【歷史】點解咁憎猶太人？?
。利川。
243 回覆
124 Like
6 Dislike
1970年9月納薩病逝遺缺由薩達特繼任，佢矢志收復西奈失地。為達目的，佢爭取到大量蘇聯軍事援助。薩達特希望以可控嘅戰爭挫下以色列銳氣，有籌碼喺手就可以迫佢埋枱講數。
上次嘅贏家以色列選擇以守代攻保住戰利品，包括耗資巨款喺蘇彝士運河旁修起防禦工事，並以參謀長巴列夫命名。
巴列夫防線以運河邊上嘅混凝土牆為主體，上面再鋪滿沙。之所以用沙係因為佢不易變形，被認為能有效阻止埃及嘅坦克炮轟，達揚更形容為世界上最好嘅反坦克壕之一，估計可以阻擋埃軍一兩日。
然而事態發展遠超以軍預算，1973年10月6日，當天係猶太最重要節日贖罪日(由來：【歷史】點解咁憎猶太人？- 分享自 LIHKG 討論區 https://lih.kg/AuKzNiX)，埃及知道嗰日係紅日，好多軍官會選擇回家贖罪，於是同敘利亞同步夾擊以色列。
面對長城咁款嘅巴列夫防線，埃及早有準備喺歐洲買定水炮車，覆蓋喺防線上嘅沙粒因為濕水而迅速崩塌，埃軍好快就喺防線上打出多個缺口。
8萬埃軍僅用咗6個鐘就越過巴列夫防線，同時又以空軍攻擊以色列喺半島上嘅軍事據點，擊落大量戰機。同一時間敘利亞亦進軍戈蘭，收復唔少失地。
埃及同敘利亞都總算吐氣揚眉一次，阿拉伯弟兄亦受到鼓舞，連戰前同以色列眉來眼去(戰前約旦曾向以色列通報埃敘即將發兵，但被以色列認為兩國同新翻嘅蘇制武器接軌需時而不重視)嘅尚書約旦亦決定參戰。佢哋今次更異常團結，以手上控制嘅石油為注碼，威脅歐洲保持中立。
戰爭第四日女總理梅爾夫人決定向國際求援，歐洲諸國一來忌憚石油制裁，二來都覺得上次以色列贏得太盡，霸咗人太多地方，所以都紛紛拒絕援助。相反埃敘除咗伊斯蘭陣營，仲有共產國家如古巴北韓支持。
此刻猶太人仿佛又回到昔日被世界排擠孤立局面。但正所謂兄弟唔駛多，最緊要幫拖，好兄弟，一個就夠。
上次嘅贏家以色列選擇以守代攻保住戰利品，包括耗資巨款喺蘇彝士運河旁修起防禦工事，並以參謀長巴列夫命名。
巴列夫防線以運河邊上嘅混凝土牆為主體，上面再鋪滿沙。之所以用沙係因為佢不易變形，被認為能有效阻止埃及嘅坦克炮轟，達揚更形容為世界上最好嘅反坦克壕之一，估計可以阻擋埃軍一兩日。
然而事態發展遠超以軍預算，1973年10月6日，當天係猶太最重要節日贖罪日(由來：【歷史】點解咁憎猶太人？- 分享自 LIHKG 討論區 https://lih.kg/AuKzNiX)，埃及知道嗰日係紅日，好多軍官會選擇回家贖罪，於是同敘利亞同步夾擊以色列。
面對長城咁款嘅巴列夫防線，埃及早有準備喺歐洲買定水炮車，覆蓋喺防線上嘅沙粒因為濕水而迅速崩塌，埃軍好快就喺防線上打出多個缺口。
8萬埃軍僅用咗6個鐘就越過巴列夫防線，同時又以空軍攻擊以色列喺半島上嘅軍事據點，擊落大量戰機。同一時間敘利亞亦進軍戈蘭，收復唔少失地。
埃及同敘利亞都總算吐氣揚眉一次，阿拉伯弟兄亦受到鼓舞，連戰前同以色列眉來眼去(戰前約旦曾向以色列通報埃敘即將發兵，但被以色列認為兩國同新翻嘅蘇制武器接軌需時而不重視)嘅尚書約旦亦決定參戰。佢哋今次更異常團結，以手上控制嘅石油為注碼，威脅歐洲保持中立。
戰爭第四日女總理梅爾夫人決定向國際求援，歐洲諸國一來忌憚石油制裁，二來都覺得上次以色列贏得太盡，霸咗人太多地方，所以都紛紛拒絕援助。相反埃敘除咗伊斯蘭陣營，仲有共產國家如古巴北韓支持。
此刻猶太人仿佛又回到昔日被世界排擠孤立局面。但正所謂兄弟唔駛多，最緊要幫拖，好兄弟，一個就夠。
老友
Btw 大飛哥班𡃁應該好多都係末日信徒，早就想自我實現預言玩以色列復興
Btw 大飛哥班𡃁應該好多都係末日信徒，早就想自我實現預言玩以色列復興
只要有共產,人類冚家鏟!
樓主 加油 
會唔會講到最近美國大學的示威？
好美國會立法加大反猶的範圍。評判以色列的話就反猶。大學唔加以阻止，政府就唔俾錢。
猶太人好似係美國的天龍人一樣。。。
好美國會立法加大反猶的範圍。評判以色列的話就反猶。大學唔加以阻止，政府就唔俾錢。
猶太人好似係美國的天龍人一樣。。。
歷史真係一個循環
炸左亞斯旺水壩成個埃及就滅亡
回力標。成日都出現。無論係那一邊。
只不過d人都係選擇性失明。見唔到，聽唔到。無論係乜顏色。
只不過d人都係選擇性失明。見唔到，聽唔到。無論係乜顏色。
我憎穆斯林多啲
點解唔可以兩邊都憎？
穆斯林做過的，以色列未做過咩？佢先係近代恐怖主義的始祖。
穆斯林做過的，以色列未做過咩？佢先係近代恐怖主義的始祖。
猶太教俾飲酒
完！
完！
美國總統尼克遜宣佈無條件支持以色列，並表示埃及每擊落以色列一架戰機，美國人就送返架比佢。美國大兵駕駛F4戰機前往以色列支援，由於受到歐洲抵制，得葡萄牙肯提供機場補給，軍機只能沿地中海前往中東。
除咗戰機之外美國又提供大量坦克同新型武器，而此時埃及似又重蹈驕兵覆轍，佢哋未有把握機會乘勝追擊，反而加建防禦工事打算以逸待勞。咁係因為以軍喺一開戰已經嚴重受挫，數千人陣亡，致令埃及認為佢哋起碼要兩三日先回到氣。但可惜佢哋睇低咗一直生存之憂嘅以色列人，以軍迅速動員後備役，只係用15小時就召集咗30萬士兵上陣。
得到喘息機會嘅以軍暫時放下西奈戰線，轉戰戈蘭高地上嘅敘軍，咁係因為佢哋已經威脅到首都特拉維夫安全。以軍派出15個旅同一千坦克，喺空軍掩護下開往戈蘭。
得到美國軍事援助嘅以軍就好似開咗外掛，戈蘭局勢開始逆轉。敘軍雖有蘇制反坦克武器，但無奈喺地形複雜嘅戈蘭並不合用。以軍逐步將敘利亞人驅趕，至10月10日成功將佢哋擊退到戰前停火線。
節節敗退嘅敘軍唔單止打唔到去特拉維夫，仲連自己首都大馬士革都受到威脅，只好向盟友埃及求援。
10月14日，以圖圍魏救趙嘅埃及人再次向以色列發動攻擊。但係呢次攻勢就未能取得勝果，被以色列陣地所阻嘅埃軍喺當日損失咗200架坦克。
10月15日，以軍還擊。日後成為總理嘅名將沙龍率領裝甲部隊發動奇襲，以軍穿越大苦湖嘅沼澤區，諗住出其不意咁進攻埃軍喺湖北嘅脆弱地帶。然而埃及人早就注意到該處軍力薄弱而駐紮兩師，以軍嘅奇襲變成一場艱苦嘅攻堅戰。
經過一輪苦戰，以軍終於成功擊破埃軍戰線，將埃軍一分為二。以軍一路破竹打到去蘇彝士運河，更直迫開羅。10月22日，兩國嘅靠山美蘇終於傾掂數，聯合國亦通過停火決議，要求埃以停火。10月24日，第四次中東戰爭結束，歷時十八天。
除咗戰機之外美國又提供大量坦克同新型武器，而此時埃及似又重蹈驕兵覆轍，佢哋未有把握機會乘勝追擊，反而加建防禦工事打算以逸待勞。咁係因為以軍喺一開戰已經嚴重受挫，數千人陣亡，致令埃及認為佢哋起碼要兩三日先回到氣。但可惜佢哋睇低咗一直生存之憂嘅以色列人，以軍迅速動員後備役，只係用15小時就召集咗30萬士兵上陣。
得到喘息機會嘅以軍暫時放下西奈戰線，轉戰戈蘭高地上嘅敘軍，咁係因為佢哋已經威脅到首都特拉維夫安全。以軍派出15個旅同一千坦克，喺空軍掩護下開往戈蘭。
得到美國軍事援助嘅以軍就好似開咗外掛，戈蘭局勢開始逆轉。敘軍雖有蘇制反坦克武器，但無奈喺地形複雜嘅戈蘭並不合用。以軍逐步將敘利亞人驅趕，至10月10日成功將佢哋擊退到戰前停火線。
節節敗退嘅敘軍唔單止打唔到去特拉維夫，仲連自己首都大馬士革都受到威脅，只好向盟友埃及求援。
10月14日，以圖圍魏救趙嘅埃及人再次向以色列發動攻擊。但係呢次攻勢就未能取得勝果，被以色列陣地所阻嘅埃軍喺當日損失咗200架坦克。
10月15日，以軍還擊。日後成為總理嘅名將沙龍率領裝甲部隊發動奇襲，以軍穿越大苦湖嘅沼澤區，諗住出其不意咁進攻埃軍喺湖北嘅脆弱地帶。然而埃及人早就注意到該處軍力薄弱而駐紮兩師，以軍嘅奇襲變成一場艱苦嘅攻堅戰。
經過一輪苦戰，以軍終於成功擊破埃軍戰線，將埃軍一分為二。以軍一路破竹打到去蘇彝士運河，更直迫開羅。10月22日，兩國嘅靠山美蘇終於傾掂數，聯合國亦通過停火決議，要求埃以停火。10月24日，第四次中東戰爭結束，歷時十八天。
繼續推
如果今次美國放慢手腳，唔幫手，以色列會點？
好似有人放風，美國開始扣起對以色列的軍火補給。
好似有人放風，美國開始扣起對以色列的軍火補給。
贖罪日戰爭堪稱以色列最接近亡國一次，亦打破咗佢建國以來嘅不敗戰績。同時佢亦係二戰後最大型戰爭，雙方共投入90萬兵力，造成6萬幾人傷亡。
以色列保住戈蘭高地，但就喺蘇彝士運河西岸丟失3000平方公里土地，不過喺東岸霸返1900平方公里。
輕敵嘅梅爾夫人喺戰後引咎辭職，由六日戰爭中擔任參謀長嘅拉賓接任。
由於阿拉伯人喺戰爭中進行石油制裁，直接造成73年經濟危機，嚴重影響包括以色列在內嘅世界經濟。而贖罪日戰爭亦打擊咗以色列人嘅民族自信，戰後移民人數日減。
以色列人亦開始領悟到自己國小民寡，就算次次打贏又點，只要打輸一次，就會就會迎來滅頂之災。而埃及亦明白到以色列羽翼已豐，阿拉伯人終歸未能消滅，不如握手言和。
不過兩國正式揸爬係幾年後嘅事，而當時代表以色列嘅亦唔再係立國以來一直執政嘅工黨，而係右翼利庫德集團。
利庫德意思係鞏固，全名利庫德－全國自由運動，1973年大選前由幾個右翼政黨結盟而成，當中最大勢力赫魯特就係武鬥派民兵伊爾貢嘅政黨化組織。集團喺大選中得利，令工黨少12席位。
拉賓喺76年因為醜聞宣佈辭職，集團喺第年嘅大選中成功擊敗工黨實現首次政黨輪替，由貝京擔任總理。
利庫德能夠獲勝同東方猶太人嘅崛起有好大關係，經歷4次中東戰爭，被安置喺前線嘅佢哋立下不少汗馬功勞(阿拉伯人殺到焗住要打)。戰後就好似一戰老兵咁得到話語權，可以選出自己嘅政治代表，利庫德應運而生。
工黨基礎建立喺特拉維夫一帶嘅集體農莊基布茲上，早被先來者西方猶太人把持，而缺乏基布茲經驗又代表喺官場同軍中難以出頭。當東方猶太人前線浴血，喺佢哋眼中工黨就係一班喺後方享福嘅達官貴人。
當戰後工黨政府打算同埃及議和，犧牲東方人血戰返嚟嘅土地，選票就流向心狠手辣嘅老牌恐怖份子貝京。只有佢先可以執行強硬嘅國防政策，保障喺危險地帶嘅東方人安全。
另外亦因為利庫德及其選民喺國企般嘅基布茲no stake，因此佢哋喺經濟上亦更右傾更擁護市場經濟。而嚟自中東北非嘅東方人大多係恪守猶太教傳統嘅正統派，利庫德上台標誌住以色列從政治、經濟同宗教政策都由左轉右。
利庫德之後雖然數度失落政權，但都能捲土重來。本來喺托管時期激進派只係少數，但發揮作用巨大，可以話冇佢哋周圍放炸彈以色列多數未能立國。佢哋嘅後人得以長期執政，可能就係歷史嘅犒賞
。
原先認為利庫德作為正統派猶太教及右派所支持嘅政黨，會令以阿關系緊張。但貝京作為現實政治家，喺上任不久就後透過美國向埃及總統薩達特傳達進行和平談判意願。美國自第四次中東戰爭後亦開始調整地區策略，明白過於偏向以色列只會將阿拉伯世界推向蘇聯。自身為猶太人嘅國務卿基辛格多次喺中東進行穿梭外交，為埃以斡旋。
1977年11月19日，薩達特歷史性訪問以色列。喺第二年嘅9月6日，貝京同薩達特獲美國總統卡特邀請，前往馬里蘭州嘅總統休假地大衛營會面，經過12日會議雙方簽署「大衛營協議」，以埃宣告和平
。
以色列保住戈蘭高地，但就喺蘇彝士運河西岸丟失3000平方公里土地，不過喺東岸霸返1900平方公里。
輕敵嘅梅爾夫人喺戰後引咎辭職，由六日戰爭中擔任參謀長嘅拉賓接任。
由於阿拉伯人喺戰爭中進行石油制裁，直接造成73年經濟危機，嚴重影響包括以色列在內嘅世界經濟。而贖罪日戰爭亦打擊咗以色列人嘅民族自信，戰後移民人數日減。
以色列人亦開始領悟到自己國小民寡，就算次次打贏又點，只要打輸一次，就會就會迎來滅頂之災。而埃及亦明白到以色列羽翼已豐，阿拉伯人終歸未能消滅，不如握手言和。
不過兩國正式揸爬係幾年後嘅事，而當時代表以色列嘅亦唔再係立國以來一直執政嘅工黨，而係右翼利庫德集團。
利庫德意思係鞏固，全名利庫德－全國自由運動，1973年大選前由幾個右翼政黨結盟而成，當中最大勢力赫魯特就係武鬥派民兵伊爾貢嘅政黨化組織。集團喺大選中得利，令工黨少12席位。
拉賓喺76年因為醜聞宣佈辭職，集團喺第年嘅大選中成功擊敗工黨實現首次政黨輪替，由貝京擔任總理。
利庫德能夠獲勝同東方猶太人嘅崛起有好大關係，經歷4次中東戰爭，被安置喺前線嘅佢哋立下不少汗馬功勞(阿拉伯人殺到焗住要打
工黨基礎建立喺特拉維夫一帶嘅集體農莊基布茲上，早被先來者西方猶太人把持，而缺乏基布茲經驗又代表喺官場同軍中難以出頭。當東方猶太人前線浴血，喺佢哋眼中工黨就係一班喺後方享福嘅達官貴人。
當戰後工黨政府打算同埃及議和，犧牲東方人血戰返嚟嘅土地，選票就流向心狠手辣嘅老牌恐怖份子貝京。只有佢先可以執行強硬嘅國防政策，保障喺危險地帶嘅東方人安全。
另外亦因為利庫德及其選民喺國企般嘅基布茲no stake，因此佢哋喺經濟上亦更右傾更擁護市場經濟。而嚟自中東北非嘅東方人大多係恪守猶太教傳統嘅正統派，利庫德上台標誌住以色列從政治、經濟同宗教政策都由左轉右。
利庫德之後雖然數度失落政權，但都能捲土重來。本來喺托管時期激進派只係少數，但發揮作用巨大，可以話冇佢哋周圍放炸彈以色列多數未能立國。佢哋嘅後人得以長期執政，可能就係歷史嘅犒賞
原先認為利庫德作為正統派猶太教及右派所支持嘅政黨，會令以阿關系緊張。但貝京作為現實政治家，喺上任不久就後透過美國向埃及總統薩達特傳達進行和平談判意願。美國自第四次中東戰爭後亦開始調整地區策略，明白過於偏向以色列只會將阿拉伯世界推向蘇聯。自身為猶太人嘅國務卿基辛格多次喺中東進行穿梭外交，為埃以斡旋。
1977年11月19日，薩達特歷史性訪問以色列。喺第二年嘅9月6日，貝京同薩達特獲美國總統卡特邀請，前往馬里蘭州嘅總統休假地大衛營會面，經過12日會議雙方簽署「大衛營協議」，以埃宣告和平
Push
https://youtu.be/xDTrsysXWt8?si=jgA0DSf4W6ntVGPd
以色列的發言對眉毛變了「八」字。
一開始佢例牌的話以色列有盡力保護平民。
主持問現在殺了幾多哈巴斯，發言人好快就講咗個約數。跟手主持就問殺了幾多平民，佢就話唔知。主持就不斷質疑，有殺了幾多哈巴斯但唔知殺咗幾多平民，點叫人信以色列有盡力保護平民。。問多幾問，個發言人，改人口話佢沒有授權公佈平民死傷的數字。。一個謊話完又一個謊話。最有趣係佢對眉，最後真係變了個「八」字。。。
另外那個「哈馬斯王子」又係一個笑話。俾人一次又一次的打面。。。
以色列的發言對眉毛變了「八」字。
一開始佢例牌的話以色列有盡力保護平民。
主持問現在殺了幾多哈巴斯，發言人好快就講咗個約數。跟手主持就問殺了幾多平民，佢就話唔知。主持就不斷質疑，有殺了幾多哈巴斯但唔知殺咗幾多平民，點叫人信以色列有盡力保護平民。。問多幾問，個發言人，改人口話佢沒有授權公佈平民死傷的數字。。一個謊話完又一個謊話。最有趣係佢對眉，最後真係變了個「八」字。。。
另外那個「哈馬斯王子」又係一個笑話。俾人一次又一次的打面。。。
根據協議，以色列將從西奈半島撤軍並歸還埃及。79年3月26日，貝薩兩人喺華盛頓正式簽署和平條約，80年1月兩國建交。
和約令兩人同時獲得78年諾貝爾和平獎，但亦帶嚟好多敵人。利庫德內部鷹派以出身萊希嘅沙米爾為首，痛批貝京同工黨一樣係綏靖主義者，背叛咗復興大以色列嘅偉大夢想，甚至將摩西頒佈十戒嘅西奈山還比埃及。有部份成員甚至脫黨自立，又以強硬手段反對從西奈撤離軍隊及定居點，但最終以色列都喺82年將半島歸還埃及。
而埃及嘅薩達特亦同樣受到好多壓力，所有阿拉伯國家都同佢反面，埃及被取消阿拉伯國家聯盟成員國資格，至89年先被重新接納。
當80年貝京政府通過耶路撒冷法，立法耶城係以色列神聖不可分割首都，同樣視該處為聖地嘅穆斯林更加不滿，矛頭直指25仔薩達特。
1981年10月6日當薩達特參加贖罪日戰爭勝利閱兵時，數名受伊斯蘭聖戰組織指使嘅埃及士兵由吉普車上跳出，先向佢投擲手榴彈再開槍。薩達特送院急救無效，終年62歲。
當薩達特為中東和平獻上生命，貝京就懶理大衛營對以色列擴張嘅限制，繼續喺約旦河西岸同加沙興建猶太定居點，打算以既成事實為將來領土談判攞籌碼。戰爭英雄沙龍被任命為農業部長，負責執行阿隆計劃，喺聖經中所記載具有歷史意義嘅地區擴展定居點。
以色列雖然同南方嘅宿敵埃及言和，但佢喺中東仲有好多敵人。比埃及人更反猶嘅巴勒斯坦人，將會再次令以色列陷入戰爭泥沼。
和約令兩人同時獲得78年諾貝爾和平獎，但亦帶嚟好多敵人。利庫德內部鷹派以出身萊希嘅沙米爾為首，痛批貝京同工黨一樣係綏靖主義者，背叛咗復興大以色列嘅偉大夢想，甚至將摩西頒佈十戒嘅西奈山還比埃及。有部份成員甚至脫黨自立，又以強硬手段反對從西奈撤離軍隊及定居點，但最終以色列都喺82年將半島歸還埃及。
而埃及嘅薩達特亦同樣受到好多壓力，所有阿拉伯國家都同佢反面，埃及被取消阿拉伯國家聯盟成員國資格，至89年先被重新接納。
當80年貝京政府通過耶路撒冷法，立法耶城係以色列神聖不可分割首都，同樣視該處為聖地嘅穆斯林更加不滿，矛頭直指25仔薩達特。
1981年10月6日當薩達特參加贖罪日戰爭勝利閱兵時，數名受伊斯蘭聖戰組織指使嘅埃及士兵由吉普車上跳出，先向佢投擲手榴彈再開槍。薩達特送院急救無效，終年62歲。
當薩達特為中東和平獻上生命，貝京就懶理大衛營對以色列擴張嘅限制，繼續喺約旦河西岸同加沙興建猶太定居點，打算以既成事實為將來領土談判攞籌碼。戰爭英雄沙龍被任命為農業部長，負責執行阿隆計劃，喺聖經中所記載具有歷史意義嘅地區擴展定居點。
以色列雖然同南方嘅宿敵埃及言和，但佢喺中東仲有好多敵人。比埃及人更反猶嘅巴勒斯坦人，將會再次令以色列陷入戰爭泥沼。