第二季第七集補充
今集好好睇,動畫嘅解釋都好足夠,我感覺連畫質都有翻第一季水準了
1. 原本想講多啲希露菲嘅視角,但相信後面集數會再出希露菲視角,所以唔講了,其他原作黨都請忍一忍口。
2. 今場幫茱莉加好多戲,好QQ
3. 嚴格來講札諾巴只係四師弟,前面嘅徒弟有:希露菲,基列奴,艾麗絲。
4. 承上,札諾巴得知呢件事之後相當失落,所以盧迪封佢為人偶大弟子氹翻佢。
5. 札諾巴早就預咗盧迪會問起洛琪希人偶嘅下落,對此札諾巴已準備好迴避說辭,但基於對盧迪嘅尊敬實在難以開口,冇辦法原諒自己喺呢件事上對盧迪講大話,所以抱住必死嘅心態對盧迪坦白。
6. 留心睇個爛人偶會發現洛琪希枝魔杖冇爛到,原因係盧迪將呢一個部件整得特別硬淨。枝杖特別硬淨只係因為唔做到咁硬根本整唔到出來,冇乜特殊意義。
7. Roxy!
Roxy!
Roxy!
8. 決戰前盧迪同札諾巴做咗好耐準備,包括分析貓狗戰力,札諾巴表示只要盧迪出手,貓狗嘅勝率係0,但盧迪以為呢句只係札諾巴刷自己鞋,所以教訓札諾巴唔可以輕敵!
9. 盧迪之所以咁緊張係因為佢誤判呢個世界嘅平均戰力,情況有啲似Band 1 仔以為DSE 拎到4係基本咁。
但又唔可以怪盧迪,你諗下盧迪有幾多次遇到嘅對手係廢過自己⋯⋯
初出道人口販子北神流上級,日常操練就係保羅艾麗絲基列奴瑞傑路德,冇一個打得贏。
第一次對獸族就被秒殺,之後打北聖仲要3打1先贏,最後撞到龍神死過一次。
之前贏菲兹只係覺得自己咁啱識亂魔先贏到⋯⋯
10. 貓狗嘅必勝兵法係:
狗放聲音魔法
,貓趁機衝刺
,就是咁簡單。札諾巴就係咁樣打輸。
11. 盧迪破解法係先扔沙等狗喊唔出,再逐一擊破。
12. 之前聽菲兹話貓狗二人曾經係學校武力頂端,又打贏過札諾巴,所以盧迪當佢2個至少有艾麗絲嘅實力,點知佢哋廢到覺得自己唔開預知眼都贏到。
13. 再補充下呢個世界嘅戰力級數
呢個世界分初中上聖王帝神七級
中級劍士/法師已經足夠做皇宮守衛或者B級冒險者,可以想像全世界大部分人都喺呢個範圍。
到達上級已經可以做皇室近衛
聖級開始就係全世界都想要嘅人材
再上嘅王帝神級加埋計全世界應該唔超過30個人。
14. 貓狗戰力至少有上級,所以先可以喺學校做大佬直到輸比菲兹。
15. 狗狗被揸波前面色一變
,因為佢已經聞到盧迪有「發情嘅味道」
16. 大家可以當貓狗係真係貓狗,行動被困會好唔舒服,冇野食慘過死,屌完佢唔好咬梳化會扮死然後轉頭又笑笑口⋯⋯佢哋同一般貓狗一樣會有認主呢個行為,所以先會叫盧迪做Boss
17. 貓狗臉上寫嘅字翻譯係:
「我係輸比盧迪烏斯的廢貓」
「我係輸比盧迪烏斯的敗犬」
另外小說盧迪仲有喺佢地身上寫啲變態字句,動畫已刪走。
再次多謝各位嘅生日祝福,祝各位都要事事順利,動畫黨永無劇透,原作黨推咩都永冇難尾