良心AA 您問我答 67

K city慢慢行來回一次都唔使10分鐘

可能之前啲路無咁完善
或者我行得慢
我係2，3年前去，周圍仲係勁多地盤個陣。

即使時間一樣, 第一次行既路通常會比日常行慣咗既同一條路漫長...
佢都係講大概10分鐘, 可能行得慢又唔熟又由月台起計卦.
啟德啲屋苑其實好易計, 每遠一個就+2分鐘路程, 站口除咗啟一外一律都計2分鐘起步.
地面出口落月台都計2分鐘. (Kcity應該4分鐘落埋月台6分鐘, 最遠既HP行去啟德站8分鐘, 落埋月台10分鐘)

巴打心水清

上次去過Monaco 果邊，專登試下計時都係5-6分鐘，其實我覺得唔遠

要比既話應該將南近海果D遠D, 之前去到NOC附近個位都要7-8分鐘

用啟德做例子, 無屋苑係可以大門口貼住個地鐵站出口, 其他鐵路站半新盤有城市規劃既都一樣, 大部份近地面出口果堆都2分鐘, 落埋月台就要4分鐘, 再外多一圈既屋苑就要6分鐘如此類推...
我自己既標準係8分鐘內去得到月台既已經夠資格叫鐵路盤, 果啲多過10分鐘先去到既TKO將南康城鐵路盤真係當笑話聽完就算.
而果啲吓吓講到唔係上蓋就遠到行唔到去果啲其實落到月台咪又係4分鐘以上先到, 比上蓋行多4分鐘既盤已經叫解決咗大部份人既交通問題, 係時候關注樓盤其他條件.

Aster入面都好舊根本係舊樓嚟
香島都係要揸車先得

我呢家都要無瓦遮頭行幾分鐘去地鐵站
但落雨可以攝喺樓與樓中間行有得避吓
真係超大雨可以喺地鐵站搭巴士去到屋企樓下
連我呢啲唔係住地鐵站上蓋既人都頂唔順啟德既原因係佢私樓屋苑群沿路係完全無蓋
我都唔明新社區點解唔整返啲有蓋行人路
你最多企喺啲地產鋪下面避吓雨
第二係無巴士直達樓下想搭車避雨都唔得
最慘係無嘢食！全人類都要靠個公屋商場
點解一個新社區最基本要有既交通同埋食肆配套都咁差

整返個街市或者市政大廈應該啟德人會開心好多

10年內移民買咩香港樓
做租租咪算

我反而覺得啲路好闊落好好行，好難得市區有啲咁闊既路
係衰咗完全無瓦遮頭

Yes我有同事買了啟德一號
呢啲我覺得OK
佢話買包米要去返公屋嗰邊既惠康買

收唔收到風 d新盤咩價位左右

要去個超舊既晴郎商場

我之前解釋咗夜晚11點等車見大貓，同真貓一樣大

而紅磡街市朝早7點半見到中毒藥死大貓瞓係6C巴士站

黃埔花園就平台好多，日光日白都出沒

仲要部分上蓋盤，由屋企落到平台又要再轉𨋢
又用多左時間
當然有蓋去地鐵站係優勢
但正如我之前所講，你搭車去到另一個地方返工/消遣，都可能係個冇蓋又要行一段路既地方

車站廣場終於開多一部份

其實太古，望海或者近鰂魚涌或三支獨立嘅，一樣要日曬雨淋，唔係座座有平台嘅

就係廣場位有人跳文革舞，依家仲多咗個鑽石山近新蒲崗出口嗰邊都有

有蓋同無蓋真係差好遠
太古咁一出地鐵穿過商場都十分八分鐘
但係體感同街外行同樣時間差好遠
打風落雨就更加唔駛講

河西整緊有蓋行人路
suppose係由地鐵站直通去體育園，不過中途有位走返去私樓嗰邊

冇乜巴士係真

政府自己攪啟德都食晒太子道東啲靚位，如果當初工貿處起係郵輪碼頭隔離就係有心攪啟德

依啲只要係熟少少政府程序嘅就明

反而將南就有心攪啦，起碼有個入境事務處先

映築岩岩推果17伙係咪好難中？
同埋抵唔抵入手？