靈性/身心健康/ 正念/ 自我實現討論區

少分享 純粹身心健康
早一年前開始weed加純呼吸訓練
用呼吸法成個冬天可以沖凍水涼
九度果幾日都照淋凍水

自己無話刻意去打座
但晚上會深呼深吸去控制呼氣 同埋合埋眼比自己釋放思緒 純粹觀察自己諗既野同身體


發覺好多人都無好好去用呼吸肌肉

無論對運動 身體 情緒 生活都好有用

養咗兩隻貓 同胎兩兄弟
有時我會用眉心貼住隻貓既眉心 頭貼頭咁
同佢講 最錫你啦
講完我眉心會有少少麻痹feel
係咪隻貓比feedback我

平時嗲你 要你摸 拍屁屁已經係俾feedback 你啦

多謝樓主開呢個post畀spiritual jj圍爐
尤其喺連登呢個靈性=怪力亂神嘅地方
樓主好勇敢

你講嘅「靈性=向自己內心探索」講得好好
當覺察自己嘅一切，越了解自己
就會發現外在嘅所有嘢都係由自己出發去發生
自己內心世界係點，外在世界就好似塊鏡咁反映返出嚟
時刻觀照自己，專注當下，個人真係平和咗好多，冇晒怨氣戾氣

我本身都有學習唔同嘅靈性工具（想知再講）
希望將靈性融入生活，創造更幸福人生
希望Love and Peace有一日唔再只係口號
而係實現有愛和平共融嘅世界

咪睇呢d學

好多都feel到係cap水野
修耐左其實好易知邊d有料邊d扮有料

其實專注呼吸就可以了

抽中都係一件開心嘅事來

可以去睇「當下的力量」 練習時刻分一份注意力出黎觀察身體&情緒 久而久之就會專心d 情緒易控制d

你咁樣已經係修行緊啦師兄
你係每日都weed?

係都唔出奇

壓力大

師兄你開啲post都好有feel
所以其實我都諗咗好一陣子先真係開呢個post
不過我知道佢哋接受唔到係因為佢哋比固有概念限制住 所以更加應該要開
見你有玩塔羅!
平時我自己會同自己玩 當係對話咁 覺得幾有用
愛你

壓力來源係邊 雖然都嚟唔開個幾樣嘢
多啲問自己問題 「點解」 「為咩」「你想做嘅係咩」-> 「點解」
make sure自己真係知自己做緊咩

想聽多啲
師兄有無睇前世今生嘅嘢

冇 但睇過好多理論講 過去現在未來好多人以為係線性
其實都係已經存在於當下
過去會影響現在 現在影響未來 未來又射d訊息黎影響返現在

最典型未來影響現在例子
好多時你突然醒起某個好耐冇見朋友 咁岩出街就撞到佢/佢打電話比你
其實就係因為你本來就感知到未來會遇到佢 所以當下突然諗起佢

開谷未

我學咗塔羅、阿卡西紀錄、靈氣、SRT
一開始只係對塔羅有興趣，自細已經好鍾意星座塔羅呢啲
同人占占下就覺得有啲問題，用塔羅只係睇到表象，好想再深入啲了解點解人會有呢啲問題，最普遍就係點解啲女仔識親男朋友都係人渣
跟住就想從前世入手喇，覺得有機會係前世嘅經歷帶住影響嚟到今世，所以負面模式繼續一直loop，就走咗去學阿卡西紀錄
學完塔羅同阿卡西紀錄呢類解讀類嘅工具之後，就覺得知道完係的確係清晰咗、釋懷咗，但係額外再加埋療癒，好似會令人更順利去改變同行動喎，咁又學埋靈氣喇
而最近學SRT，係因為用靈擺、圖表、有個完整嘅system，好似好實在好強大，而學咗之後事實上的確係好powerful，好實用
我都經常反思自己係咪靈性依賴，靈性上癮，我覺得自己唔算係，因為我仍然努力咁經營生活、事業、感情，而唔係用靈性嚟逃避現實嘅事
越學習就越覺得自己無知同越感受到宇宙嘅偉大

你好叻
我自己用塔羅都唔係純粹預測，都係想用另一角度去睇件事，去獲取建議同啟發，係自我對話嘅工具
愛你