【2ch文連登式演繹】2ch超經典名作　日本網友高中時代天文學會往事

樓主篇嘢有幾長

留名遲啲睇

算係我帶返嚟嘅學生咪又係一樣唔識

原樓豬都要有啲實力先講到呢句

好好睇推爆
小說咁

lm

淨係日日同個後生女老師一齊喺soc房hea已經好輕小說Feel

續上 第1次去camp亦係學會第1次活動

落腳地就好似木度假屋咁嘅feel
入到去有啲鋪塵 就咁過夜有少少咩咁
因為都就中午 所以決定分工打掃同買嘢
傾掂咗話叫女仔出去買嘢有啲危險所以就由我同吉井去
其他人就留低打掃
距離有嘢買嘅地方要行20分鐘 考慮到有吉井喺度可能要40分鐘
所以我同佐倉老師講揸車去會快啲 但佢話「好攰」
既然攰就冇計 呢個時候我都發覺 佐倉老師基本上講咩我都冇問題 我已經識得點同佢相處
所以我就帶埋個肥婆出去遠征

比起社恐高中3年間都係黃老無為咁嘅我 你呢啲根本就係輕小說嘅世界嚟我頂

我想要小櫻呀

幾得意
樓豬睇落都幾好相處 點解冇朋友

佐倉老師、吉井、田村同學、阿妹 你又幾多姿多彩 雖然全部唔同年齡

我想重頭再過一次高中
我都係獨撚嚟 早知都做返啲獨撚都可以做嘅嘢

吉井都係女仔嚟㗎喂！

行咗冇耐 我同吉井都係冇講過嘢
一來諗唔到可以講啲咩 二來我又冇諗過同吉井frd
有啲意外嘅係吉井估唔到腳步都幾快 只係額頭啲汗好似瀑布咁
佢件連身裙都開始透透地好難睇但佢都冇放慢腳步咁跟貼我嘅步伐
平時嘅話我就唔會特別想理吉井 但今次我都忍唔住同佢講嘢

QQ地嘅肥妹嘅話減下都幾靚㗎

其實結局係佐倉老師唔存在

小櫻而家喺我身邊瞓緊

「喂你係咪死頂緊？」
因為我突然講嘢 吉井個鼻響咗一聲豬叫聲
「你流晒汗咁喎 使唔使抖下？」
一停低吉井啲汗就係咁流 我都嚇一跳對佢好返啲
「咁...咁抖一陣！！」
睇嚟吉井完全死頂緊 所以我哋埋樹蔭邊抖抖

好想返高中時代



薯條好好食是也！

吉井行去樹蔭嗰陣有好多聲 最後坐喺草地上面
佢流咗勁多汗 所以我畀咗支未開嘅水佢
吉井拎咗支水後就渴水咁飲晒搞到我都有啲唔好意思同佢講我會行慢啲
之後都盡量有同佢講嘢

同吉井講多幾句發現其實佢都幾有趣
應該話吉井係肥婆入面得人鍾意嗰種肥婆嚟
我驚訝嘅係吉井知自己係肥婆並且好開朗
我心諗佢如果喺另一個國家度出世可以係好受歡迎對佢有啲改觀 雖然佢依然係個肥婆
就喺我哋來回去買嘢呢段路度我同吉井破咗冰
就係咁 喺差唔多返去屋仔度嘅時候吉井都講自己嘅嘢

幾好睇
但睇嚟好長
已經想瞓

真係好眼瞓

係咪寫到天光？

佢講小學初中嗰陣有朋友 但因為體型而俾人蝦對自己冇信心所以喺學校都唔係幾表現真嘅自己出嚟
吉井將呢啲好難開口同人講嘅嘢話我知
同埋佢笑住咁講話見我平時唔會同人講嘢以為我係不良少年
喺我眼中吉井有少少耀眼
雖然唔係完全一樣 大家都有相同之處 但佢依然可以笑住咁同其他人相處
見到佢咁我覺得自己好渺小
我有啲想喊 但因為吉井喺度所以我忍住

留名好眼瞓

唔掂好眼瞓
我諗住寫到1年級嘅學園祭但真係好眼瞓

camp去長野即係你埼玉啦

唔該詳細寫到高3

而家係攻略吉井路線...？
同埋樓豬都幾好人

吉井係知道痛苦嘅人嚟

吉井又幾好

返住工睇 唔該要寫到最後

我都係文化系嘅課外活動 camp都係去長野 但我係千葉

喺樓豬嘅視角嚟睇
佢之所以搞到唔敢同人講嘢 多多少少係因為吉井

#336
樓豬而家幾歲？重有身高體重等等嘅spec唔該

希望你可以寫晒佢

返到屋仔佐倉老師佢哋重打掃緊 好似係雖然決定咗邊個打掃啲咩但例牌佐倉老師負責嘅地方進度慢
冇辦法我去佐倉老師負責範圍度幫手 佢「點樣？點樣？」
佢好似初中生咁樣出迎搞到我頭先啲眼淚都收返晒 見佢咁款我都O晒
之後就大家一齊打掃完佢 買返嚟嘅食材就由吉井同死神主理大家一齊食
食完後佐倉老師一個人去咗瞓晏覺
我哋就用我帶嚟嘅生命之旅靜靜咁玩
明明都嚟到長野 但做嘅嘢同平時喺天文學會度冇咩改變呢點我笑咗

>>336 而家21 身高當時170左右 體重係算瘦嗰隻

以呢個節奏寫滿3年都會係幾大嘅大作

幾好睇 但更得太慢

終於追晒
劇情幾慢但好睇冇所謂

出版做輕小說啦

支持

黃昏佐倉老師醒咗 大家一齊做晚飯嘅咖哩
本來係因為佐倉老師講究話要用鐵飯盒煮飯 但佢本人唔知個做法係點
獨撚嘅我都因為完全冇過往學校教嘅知識 所以我哋天文學會二人組就變咗乖乖地睇電視等食
佐倉老師話「呢啲嘢做咗大人就唔會用點記得點用喎」佢呢個失敗氣餒樣我睇到
我都係第1次見老師失落樣 但到食咖哩嗰陣又心情靚返晒我心諗真係單純 所以都冇諗其他嘢
而咖哩就好好食

小櫻好可愛

小櫻好QQ

係青春嘅味道

同讀短期大學周圍全部女人搞到變咗獨撚嘅我好似

小櫻真係好

你比起有朋友嘅我重happy囉

到夜晚 就係天文學會第1次做似返天文學會嘅活動 觀星
話就話係觀星 其實都係瞓喺地度大家一齊睇星
同城市個垃圾天唔同 廣闊嘅天空睇嘅星係唔同啲
老師吉井田村同學同其他人 大家靜靜咁望住個天好開心咁睇星
唔知點解我感到好青春

樓豬係唔係都有好好觀察到女仔嘅身體呢？！

讀短大係易變獨撚
我讀正規大學 但最後都係做獨撚所以quit咗

因為係第1日所幾都攰 第一次天文學會觀星活動做咗一個鐘左右就落幕
返去營地 我就將今日嘅活動寫落我準備咗嘅活動日誌度 然後沖完涼就瞓
女士們就好開心咁girls talk 但我做人唔會勉強所以冇加入
只係好紳士咁一路聽住啲女仔聲慢慢入睡

我高中係乒乓球會 俾人昆咗原來都係得兩個男仔咁大把都係一個好嘅經驗嚟

追晒
小櫻好可愛

周圍有人咪幾充實

呢個PO有種朝露沾濕嘅草葉咁樣嘅清涼感

有排都未完 又待續

呢篇好正咁
希望聽日番工都未譯完 想番住工睇

佐倉老師

女仔出去買嘢有啲危險所以就由我同吉井去

肥西失去女權

今次真係史無前例地長，支持

越長越好
太快睇完好空虛

之後你就會好唔開心

一日未睇完一日都心掛掛

睇嚟係樓豬順利咁逐個女仔攻略嘅故事
頭盔鳩估

似足啲H驚開局

點解要咁早入黎

續上 去Camp睇星星

朝早 醒嗰陣望鐘見到時針重係指住5點左右
到而家為止我都唔覺 原來我係啲會去學校旅行好興奮嘅人嚟
諗住再睡返但又睡唔返所以出去散步 見到田村同學喺出面
睇嚟田村同學都係會好興奮嗰種嚟
呢刻諗返起 同田村同學都只係打招呼程度嘅交往 所以突然有啲緊張
大家都特別講到啲咩就要等到朝早嚟到 而田村同學就返入去
我有少少喊出嚟

可憐哪...

我都想要學會房

到朝早 班認真嘅女仔逐漸喺廳度集合
唔知係咪因為睡袍 我連見到吉井同死神都有少少心動呢個係我嘅秘密
同田村同學一樣個氣氛有啲尷尬但佢就唔多在意呢啲咁對住我笑
而佐倉老師就當然未瞓醒所以係咁打佢電話
冇耐佢瞓醒後俾佢踢呢啲唔使講

極限
去瞓
瞓醒個PO未死就繼續寫

小櫻好可愛呀

OK
推PO呢啲交畀我

嗚哇我都好眼瞓

就係因為間唔中有呢啲好PO所以我先戒唔到2ch

推

深夜嘅2ch好睇啲

早抖

推PO交畀我

留名

我而家喺長野縣邊嘅山度露營睇緊星 但多雲唔係幾睇到

好想同樓豬一齊加入天文學會呀

小櫻而家喺我身邊瞓緊呀

小櫻好Q

追晒先停...
希望係攻略小櫻路線

後宮意外地一開始係好難搞
我返兼職同大學兩邊都係成堆女人 一開始都好辛苦
不過對靚仔型棍現充嚟講呢啲唔難

即係小櫻而家31歲？

唔知樓豬幾時先再返嚟呢

好PO
幾易睇

睡前一推

有3個以上女人嘅環境唔想單獨入去
會一下子變到唔知點面對嘅怪物

不如我都入天文學會咯
不過我係隱青嚟

愛上老師了

一路睇一路笑
好羨慕

入天文學會 你唔會後悔
咪幾有趣

要睇老師靚唔靚

揸車嗰陣好似幾可愛咁

想睇星了
想要小櫻

我就信個PO果然未死
咁好睇當然冇咁易死！

我用小萌老師嚟想像 《魔法禁書目錄》角色

推

留名

未有耐完 待續

頂唔順自己靠N4日文搵咗原po睇
小櫻真係

就係因為間唔中有呢啲好PO所以我先戒唔到2ch

E藤巴係我戒唔到連登嘅原因

仆街live左 要等

小櫻

lm

live 咗

今次好似係超長篇