[日劇] 派對咖孔明 真人版 (1)

首歌唔掂咩 我覺得幾好聽 但成場戲氣氛我都覺無動畫咁感動 唔知係剪接節奏定唱功問題

下集好似有返チキンチキンパンパン

日本娛樂圈一樣勁多潛規則

我有睇 做咩po條片比我

兩個版本嘅Dreamer嗰段我睇多次，更加肯定真人版真係完敗：

1）歌：其實兩首都好聽，都聽得出係特登㨂最好首歌擺落呢個高潮位度，不過動畫版首Dreamer氣氛更澎湃更激情，放喺呢幕度個效果略勝過真人版首歌

2）人：唔使講，下白泥輸幾條，淨係個造型已經輸晒

3）但真人版完敗嘅主因係講古仔嘅技巧。

真人版集中show大量嘅Azelea回憶片段，係首歌一頭一尾先至影到啲觀眾，可能係自知得嗰幾十人睇落去好弱雞咁啦，但都冇理由影到佢哋一直都一碌木咁企喺度，係到最後首歌完晒先有人拍手掌，完全拍唔出英子首歌有幾打動人心，我哋只睇到啲like數好似無端端唱完就多咗兩三萬咁，當然覺得唔係好convincing。

相反動畫版多好多鏡頭畀現場觀眾以至唔喺現場但喺唔同地方睇直播嘅人，見到啲現場觀眾好早已經畀英子嘅歌聲吸引咗，又見到出面都好多人睇緊share出嚟嘅直播，啲like數係隨住首歌一路唱一路升，咁嘅舖排咪自然流暢同有說服力好多囉。大佬呀而家鬥嘅係like數即係群眾支持，真人版嘅導演畀晒啲鏡頭影Azelea做乜L嘢，冧得掂佢三個人就會有幾萬like嘅咩？

根本成場都拍得好差
下白泥樣衰造型差呢啲講嚟都嘥氣
其次成場混音混得極差，一唱歌就變到好細聲
然後成首歌都喺度影回憶片段，搞到純粹就係為咗引爆Azelea咁，完全唔明點解會無啦啦有10萬like
最後下白泥啲歌聲真係完全唔震撼人心，如果現實有個咁柒嘅人踩場唱得又唔係特別好聽，一定畀人圍屌叫佢收皮
成班fans掛住睇個醜女連偶像除咗罩都唔知，真係好冇說服力睇到人好辛苦

正確黎講 佢只係有兩萬幾like 7萬幾係借返黎咁諗會唔會條氣順d

原作英子青春活潑幾時着過長褲，下白泥隻腳有寶咩

睇緊第六集真係同動畫爭好遠
dreamer首歌我可以動畫loop幾次睇
每次都好感動
真人版真心各方面都做得麻麻
我係可以播住做其他野

七海讓佢既，唔係英子都WIN唔到

係就好

d歌差太遠

以前我因為鍾意楊丞琳所以睇過佢既不良笑花！

睇左
MIA代英子唱dreamer好感動

呢套係咪用黎推上白石
佢好似出緊碟

mia唱得好過英子好多

新一集好睇喎。兩首歌有驚喜之餘，冇咗動畫珠玉在前嘅感覺，連啲計謀都有新鮮感。

而家真人版進度快過動畫咁
下集有女王蜂

Mid day幾正

好正有動畫版歌！

有無跳埋

有，但呢隊組合好樣衰
孔明對嘴都好好笑，今集好睇，快d睇

今集twitter 上咗trend