱
喺鳥居出嚟嗰陣有把女人聲
「一直以嚟多謝你 我好開心」
之後我喺地產啲人聽返嚟先知
喺我離職嗰日就係之前做法事嗰個女人嘅第49日 即係尾七 脫離中陰身
同埋佢自殺嗰陣 好似就係着黑色連身裙

就係咁結果嚟講三個半月就失職嘅我人生絕望了^^

補充返神社界就返工嚟講行業環境唔係一個咁好 同勞工法例冇關
有關嘅只係想有OT錢但個行業都唔係話好有錢所以冇得話滿足到好多要求 冇錢我就唔信喇 唔係用喺散仔度啫

輪到第2次被炒喇喂～！

#48
即係嗰個女人成佛？ 日本人講成佛除咗真係指得道成佛外 一般係指被超渡 心願已了等等離開陽間安息

#49
原來幽靈都有會着衫 咁唔知死嗰陣係cosplay緊咁會點呢

>>49 咁應該就係cosplay住咁去拎水桶救火

#51
你有冇諗話做其他可以發揮到你靈覺嘅工作？

>>48 我唔知用成佛嚟形容啱唔啱 話晒都係佛教用語嚟所以唔知總之就係嗰日後就冇再見佢
係有種嚟到神社個感覺舒暢咗咁樣

咁就到講第二間 會花啲時間勞煩大家配合
我諗可能係炒咗我嘅第一間神社嘅宮司同職員多多少少都察覺到啲嘢唔係我做
但實際上又真係影響到神社嘅奉仕所以變到冇得唔炒我
證據就係宮司介紹我去另一間
同樣係縣內嘅中規模神社 同埋因為人手不足所以咩人都收

#54
靈體畀我印象都係透明 定其實係好清晰㗎？

#55
點諗都只係吹水PO

>>51 我係有靈覺或都唔係話咩都見到 同樣嗰啲好神棍所以唔制（笑）

我做咗半個月家裡蹲後就去一間有6個神職嘅中規模神社度奉仕
因為人少 所以要做到全能咁所以比起之前間神社每日都更加忙碌
同埋最初因為我係俾人炒出嚟所以受到過啲冷待過咗陣悲慘日子 不過之後大家都接受咗我所以好一帆風順咁過咗近兩年嘅神主生活

#57
開神社名啦
講到咁細有知嘅人就自然識路

>>55 自己一理解唔到就當人作故呢種諗法真係簡單㗎啫

>>54 阿爺嗰陣睇得好清楚
但緣淺嘅人就會睇得唔清楚或者只係聽到聲
所以我認為自己靈覺平平

兩年間雖然唔係話完全冇見過靈體 但冇妨礙到工作所以冇咩嘢
然後有一日接到一單御祈禱嘅工作
簡單啲講就係靈異照片嘅御祈禱
講係咁講 但點樣幫靈異照片做法事呢啲嘢學校根本就唔會教 同埋神社都唔會成日遇到呢啲
拜托我哋嘅係一對老夫婦
張相嘅內容就係冇咗伯伯對腳同埋個樣好明顯變咗另一個人
仔細啲睇其實唔係對腳冇咗 係重見到少少 同埋講真似係光嘅關係幅相嘅下半部白晒咁 其實只係咁？不過
個樣就的確見到好似唔同樣...呱咁嘅感覺

>>57 第二間係神明神社 供奉天照大神 總社係伊勢神宮
全國各地都有 所以除非係識我嘅相關人士外應該唔知咁多

等等前輩有嘢叫我 我行開一陣先
中途停一停唔好意思！今日去到呢度完先 有時間會再寫

慢走～

#63
冇睇 係咪即係話好清楚見到鬼呀咁嘅白卡PO？

>>63 睇啦白卡佬

#65
我工作上成日都會去某間日本最多參拜者嘅神社同某間喺鎌倉嘅神社都冇啲咁嘅人 估計係明治神宮 八雲神社
即係話咁嘅人就唔會喺嗰啲地方

>>65 因為見到靈體會影響做嘢呱
又容易種下啲麻煩嘢種子
常言道不觸神即無作祟 原文：触らぬ神に祟りなし 意思：多一事不如少一事
雖然唔係神只係靈

即係神職但fresh grad咁啦
唔知點解有啲好笑

宗教都只係一盤生意

#71
幾錢人工？

#72
>>71 Google啦撚樣
https://careergarden.jp/shinshoku/salary/ 初入職月薪13萬yen左右

>>72 多撚謝

人工好低㗎咋
當然OT錢又冇又一定要假期返工
因為係奉仕而唔係打一份工嘛

繼續先
既然收得人初穗料就冇得唔做嘢 初穗料可以理解為香油錢
總之先誦下祝詞同埋收低張相
第2日就有事發生 見到張相黑咗
喺樣同腳嘅部份度

#75
樓豬返嚟喇！
見到黑咗...哇...

但我呢啲新仔都唔知應該點處理 所以就去搵上司嘅A禰宜 禰宜係高級啲嘅神職 宮司之下
我「A禰宜 唔好意思...係關於尋日晏晝御祈禱嘅呢張相你認為應該點好？」
諗住拎張相出嚟
A「咩嘢？相？」
我「係 尋日兩點左右對老夫婦咪我負責做御祈禱嘅 關於靈異照片...」
A「你講咩呀？尋日晏晝你同我一齊做緊大祭嘅準備㗎喎？」

哇...

嚇撚死

喺鳥居出嚟嗰陣有把女人聲
「一直以嚟多謝你 我好開心」