靈性/身心健康/ 正念/ 自我實現討論區

有冇聽過Neville Goddard同假設法則？

第一次聽 有無咩分享

啱啱睇咗啲, 講得幾好
意識係唯一嘅現實, 只要全心全意相信一件事, 呢件事就會實現 所以其實呢啲法盯都需要一個人完全放低自我(ego), 不過放得低嘅時候, 個人自然就會開心好多

Lm:先

係，只要將注意力放喺滿足自己內在，咁樣外在世界亦都只可以隨之改變

師兄仲有睇開咩

我以前有研究唔同嘅野，例如阿卡西、脈輪同埋DNA激活，但係後來接觸Neville Goddard之後我就一直淨係學習佢嘅理論，而家已經變咗我嘅lifestyle嘅一部分。

以前我會睇不同身心靈嘅資訊，但最後發現只有自己活出黎先係真正嘅明白。因為呢個世界只係一面鏡，佢只係自己嘅投射。如果要得到呢個世界上嘅任何野，其實好簡單，就係向內尋就可以。

講得好啱
因為無乜嘢需要學習, 真正需要知道嘅內心都有晒答案
睇你啲post, 焦慮症係咪你開始睇身心靈嘅嘢嘅引發點?

其實係再早期我已經有研究身心靈，應該大概係由2018年開始接觸吸引力法則。之後到咗有焦慮症嘅時候我就開始學假設法則，最後發現自己係想透過焦慮症去逃避現實，所以當我決定咗自己會對所創造嘅實相負責嘅一刻開始，我就已經無咗焦慮症。

之後我就繼續研究Neville Goddard嘅理論，其實一開始好艱難，覺得自己咩都顯化唔到，又中途放棄過，跟住睇reddit同youtube唔同人又講唔同嘢，又有唔同顯化techniques。跟住有一日我就諗，既然我係呢個世界一切嘅投射，咁我應該有哂所有答案。之後我就唔再睇啲身心靈youtube同reddit，我就淨係睇neville啲原著，之後再一步步去實踐。

你覺得你開唔開心?

開心啊，但比起開心我會話係有一種內心嘅平靜。當你肯對呢個世界所有創造負責任嘅時候，你就唔會再有任何埋怨