一戰後第二帝國滅亡，威瑪共和國成立。私怨上頭嘅法國人為咗令德國人永不翻身，對佢哋索取鉅額戰爭賠償。德國戰時已取消金本位制，戰後為還債大量印刷馬克以換取外滙，最後因貨幣貶值造成嚴重通貨膨脹。
一時間所有銀紙變成廢紙，市民銀行存款化為烏有，連買個麵包都要4200億馬克
。優秀嘅化學博士喺街頭行乞擺賣，出身良家嘅少女被迫賣淫維生，服侍攞失業救濟金嘅英國人。英國人以低廉價格入住德國最豪華嘅酒店，仲抵過返深圳玩。長久以來作為優秀匠人嘅日耳曼民族，自尊心受到重擊
。而喺呢段悲慘歲月中，就只有買辦同投機者發財致富。佢哋大舉借入馬克，因為當時馬克正以瘋狂速度貶值，表面上利息超過100%而實際為負利率，可以話借得越多賺得越多。佢哋用貸款周圍併購優質資產大發其財，而呢班人嘅代名詞就係猶太人。
當一般德國人民不聊生，猶太人就因為普遍富裕而生活依然過得唔錯。經商嘅猶太人寧願任由食物腐爛，都唔肯免費贈送比窮人，以免破壞市場供求。
當時有人認為威瑪政府係刻意摧毀德國嘅經濟，等自己可以本pea唔還錢。其他人信唔信唔知，但至少宿敵法國人相信呢個說法，佢哋喺1923年出兵占領咗德國最重要嘅工業區魯爾以作抵債。
法國嘅行動受到美英兩國抵制，而德國為咗解決惡性通貨膨脹，最終以德國嘅土地同工業產品為錨，發行新貨幣地產馬克，以一兌十兆嘅滙率兌換紙馬克。
而美國人眼見亂局難解終於出手，先後推出杜威斯同楊格計劃，為德國提供美元貸款，以償還賠款。威瑪共和國終於走出惡性通脹陰霾，迎來幾年好日子。
但係好景不常，1929年華爾街股災令美國進入大蕭條，維持德國經濟嘅美元中斷，德國又陷入苦況。肚滿腸肥嘅買辦同投機者成為整個德國社會憎惡嘅對象，佢哋雖然並非全為猶太人，但德國人民為仇恨蒙蔽嘅眼睛將所有不幸歸咎於佢哋。佢哋渴望有英雄從天而降，救萬民於水火。
