【2ch文連登式演繹】神主與不可思議　日本網友分享從事神職經驗

我心諗俾佢爆菊都制

[green]例如我做過痴漢 搞咗巫女個肚奉子成婚所以俾人趕走之類

根據附近嘅人所講
呢間屋嘅太太喺一星期前死係一個30鬆啲嘅女人
老公冇離婚但分緊居 因為有其他女人所以離家
發現佢死咗嘅人鄰居 因為聽到有叫聲同物品嘈雜聲 去睇下咩事就見到死咗
死因係腦梗塞
呢排夜晚成日都會見到佢帶住奇怪嘅笑容喺度行
聽講本身係擅長社交嘅後生靚太嚟
的確睇相係幾靚 靚到有少少心動

#231
live咗！
異能人士嘅故事真係好有趣
夜叉有冇話似邊個？？
有冇見過同佢相近嘅相？？

第日B返嚟神社
雖然一路都係聽B嘅指示行動 但有佢喺度安心好多
諗住同B今日做完嘢就去拜訪下個老公 我心諗會唔會都已經...但說服咗我掛住驚唔行動唔會有進展咁所以都係去
個老公住喺鄰市 喺啲遺物度得知嘅 揸車出發去
去到老公屋企但唔覺有人氣
B話「睇嚟已經遲」問返附近嘅人得知原來3日前同情婦一齊燒炭自殺

>>231 外表嘅話本身似香椎由宇
然後染白頭髮再整散亂啲咁樣

同B諗過已經冇晒辦法
最後決定唯有超度夜叉 超度係佛教用語 原文係寫一個「祓」字 簡單嚟講係做啲儀式擺平 唔想用收咁嘅字眼 因為有多少唔符合神道解釋 當然超度都唔準確 只係較接近嘅表達
而留低最多怨念嘅樹就決定做完儀式後斬走佢
做法同普通嘅清祓一樣
最後斬埋棵樹就算完晒
齋主由B做 我係副齋主 我哋講好咗如果邊個瞓低就另一個繼續落去
但擔心有啲多餘 意外地好快脆做完
然後就係用電鋸斬樹嗰陣有不可思議嘢發生
諗住鋸樹嗰陣但命中唔到棵樹 要講嘅話好似跣手咁樣
B做嗰陣我重心乜佢咁渣㗎我話不如我嚟啦咁到我去做 都係一樣
同樣都係跣手咁鋸唔中棵樹

哇好好睇

到電鋸終於鋸中棵樹...
啊呀呀呀啊啊呀呀啊呀啊啊啊啊啊！！！咁大家都聽到大聲到耳都裂嘅叫聲
連在場睇住嘅氏子都一樣
全部鋸晒後啲聲就停咗
據B講係可能樹積咗好多怨念而成為咗放出怨念嘅一方
放出嘅怨念會對人有壞影響從而製造做丑刻參拜嘅人

結果因為棵樹冇咗所以嗰啲案件都冇埋
我同B因為俾人排擠同其他人嘅關係都冇改善
最後連宮司都愛理不理咁放生我哋以投閒置散形式咁炒魷^^

不過講返 鳥居外好似夜叉咁薄薄地矇矇地嘅嘢其實就仍然喺度^^

#239
咁嗰個女人係點查到樓豬同B嘅嘢？

大概俾三間神社炒嘅理由就係咁樣完喇！
好多謝睇嘅各位！
途中冇覆到但而家我做緊第四間打算好和平咁生活
只係唔知會唔會又有嘢啫！

當然幽靈唔一定係壞嘢！
亦有俾佢哋幫過嘅經驗 因為有幽靈所以第三間我先有發揮嘅地方
覺得係吹水PO都冇所謂
只係自己唔理解嘅嘢 人生中一定會發生一次
嗰陣時請做好心理準備啦^^

有嘢問或者其他事跡就再答！

然後樓豬就同B做退魔師喺都會度同黑暗作戰
下星期進入新篇章！敬請期待！！

就算有異能都唔一定可以好似「其實我做妖怪退治嘅工作～」咁樣事事順利嘅

恐怖過稻川淳二 一個專講鬼故嘅工業設計師

唔該想聽啲唔恐怖嘅不可思議嘢 幽靈嘢

有冇嘢想同另一個PO話想叫狐狗狸上自己身做女朋友嗰條友講 狐狗狸即係銀仙

喔喔即係你而家喺其他地方努力緊啦！真係好

好好睇 繼續啦
B之後點樣？

客觀嚟睇咩都冇發生過嘅
經歷我都有

#254
我都係間中（其實只係得3次）見到嘅人 但就冇咩實際遇害
對啲感覺到唔妥嘅地方都會避開唔去 其實有冇需要去做啲咩儀式呢？

唔恐怖嘅呢...我記得嘅有
。蟲之告知 日本諺語 指唔知點解感覺到有唔好事發生 即係中文嘅第六感
。棒球
。跟蹤狂
。時計
。收信

有呢啲事...

B而家同我喺同一個地方做嘢！

>>254 間中見嘅話我都認為冇害
只係如果跟住自己或者覺得唔知俾咩人睇住咁嘅話就去做下儀式好

#258
啲鄉下聚落嘅入口度咪會放啲好似人咁嘅形狀嘅石嘅 知唔知係點解？
其實我諗我喺嗰嚿石附近惹到啲嘢...後來查返知道嗰片土地都唔係咁好

#260
B都一齊就安心
驚到我開晒燈

神職好多血統係唔係指代代都係做神職嘅人就會做神職？
多唔多家底完全冇關但喺大學度學返嚟做神職嘅人？

#261
點解個老公同情婦燒炭自殺嘅？

>>258 應該係道祖神咁嘅嘢
聽過啲村入面嘅像係造嚟防止啲人外嘅嘢進入
以前啲人好鍾意整境界出嚟 對內外分得好開
例如神社嘅瑞垣同鳥居都係咁 甚至屋企嘅玄關都係境界嘅一種
為咗唔好俾外面嘅妖魔鬼怪入去境界內所以整啲像出嚟

>>258 一嚿石雕兩個出嚟嘅話就係道祖神 用嚟祈求多子多孫係佛教傳入嚟之前已經有嘅祖靈崇拜
利申：學過下民俗學

>>260 係非常之世襲制
伊勢嘅猿田彥神社都係由宇治土公家代代相傳 猿田彥係日本神話嘅神
應該都有好多完全冇關係但對神職好有憧憬又讀過大學嘅人嘅 但估計都係最多去到權禰宜就止步冇得再晉級
同埋啲神職相關人士好似都係優先接受考核

>>260 而家社家嘅一般嘅比例好似係一半半 但可以晉升都係睇血緣 社家係指一個代代相傳做神社嘅家族
講到尾所謂血統好即係神嘅子孫又一直守護住大嘅神社 而擁有間大神社嘅話又會有大嘅神社界影響力咁樣（笑）

>>261 點解嘅話而家我都唔知
我哋嘅推測係因為詛咒嘅影響
至於點解我哋會冇事 B嘅睇法係因為我哋係伐奉神明嘅人受神明庇護