【2ch文連登式演繹】2ch超經典名作　日本網友高中時代天文學會往事

LM

lm

留名

開始有feel 留名

lm

續上 天文學會有危機 要做啲嘢避免解散

「去Camp！」
我哋一路食雪糕佐倉老師好隨意咁講出嚟
「Camp啲乜？」
「天文學會嘅Camp」
「講笑咩」
就係咁嘅對話feel 但睇嚟佐倉老師對去camp係認真
詳細啲聽返 唔解散條件嘅定期活動呢點 佢同上頭傾過話一年搞兩次camp
話晒都係教師 睇嚟佐倉老師喺冇見嘅呢段期間都有為學會努力過
雖然唔知佢咩動機

佐倉老師係好老師

但係呢度又有問題
去camp嘅話喺長野學校有宿營嘅地方可以提供 問題係參加人數
冇咩可能為咗一個學生一個教師就借宿營場出嚟 起碼都係師生5個人參加
「你求其是但搵啲朋友嚟啦 唔得嘅就去搭訕」
就係咁佐倉老師咁亂嚟搞到第2日起我嘅生活好大變化

最近我唔夠瞓 快啦

你唔會係向隔籬位個吉井同學搭訕呱？

最少有3個會員嘅話就可以變輕小說

第2日起我已經唔想返學
因為唔好話可以好易講出口叫埋一齊去camp嘅朋友 喺學校我連可以講到嘢嘅人都冇
搵一個都好難嘅情況下要我搵4個 冇咩可能
更何況我學校嘅學生9成都係女仔 對青頭仔嚟講更加冇可能做到
我有同佐倉老師提議不如貼啲宣傳或者用校內廣播
但佢話
「咁搵返嚟啲人都唔識 點去camp啫」
咁樣ban咗我
頂就算係我帶返嚟嘅學生咪又係一樣唔識

好緊張

我返到課室首先諗住試下同唯二兩個男仔嘅矮撚肥仔埋手 但冇留意佢哋一排佢哋學埋人gel頭
又聽到佢哋同班入面班女講暑假去邊度玩 睇到我眼火爆所以決定唔預佢哋
我覺得唔可以將畀呢兩條友比而家更加幸福
跟住就係諗叫啲女仔 但我冷靜啲諗 我淨係同肥婆吉井有好好地正常講過嘢
唔係 應該話嗰次都唔知算唔算正常講嘢
就係咁我邊個都冇叫就完咗呢日

呢個PO唔錯

點算好...

唔覺唔覺你條友嘅人生比起周圍啲人更加似輕小說

喺個咁悲嘅現實中佐倉老師係唯一嘅救贖
如果係我嘅話喺佐倉老師話搞camp嗰下就已經愛上咗佢

第2日同前一日差唔多
去到學會房就俾佐倉老師鬧
話重有一星期就暑假我喺度搞乜鬼 我心裡面講難做就難做㗎啦但冇講出口
第3日 因為上半日堂所以有啲唔同
朝早完咗喺學會房用完飯去圖書館到2點 2點起就一路等佐倉老師一路睇碟
圖書委員嗰個唔知叫咩名嘅女仔係除咗吉井外唯一有交流過嘅女仔
但我唔想污染呢片綠洲所以冇叫到佢

點解呀

暑假前3日左右 終於佐倉老師發火
因為我太冇用佢鬧咗我一輪後使咗我去買果汁 又叫我擺啲奇怪pose影相嚟做我嘅痛腳
佢話交畀我做唔會有進展 所以叫我寫低我嘅交流名單

我嘅交流名單
吉井
圖書館個女仔
喺圖書館嘅兩個校工阿姨

見到咁後佐倉老師都冇再恰我

都係嘅

吉井同學

唔緊要㗎樓豬 你已經比我讀高中嗰陣交友廣闊

頂丫 重多過我

呢個PO好深奧

第2日 佐倉老師諗住以我嘅交流名單入手
但係 圖書館嘅校工阿姨唔係學生嚟所以唔計數 吉井只係我單方面講過一次嘢
圖書館個女仔亦都只係我提供傻笑
「冇可能啦～」
我咁笑後又俾人鬧
總之佐倉老師就同我一齊去搵吉井重有圖書委員試下邀請
對我嚟講唔多想但都冇法子

題外話 姓吉井嘅花名多數都叫小吉 原文寫Yoshi 即係Mario騎嗰隻嘢 因為吉井拼音本身就係Yoshii

佐倉老師好似家姐咁

圖書委員到2點都係喺圖書館 呢點幾日以來嘅跟蹤之下查清楚咗 所以首先向吉井埋手
睇嚟吉井喺烹飪學會呢個用經費買食材煮嚟食比起天文學會更加唔知有咩存在價值嘅學會度
呢日佢一樣fing住佢巨大嘅身軀咁喺度整緊啲咩
好似連佐倉老師都冇諗到係咁嘅場面不過一場嚟到都去叫吉井

你條友仔啲文筆又幾好

好似幾開心咁 支持
我嘅高中生活都幾開心 只係長假期嘅功課冇交 數學又考單位數嘅分 差啲要留班3次
我讀嘅係猛讀書嘅學校 原文寫 進學校 意思係指啲以升學為目標嘅學校 呢種學校有超高嘅升學率 而且都係升有咁上下水準嘅大學 概念有啲似我哋所講嘅band 1或者名校 但就再收窄集中啲喺讀書成績升學上 簡單講就係專出讀書考試機器

烹飪學會寧舍多八婆
利申：磚家

「係唔係吉井同學？」
「係？」
唔記得講 佐倉老師平時擺個款出嚟係好cool嗰種 所以吉井都以為自己係咪衰咗啲咩要照肺有啲嚇親
「你識得佢㗎可？」
「係 我哋同班」
「有冇同佢講過嘢？」
「少少...」
「嚟緊天文學會會搞camp 會去長野 煮飯方面都係要自己做返」
「喔」
「我同佢講過 佢就同我講同班嘅吉井同學好叻煮嘢食
所以我想拜托下你 唔知你可唔可以嚟參加我哋嘅camp呢？唔使參加費㗎」

講咗大輪最後吉井話會嚟camp

我都想高中時代同樓豬讀同一間學校同班




咁樣我哋就可以搞返個佐倉老師fan club

喔～
開始埋班？

吉井同學原來係天使

高中時代獨撚嘅我要講嘅話
好鬼羨慕樓豬囉
比起啲爛鬼後宮主角更加令人羨慕

喔喔 咁樣幾好喎^^

老師就係輕小說女主角？
如果結局好嘅話成個PO係吹水都冇所謂

心情好靚嘅佐倉老師繼續拉埋我去搵圖書委員
去到圖書館 嗰個女仔好似平時一樣靜靜咁坐喺櫈度
我同校工姨姨打完招呼後就話畀佐倉老師知係邊個女仔
佐倉老師見到佢後講咗「啊啊 原來係佢」
睇嚟佐倉老師本身都識佢
不過佢話晒都係教師嚟 識都唔出奇嘅

頂你丫！！輕小說嚟嘅喂

如果佐倉老師生得靚就不得了

好睇過啲爛鬼輕小說
講堅的

#221
樓豬到底有幾樣衰呢

圖書委員會唔會嚟呢...

「喂喂 田村你過一過嚟丫」
佐倉老師叫圖書委員 即係田村同學 後來聽返知道田村同學係2年級 1年級嗰陣佐倉老師有教過佢
「係喇 你對星星有冇興趣？」
到我回過神來佐倉老師就攻略緊田村同學
呀呀 俾春日帶領住嘅SOS團係咪就係咁嘅feel嘅呢我嘅輕小說腦久違地又發動
就係咁喺佐倉老師嘅幫手之下搵到camp嘅參加者
補充返淨低兩個人係田村同學嘅朋友嚟
興奮

比起天文學會 烹飪學會真係認真做緊烹飪活動

>>221 小學初中都俾人蝦 高中3年入面除外佐倉老師差唔多冇同其他人講過嘢嘅樣衰撚
抖10分鐘先

點啫 到底佐倉老師靚唔靚㗎啫？

中場休息？
今後嘅發展希望同田村有flag！！

佐倉老師似深津繪里嗰款 比起可愛係少少強勢feel

即係有啲傲feel嗰種？

喺搵人嘅歸途中 我請佐倉老師飲果汁
而家諗返起明明佢有錢但就好幾孤寒
「你冇朋友又會肯返學嘅」
佢咁同我講搞到我唔知點應佢好 都係一個好回憶嚟
就係咁有好多嘢嘅第1學期完 高中1年嘅夏天開始

頂丫...深津繪里...
正撚到呢...
講堅的

唔覺唔覺你個定位真係變咗阿虛咁

未有耐完 待續

lm

老師助攻幾有愛
會唔會成功幫到主角有返朋友

似係慘同埋係男版既bocchiちゃん

原樓主終於發現自己嘅高中生活似輕小說

屌好撚正 留名後續

早咗入嚟

lm

今次幾好睇

續上 老師出手成功招到人參加天文學會camp

camp係8月初3日2夜 所以7月都係喺學會房度hea
佐倉老師話因為熱打個電話就話唔肯嚟之類 我就每日都有去學會
因為長假所以我喺自己屋企返學都冇嫌遠 而家諗返可能因為開心呱
而且喺冇其他學生嘅天台度瞓下晏覺又用下望遠鏡睇人都幾開心

推

細細粒嘅深津繪里...
除定褲先

7月尾 好罕有地佐倉老師由朝早開始就出現 所以一齊食飯諗camp有咩計劃
我本身想查下呢個季節可以見到啲咩星等等 但佐倉老師話「靚就得㗎喇」所以計劃重點放咗喺日頭嘅活動度
飯就大家一齊整 日頭有咩搞
冬天嘅話就話可以滑雪 但而家夏天 唔好話雪 雨都唔多落
冇辦法之下唯有各自帶啲嘢玩去到睇下可以做啲咩
吉井同田村同學就由我去聯絡 所以我呢個夏天買咗第1部電話

幾有趣

咁好嘅故 你唔好最後話係吹水PO呀 絕對咪呀

實際上冇啲好動畫或者好漫畫嘅嘢
當時我望住電話簿度除咗屋企人外嘅3個聯絡人成日傻笑
就係咁好緊張下7月過 一樣除外佐倉老師外冇見其他人咁嚟到去camp嘅日子
前一日我興奮到瞓得唔好

有預感會有啲嘢發生...

阿虛 春日 長門 實玖瑠全部人齊？

圖書委員咩spec？

對一個異性聯絡方法都冇嘅我嚟講
有異性聯絡方法嘅樓豬就係現充

camp當日 我比起約定時間早一個鐘去到集合地點
check咗好多次行李 同埋check埋今日着嘅衫怪唔怪
因為除咗屋企人外 喺假日出去已經係小學以來 衫都係拜托阿妹同我一齊去買
等咗30分鐘出現第1個人
係吉井

吉井着住件白到離譜嘅連身裙露出肥到離譜嘅四肢咁向住呢邊行過嚟
成個額頭都係汗咁就好似架蒸氣火車咁

純白嘅連身裙...
重唔係天使

好容易就想像到係點

吉井見到我好開心咁揮手
我就好紳士咁向返去微微揮手
的確佢件衫幾可愛 件衫
但係我覺得件衫唔啱你囉「即係同我換返套運動衫！」
我心入面咁講 但係為咗我哋天文學會而放棄自己假日嘅吉井 要好好咁對待佢都係我作為會長嘅義務嚟
「件衫幾可愛喎 吉井同學又幾有fashion sense」
我求其咁讚佢

吉井＝《咲-Saki-》嘅深堀純代 一套麻雀漫畫入面嘅肥妹

我重估唔會有人嚟camp添 估錯咗我重諗只係book設施嗰關過到就一個人都可以去得成

有冇天文學會嘅H漫

我都好想高中時代有樓豬咁嘅朋友
想一齊去做啲on9嘢
真心想

同吉井會合後嘅10分鐘兩個人都冇講嘢有啲難頂喺約定時間20分鐘前田村同學一行人就到
田村同學就好似《魔女宅急便》入面個畫家少女咁嘅look咁嚟 講真幾好J
另外兩個 一個就好似女諧星組合針千本成個死神咁嘅樣嗰個阿遙 另一個就係普通時下嘅女仔咁

確認返
吉井 肥婆
田村同學 有啲似聲優嘅後藤沙緒里 不過冇咁靚
木村 死神
內田 普通

佐倉老師我用佐倉杏子嚟想像 《麼法少女小圓》角色
好葡萄牙

笑左 死神

去瞓...
期待聽朝起身！！
講堅的

推

個人嚟講 好想後面發展係俾班入面嘅矮撚肥仔NTR咗佐倉老師

再之後約定時間10分鐘後左右佐倉老師就嚟到
佐倉老師「Sorry啊吉卜力」講咗啲理由 好罕有地佢買咗嘢飲同零食嚟所以原諒咗佢
唔記得講 今次嘅旅行係佐倉老師揸車車我哋去
講真將條命交畀個成個小朋友咁嘅老師有啲擔心 但佢係咁話冇問題所以就決定坐佢車去

#283
田村同學佢哋全部係大1年嘅？

我而家諗住去M記買啲薯條返嚟 你哋有冇咩想買？

FamilyMart雞扒

架車又意外地好坐
因為老師命令我坐司機位隔籬陪佢傾偈所以我冇參加到
其他女仔喺後座玩啤牌好快就frd咗
據我觀察 睇嚟田村同學嘅朋友都係好好人 特別係個死神份人幾風趣 對佢改觀
吉井就估唔到只係一個普通嘅女仔 只係肥

記得拎多幾包茄汁

樓豬對肥人有咩怨念？
次次出玩話人肥都感到滿滿惡意

喺醫院推推先

>>283 全部大1年

喺車都冇咩特別嘢
佐倉老師揸車個樣好認真又幾可愛 同埋上唔到高速公路等等
要講得呢啲嘢發生
就係咁除咗佐倉老師外冇同到其他人講嘢咁就到咗長野
同城市垃圾咁嘅空氣唔同 啲空氣好清新 令到我個膽都大咗
我叫佐倉老師做小櫻 當然俾佢踢咗腳 佐倉拼音係Sakura 同櫻同音 原文呢度寫 Saku-Tyan
我喺田村同學度聽返嚟 好似話2年級啲女仔入面都係叫佐倉老師做小櫻

好想要佐倉老師～
就咁攻老師路線都唔錯

小櫻 嗚呀

FamilyMart雞扒以我嘅經驗深夜多數冇得賣
我去拎啲茄汁 樓豬加油寫

老師幾可愛咁
上面搞到我肚餓喇頂

實在係好鬼死長 再待續

留名

鳴哇 佐倉老師
希望個結局係師生戀

早咗入嚟
留名先

Lm
.

日日搭兩次
搭多個來回夠喺車上面瞓

同肥西講完嘢後自己擅自受傷一個人扮瞓

其實點解受傷

加速

對天文嘢完全唔識嘅我根本咩都做唔到 個顧問又咁嘅款
present點pre 我又得一個人

呢啲完全係一個人可以做曬嘅野

追故再留名 唔知係真樓主定樓主文筆好