【2ch文連登式演繹】2ch超經典名作　日本網友高中時代天文學會往事

我細個都會想像自己係主角

Lm

繼續支持

日日坐兩個鐘車佢父母都唔勸下佢

續上 為咗多女揀咗間搭兩個鐘車嘅學校

「係唔係有啲咩事啊？」
老母好煩嘅溫柔聲線咁問我
「咩事都冇呀！！」
我流晒鼻水咁一啲說服力都冇嗌晒

邊有可能講出口 話我因為輕小說上腦揀咗間冇雷公咁遠嘅學校然後因為咁返學好辛苦同女仔講完嘢後自己擅自受傷一個人扮瞓又識唔到朋友 又因為返放學時間長所以參加唔到課外活動
咁樣搞到我成個白痴仔咁

享受俾人蝦其實唔難
黑板度俾人寫咗大量去死嘅話唔擦走佢由得全班嘅氣氛變得怪怪俾人放花樽喺枱就直接種埋朵花佢
俾人放撳釘落鞋度就拎走啲撳釘嚟貼poster 俾人打即係可以玩扮Rambo

頂你係咪M

#62
黑板寫嘅嘢如果唔擦嘅話之後會點？
係唔係老師嚟之前犯人自己擦返走？

咁勁

喺我吟吟沉沉嘅時候阿妹篤下我個背脊
「我唔會同媽咪講 不如你同我講下？」咁樣嚟安慰我
我流晒鼻水咁同阿妹講
「學校好遠...」
我講完後
阿妹爆笑返到房又再喊過

呢個樓豬看破咗紅塵

阿妹幾乖

嫁你個妹畀我

你條友又幾Q

學校好遠...咁樣想人唔笑都難啦

>>62 驚住驚住咁但都唔會擦
基本上就咁老師嚟到搞到氣氛僵晒
熱血老師就開班會搞大佢 揸流灘老師就當睇唔到就咁上堂
邊款都好對我嚟講都係花生

#74
我都想返一間女9男1嘅學校...

而家諗返起 開學只係兩日比自己大4歲嘅阿哥講「學校好遠...」的確幾難忍笑
之後經過3個鐘嘅爭論 搞咗一大輪決定去距離學校30分鐘路程嘅阿嫲屋企度寄住
之後嘅3年 唔使講當然我嘅設定就係同屋企人關係唔好而拋棄喺遙遠親戚屋企嘅孤獨少年啦

>>74 就算女仔多啲都好 斟唔斟你玩係另一回事
最後都係講溝通能力

牛明支援

將輕小說投映到自己度係唔得㗎
普通小說嘅話都算明嘅

>>74 就算讀咁嘅學校 一樣唔會有改變係現實
利申：磚家

頂你同讀男校嘅我道歉啦
雖然我學生時代都好happy
但到而家都冇女

獨撚唔可以積極行動呢點先慘
本身就埋唔到堆 到你想積極嗰陣又會俾人覺得條友做咩無啦啦咁hyper
反而驚因為咁俾人蝦

第2日係星期六所以我第2日就準備搬
話就話係搬 但其實都係同一個縣入面 而且兩間屋距離又唔算太遠 所以只係搬啲返學嘢、一啲衫同一啲日用品
重有講好咗每星期六日、連假、暑假等等嘅長假期就要返屋企
冇晒煩惱嘅我星期一就好開心咁去返學

高中生活第3日
到放學為止都好辛苦 一樣冇朋友小息時間扮瞓咁過
矮撚同肥仔就唔知點解frd咗lunch一齊喺課室一角玩遊戲王
我就快快食完飯 去圖書館睇《火之鳥》同《怪醫黑傑克》
我感覺到喺班房我已經冇掟可以企

認真mode 係你自己攞嚟

《火之鳥》同《怪醫黑傑克》小學以嚟就冇再睇

原來樓豬係5個月前嘅我

放學後
冇朋友同女朋友陪去課外活動嘅我留喺課室
輕小說嘅話呢度就會係其中一個女主角出場嘅場面但冇人嚟所以我呆咗20分鐘就算
然後我拎住張寫得靚靚名同咩班嘅loose leaf諗住去教員室搵細粒老師

睇緊睇緊

去到教員室 可能因為時間唔早 得返好少人
我入去搵老師見到佢喺窗邊
我走埋去佢前面
「唔好意思 我想加入天文學會！」
我急口令咁講出嚟 而家諗返起 呢次係我人生第1次自己開始諗住做啲咩
冇食到螺絲鬆一口氣 然後老師望一望我張紙
「嗯啊 咁你就係會長喇」
好似冇咩興趣咁同我講
我係天文學會第1個男會員亦係第1個男會長

之後好似嫌麻煩咁嘅老師同我一齊去學會房
學會房係去天台嘅門前面嘅平台 大概有半個課室咁闊 入面有好多器材但鋪晒塵
聽講天文學會已經3年冇會員 而呢度我都知道老師係姓佐倉
老師交低房同天台嘅鎖匙畀我 同我講要打掃後就走咗
拎住學會房鎖匙呢點真係好似輕小說主角咁令我好興奮
嗰日好滿足所以就返屋企

劇情有啲慢

返到去我一諗到聽日之後嘅事就好興奮

妄想打掃學會房後好似SOS團咁帶各位唔同嘅嘢入去 然後有女仔加入 話唔定會有長門有希咁嘅情節 涼宮春日

好享受呢種咁被動妄想
而家諗返自己唔去做啲咩就咁等幸福跌落嚟真係唔應該

我都想返去高中時代

你以輕小說做目標呢下已經唔得掂啦

又第2日 到放學為止都係扮瞓咁過
放學後因為佐倉老師唔似會嚟所以我一個人打掃學會房
搵到有以前天文學會嘅相令我又妄想光輝嘅未來
又係冇新會員嚟

我唔係咁期待
應該話我已經放棄咗

又又第2日 同平時一樣到放學為止都係咁過
班入面嘅人大多數都已經frd緊
放學後 我打掃好所以去搵佐倉老師
老師嚟到學會房叫我佈置得靚靚令人放鬆咁放低學會經費後就返教員室
返到屋企我諗點佈置 但我察覺到經費3萬yen唔係咁見使後就去瞓

第2日起到週末都冇咩特別活動
照舊喺班入面冇人傾得埋 一個人食lunch去圖書館睇《火之鳥》
放學後去學會房睇以前嘅活動記錄同資料咁過
佐倉老師一次都冇嚟學會房
同樣都冇新會員入嚟

留名

週末同阿妹出去買嘢 為咗搞靚學會房
零食同紙巾呢啲喺阿嫲屋企拎幾多都得所以諗住買其他嘢
諗完又諗嘅結果 決定買熱水壺 迷你雪櫃 杯
重有啲用阿妹嘅眼光揀嘅濕星嘢同埋垃圾桶
就係咁星期一拎住大堆嘢返學

做會長呢啲旁人睇起嚟係一個現充

返到學校 平時唔會有人理但見我拎住咁多嘢可能有啲驚訝 佢哋班友有少少嘈
我就有少少唔好意思咁照舊一樣過
晏晝睇完《火之鳥》就睇《赤腳阿元》
然後就放學後拎住啲嘢衝去學會房
有啲興奮到出咗聲俾人用奇異嘅眼光望我去到學會房事不宜遲開始佈置
講真只係將拎嚟嘅嘢整理好都已經好滿足

好似幾有趣

其實你都已經獨撚 重走去入個冇人嘅學會咪獨得更深

終於睇晒《火之鳥》喇咩

熱水壺 雪櫃 電視（睇帶用） 櫈 各種書 天文望遠鏡等
佈置得都幾唔錯 所以我去叫佐倉老師嚟睇
佐倉老師「喔～加埋梳化同可以睇埋DVD就合格喇」咁講完就返教員室
DVD唔講 梳化邊買得起亦都抬唔到返嚟 冇晒計
好攰 所以返去
呢日依然冇人入會

想問下
我平時等巴士後面都總會嚟一堆弱智人士打尖插隊
今日我唔順氣反照前喺打尖條友前面上車坐佢坐開個位
明明重有其他位但係咁俾佢唼唼唼我
到落車為止都一直企喺旁邊係咁唼

我冇錯呀可？
呢啲情況係唔係忍佢讓個位畀佢算？
基本上唔想見到佢 但就算搭另一班車都係會見到

點做好？
弱智係唔係打下佢要佢注意下好啲？
畀着你哋會點做？

又未完 又待續

好毒...
監獄學園都叫同男同學做朋友呀

不過有個地方休息都好

一個人（雖然都有帶住個妹）可以執得齊啲物資搞間soc房其實已經好叻

太長 有啲悶
但又幾得意

續上 第1次主動做啲嘢 結果成為天文學會會長

之後嘅幾日都係冇嘢
喺班入面照舊冇人同我講嘢除咗我個個都好frd
見到矮撚同肥仔同女仔一齊食lunch我衝咗去圖書館喊
我拎住《阿元》應該睇嚟都好樣衰下
放學後喺學會房都一樣冇變化
我喺屋企拎咗部PS2嚟 一個人睇DVD咁度日
佐倉老師冇嚟學會房
亦都冇人想入會
到我察覺 招收會員嘅期間已經完埋

咩嘢係天文學會？

大概係踏入5月嗰陣
同平時一樣喺班房度扮瞓嘅時候佐倉老師嚟搵我
晏晝不嬲冇人同我講嘢 所以就算係老師嚟搵我都好開心
「放學後嚟停車場丫係咁」
佐倉老師好簡潔咁講完後就走咗
之後就好緊張咁等放學
我冇再理《阿元》

拎住《阿元》我笑咗

終於追晒

我頂你個掣！ 呢句唔識譯 原文係《阿元》嘅一句鬧人嘅廣島口音口頭禪

理想同現實
一個人嘅課外活動 細粒老師 天文學會
如果有個女仔喺度嘅話就perfect池喇

放學後去到停車場見到佐倉老師揮手叫我
埋到去見到係架輕型貨車 車斗度有張舊梳化
「你叫啲朋友嚟幫手將呢個嘢搬去學會房丫」
佐倉老師笑住同我講
「（朋友？我冇㗎！）」
我個樣有啲難睇 佐倉老師見我唔出聲唔知係唔係都feel到所以佢個樣都變一變
最後就係我同佢兩個搬 要搬去差唔多天台有啲辛苦
佐倉老師差唔多爆晒粗咁一路搬冇咁好體力總之就好辛苦

老師又幾得意

老師幾好人

老師係男？

去到呢度我察覺到 睇嚟佐倉老師平時喺學生面前想保持好做得嘢咁嘅款但本性唔係咁
又呢又路後學會房放咗張梳化 令到間房更加舒適
加入咗成個月都冇做過啲似天文學會嘅活動呢點有啲講唔出口
佐倉老師好滿足咁坐喺梳化度飲完我買嘅橙汁後就走咗
幾開心
呢日我笑住咁返去
阿嫲煮咗紅豆飯

追晒

我將佐倉老師代入Rebecca宮本 《不可思議的課堂》入面一個細粒老師

紅豆飯～
因為你笑住返去？

幾得意

我淨係覺得似幫老師整佢間房多啲

sorly唔記得講 我係男 佐倉老師係女 當時26歲
第2日嘅晏晝一樣冇變 同平時一樣一個人過一個人食飯去圖書館
唔同嘅只係漫畫已經睇完轉睇哈利波特
就係咁到放學後
去到學會房竟然見到佐倉老師喺度 坐喺梳化度食住薯片睇電視

呢一年 最後都係冇新會員加入
但係佐倉老師就幾乎每日都嚟玩

牛明

褲已除

原來係女miss

有flag...

快啲～快啲～

好葡萄牙

之後就忙過以前少少 但每日都係好開心咁過
朝早一樣扮瞓咁一個人過 晏晝食完嘢去圖書館睇書放學後去學會房睇住書等佐倉老師
同埋發下吽哣
就係咁5月完 中期試都好考得還好嘅我迎接嚟緊嘅6月

6月 生活照舊同屎一樣冇變唯有課外活動同圖書館係我喜歡
我同圖書委員嘅女仔都算可以去到打招呼嘅熟絡程度呢個時候嘅我鍾意一路睇格林童話之類嘅童話一路笑
班入面冇變 除咗我之外frd到咩咁嘅矮撚同肥仔就已經成算咗班入面嘅吉祥物咁嘅存在
同埋好似有過幾次班聚會咁

喂喂 你朋友重少過我但係學校生活重開心過我咁嘅
究竟點解...

> 同埋好似有過幾次班聚會咁

> 好似有過幾次
> 好似

喊出嚟

放學後都係冇變 唔同嘅我諗得佐倉老師拎咗啲game返嚟
同埋我哋兩個分工
我...打掃 買嘢 沖茶 倒垃圾
老師...DVD 其他

就係咁
咁樣雖然都算開心 但我話晒係會長嚟 都問下老師學會嘅活動

你完全係個跑腿嚟喎
同埋老師都幾求其

「miss呀 我哋係天文學會 係唔係差唔多要去觀星呢？」
我咁講後 老師就用一個好嫌棄嘅樣講
「下 而家梅雨天喎」
講完繼續打機
就係咁似天文學會嘅活動去到夏天一次都冇搞過

咁求其嘅老師都幾有魅力

於是6月都係hea下hea下同當初我想像嘅高中生活唔同咁樣過
去到呢度我已經睇透咗唔會有涼宮春日咁嘅多姿多彩高中生活 中二病康復身心都好健康
就係咁6月完 我照舊喺圖書館睇童話傻笑嘅時候佐倉老師就嚟到圖書館嘈
「喂 我間房有危險」
唔明佢想講咩
簡單啲講
就係天文學會可能有解散嘅危機

咁突然

因為唔夠會員？

我間房～～～呢個老師都幾搞笑

好睇又幾得意

睇緊睇緊

天文學會要解散嘅原因好簡單
首先就係會員不足
而家得我一個會員 學生手冊度寫話要5個人以上點點點咁
其次就係活動內容
一般嘅課外活動都會參加下啲咩大賽 咩展覽 又或者考啲咩試之類咁
聽講天文學會俾人話得個名但冇做到咩特別嘅活動
要避免解散就需要定期搞啲活動同埋要喺學園祭度做啲presentation
佐倉老師呻完大輪後就走咗
我就想喊所以早退

佐倉老師好似《GA藝術科》個笹本老師咁

返到屋企我諗之後點好但咩都諗唔到
定期活動？
到而家為止不知活動咗幾多
只係啲內容有啲奇怪 同埋對天文嘢完全唔識嘅我根本咩都做唔到 個顧問又咁嘅款
present點pre 我又得一個人
唯一嘅希望就係唔使我哋解決會員不足嘅問題 如果要做埋呢樣真係完全就地解散得

快啦

唔唔

第2日 我唔想去但都返學校
班入面班友一樣嘻嘻哈哈咁睇到我眼火爆
晏晝 去到圖書館都冇心情好似平時咁傻笑 第1次冇睇到書就瞓
然後就冇人叫醒我 到我起身已經到上堂時間 班入面班友笑笑口咁
睇到我好嬲
放學後 我諗住搵佐倉老師傾嘅話話唔定有計 佢話晒都係大人嚟係一個教師
就係咁我懷住呢份期待去學會房
嗰一日佐倉老師冇嚟

後續呢

老師～～

成為高中生2個月 做咗會長2個月 初中畢業咗3個月 對我呢度後生嚟講而家慘過做獨撚
之後幾日 佐倉老師都冇嚟
我都冇再去搵佢
就係咁去到7月 開始終期試我都冇去到學會房

佐倉老師做咩 好想知

留個名先

完咗終期試愈嚟愈熱嘅時候 我已經好耐冇去咁嘅feel去學會房 但只係5日啫
去到學會房見到燈着咗 入面又有啲咇咇聲嘅電子聲
佐倉老師喺裡面
「HEY～」
照舊好似平時咁攤喺張梳化度打機
冇見佐倉老師一排佢依舊細粒 衣着清涼咗
然後我忍唔住走去摸下佢個頭點知俾佢頭鎚頂喉嚨我依然好記得

老師又幾猛

佐倉老師咁可愛啲女同學點都冇所謂啦






都唔係嘅

> 然後我忍唔住走去摸下佢個頭點知俾佢頭鎚頂喉嚨
咁Q

都係未完 又要待續

Lm

早左入黎

師生戀？

lm

我一直以為佐倉老師係白頭髮就退休阿伯

佐倉絆

天文學會活動 夜晚老師帶條仔去觀星

missy係咪睇死樓豬唔會爆佢喺soc房度hea啲嘢出去
missy都認證嘅毒撚

145合法蘿莉

其實高中只要唔好咁多中二病幻想
生活就可以正正常常

搞錯成個下晝都未完

係咪同細粒miss 有不倫戀

一路以為老師係矮撚中年大叔
原來係miss 仲要26歲

其實原樓主有冇發現佢已經經歷緊涼宮春日嘅劇情
但係老師先係涼宮 樓主係集其他角色於一身嘅打雜
然後又係要揾夠五條友join個會

早入左