毒撚呢一年開始擺脫u記同gu學穿搭,略有研究少少,拋磚引玉一齊鼓勵下大家
個人覺得值得留意既一堆中/高少少價位牌子
beams,niko and …,nano•universe ,Nautica.jp,cahlumn,united arrows,nanamica,GLOBAL WORK,sense of place
識得唔多
簡單介紹下3個先
Beams
個人最鍾意beams(amazon jp有得買&直運,而家amazon仲有埋退稅),同支線beams plus,beams japan(入手難度較高,要代購/去日本買/但made in japan 靚料重磅厚布)。本身係一間歷史悠久既選貨店,即係周圍揾唔同優質牌子既貨黎賣,亦都有出色既自家產品。產品路線多數都係行寬鬆風格,不過都有正常fit身既,其中一大優點係官網有大量客人既穿搭圖,可以學埋人地點搭同睇實際燈光照出黎既顏色。另外仲可以搜beams百名品,睇下有咩單品係最受歡迎,我個人幾鍾意佢雙打摺卡其工裝褲,
睇youtube學穿搭果時好多ytb介紹,好舒服又休閒
,都係beams百名品之一。
nano•universe
其次之前去日本買既nano•universe,買左幾件企領恤衫做外襯
,日元低位+減價再退埋稅同u記差唔多
兩百左右一件(同而家amazon jp 上面10% coupon之後+退稅個價差唔多。鍾意佢質感摸落舒服又滑,又唔似u記咁簿咁易皺,企企理理睇落順眼好多。
Sense of Place
然後係sense of place,係日本買又係計落價錢同u記差唔多,亞馬遜都有但要運費。
本身睇中佢係urban research既平價親民子牌(我一開始買衫都唔捨得買咁貴,仲停留係u記gu既階段
),毒撚我第一次試oversize既style就係呢間開始,因為佢都係偏向寬鬆版型,我本身唔鍾意oversize亦都唔識呢方面,但一試落又出奇地幾好睇,跟住就開始會著下oversize。鍾意抵既值得留意,不過瘦撚著係要識襯少少oversize,(簡單黎襯=搭多條oversize褲+帽/入面著多幾件撐出黎)。都係一個值得留意既平價品牌
。
打住咁多先,而家網絡發達,大家有興趣可以search下睇下啲衫同品牌資訊。