39年9月二次大戰爆發,納粹德國喺歐洲嘅地盤大為擴張,到40年已經佔領咗丹麥、挪威、荷蘭、盧森堡、比利時、法國等。
至41年德國同蘇聯喺東線爆發戰事,因為喺納粹心中猶太人一向係蘇聯嘅第五縱隊,為咗消滅佢哋,德國喺41年6月開始有系統咁屠猶。猶太人全家會被帶到去事先揀好嘅地點,黨軍先將佢哋嘅財物搜刮一空,再用各種方式將佢哋殺害,4個月已經有30萬人被殺
。
而由於德蘇戰線一直陷於膠著,德國意識到自己需要更長時間應付,亦代表佢需要更多嘅勞動力去軍需廠工作。於是直接屠殺猶太人嘅計劃又改成先將佢哋利用殆盡嘅“終極解決方案”。
終極解決方案聽個名都覺得好勁,1942年1月喺柏林西南部萬湖區嘅一間別墅,納粹召開咗著名嘅萬湖會議。會上提出一勞永逸咁解決猶太人問題,方法係先將納粹佔領區嘅猶太人集中起嚟運到東歐一帶,先係透過繁重嘅勞役榨乾佢哋嘅淨餘價值,然後再將佢哋處死。
為咗實行方案,納粹開始喺東歐各地建設集中營,其中最出名嘅就係位於今日波蘭南部嘅奧斯威辛。
猶太人嚟到集中營之後,先由醫生分門別類同喺佢哋身上刺上編號,有勞動力嘅就被送去勞動營(免費奴動力吸引咗好多工廠喺營區開設),而無𠹌用嘅就被送去死亡營或者用來做各種人體實驗
。
以消毒為名,囚犯們被送去舉世聞名嘅毒氣室。納粹就喺嗰度以俗稱山埃嘅氰化物毒氣,將猶太人一批批咁殺害
。而被毒死前嘅猶太人會先被剃光頭髮,而頭髮亦會被當成工業原料去做頭氈之類嘅紡織品(用到盡
)。
估計約有110萬人喺奧斯維辛被殺,而總計納粹黨一共屠殺咗六百萬猶太人,佔當時歐洲猶太人口嘅3分2
。
而除咗猶太人,斯拉夫人如俄國同波蘭人、吉卜賽人、共產黨員同埋同性戀者亦被納粹送往營中。
隨住納粹喺二戰後失敗倒台,大屠殺被視為納粹黨獨有產物,但其實納粹嘅作為恐怕唔見得比蘇聯更邪惡。而屠殺同時亦體現咗現代化嘅特質,甚至可以話大屠殺同現化代係一體兩面嘅產物。因為只有現代化先至有相應嘅技術協助佢哋進行呢個艱巨工作,集中營嘅公務員與工廠流水線上工人無異,只係被動地執行被斬件嘅工序,大多從未親手殺人。