古語有云：入天文學會 你唔會後悔別人嘅故事總係特別美好
今次事件係2011年 2ch一位網友開咗個PO叫「高中嗰時一個人享受天文學會嘅事」
以下綠色字係原PO樓主嘅發言
※敬請回覆時切勿quote正文
*非～常長文 好慢更*
開咗PO慢慢寫
唔制
寫嚟睇睇
冇寫定先慢慢一路寫
件事係我仍然對未來充滿憧憬卜卜脆嘅高中時代嘅事嚟
當時我真係一件on9仔 明明初中嗰陣一個朋友都冇 但又發夢以為升到上高中就會有好似SOS團咁樣同同伴一齊開心嘅日子
涼宮春日咁天真嬌嘅我為咗過新生活 揀咗升一間要搭兩個鐘電車嘅學校
唔唔
快寫
快啲啦
順利考完試從冇咩特別唔捨得嘅初中畢業嘅我 喺放春假期間參考咗好多動畫同輕小說去作為閃耀高中生活嘅意象訓練
春假日日都好開心
隔籬位有美少女
放學後嘅課室 愉快嘅學會活動
初中時代冇朋友嘅我個腦冇想像同同性愉快青春嘅能力 淨係識妄想同從未見過嘅女朋友嘻呵哈嘻喜嘅情節
就係咁春假好快就完 去到4月嘅開學禮
開學禮 我對單程要搭兩個鐘車唔覺辛苦好興奮咁返學
路程中見到有同校服嘅學生 令我更加覺得興奮嘅情景我依然記得
喺入課室嘅時候就更更更興奮到我有少少鼻哥窿噴晒氣
因為我一眼望落去
女仔！女仔！女仔！
完全係女仔大平賣
冇錯 冇諗過喺高中識朋友嘅我揀咗間男女比例1比9幾乎同女校差唔多嘅學校
開心到我忍唔住笑出嚟
而家諗返起可能呢個忍唔住笑就係我喺班入面埋唔到堆嘅原因都唔定
當時嘅我冇察覺但你班友諗下 班入面有成40個女仔但男仔得3個喎？
而且除咗我之外一個係瘦矮撚 另一個就係肥仔
我嗰陣真係以為自己係阿虛
涼宮春日男主角就喺呢個忍唔住笑之中開學禮完咗
第2日 未開始上堂 係自我介紹同埋決定班會崗位選班長之類 重有就係課外活動巡禮
朝早嗰節我記得係自我介紹同決定班會崗位 重有就係學校嘅說明
開學禮嗰日我冇仔細觀察到 細心啲睇發覺我所處嘅1F班level都幾高
特別係高山同學同山下同學好可愛
sorly 我自動咗代入高山一實同山下美月我隔籬位嘅吉井同學就係一個肥婆
自我介紹度我好朗爽咁舉手自薦做班會保健委員
咁我都試下講我高中一個人享受地理學會嘅事啦
朝早嗰節完咗後老師返教員室 淨低學生開始互相認識熟絡嘅時間
對同性冇興趣嘅我為咗盡快融入班入面所以同隔籬位嘅吉井傾偈
吉井嘅外觀真係典型肥婆 係成日都常備住炸薯條嗰款肥婆
而我就作為一個紳士認為應該對所有人都平等交流咁首先同吉井講嘢先
嗱絕對唔係我唔夠膽同生得靚嘅女仔講嘢
我同吉井講嘢 可能因為突然間有個型棍紳士嚟同佢講嘢佢嚇親
佢吟吟沉沉咁講咗啲唔似係人話嘅嘢爾後 我就再冇同班入面嘅女仔有任何交流了
預感會拍戲
就喺大家愈來愈熟絡之中我一個人扮瞓殺時間去到中午
途中我見到班入面其餘唯二兩個男仔嘅肥仔同矮撚好開心咁同啲女仔交換聯絡
睇到我有啲喊出嚟
就係咁就到下晝嘅課外活動巡禮
喂～～～快唔快咗啲呀～～交流下啦頂
牛明先
課外活動巡禮好鬼悶
都係啲高年級生喺度懶好笑做趣劇 說明下自己做嘅作品同埋活動內容之類好陳腐無趣嘅介紹
所謂嘅涼宮春日的憂鬱應該就係咁 一路咁諗嘅我全力搵有冇邊啲學會有生得靚嘅師姐
不過就喺巡禮差唔多尾聲嘅時候
對我嘅人生有好大影響嘅學會介紹就用一種好平淡嘅方式開始咗
呢個可以期待
我高1嗰陣都好畀心機儲錢買咗個單反係咁影星星
流明推推
期待
《星空情緣》又名浪漫追星社好唔好睇？
我諗矮撚同肥仔都係同你同一個諗法咁入學
有一個好細粒嘅老師走上台
我估身高145cm左右小朋友咁嘅老師走上台
台下有少少噪動但老師冇理會開始介紹學會
「天文學會 成員0人 活動內容未定 活動日同樣未定 加入就可以即刻做會長」
「多謝大家！」
好簡潔咁將啲好爆嘅內容用10秒就講完好型咁落返台
呢個瞬間我全身好似俾電擊中咁 唔知點解我覺得好感動
放學後 我喺loose leaf上面淨係寫咗入會咁就衝咗去教員室
哈哈
比起運動部文化部好啲...
淨係玩嘅學會好似幾有趣
係唔係睇得太多涼宮春日呢...
我諗應該起碼有150呱
loose leaf係乜嚟？
撕咗一頁落嚟嘅筆記簿囉白痴
我知
去教員室途中個feel好似輕小說咁我自己都覺得好型
但冷靜啲諗 我根本就唔知嗰個老師叫乜名
況且入學第2日就去教員室對我嚟講太高難度
然後我又冷靜啲諗 返學放學單程要兩個鐘嘅我物理上根本就參加唔到學會活動
所以我將張loose leaf掉咗落垃圾桶後返屋企
離開學校嘅途中我有啲想喊
喺學校門口完全冇高年級生走嚟問我入唔入會 我喊咗
高年級冇走嚟兜你呢啲唔使咁上心喎～
只係人哋都一樣有選擇嘅權啫
樓上根本就冇安慰到人
#35
上面話高中時代鍾意影星星嗰位PO嘅
>>35 勁喎
就算埋嚟兜你都未必好事
嗰啲多數都係MK
今日依然月色真美
返到屋企我飯都冇食匿喺房度同被包住自己喊
「搭兩個鐘車返學即係算點喎！
」「咪得個攰字死白痴...
」一路嗌住呢啲入學前就應該已經知嘅嘢一路蹩腳狂喊
唔知點解喺腦入面不停repeat細粒老師嘅「多謝大家！」
哼 涼宮春日的消失嘅阿虛原來就係咁嘅心情...
唔通我根本就冇資格去呢啲光彩嘅世界...
咁樣將自己諗起悲劇嘅主角
啊呀...
哈哈
聽到我鬼殺咁嘈嘅阿妹叫咗老豆老母嚟開家庭會議
後來我聽返先知 喺初中嗰陣俾人蝦都一樣當享受嘅我劏豬咁聲搞到佢哋真係好擔心
女仔比例高唔代表就可以同女仔friend㗎清
利申：磚家
享受俾人蝦係乜料
劏豬咁聲即係你唔享受啦下話
點享受俾人蝦法
我小學都俾人蝦
好懷念...
讀男校入天文地理學會嘅我係人生勝利組
哦
呢個樓豬如果睇完《你不知道的故事》嘅PV係咪會即死？
未完 待續
