今次補充唔算多，因為動畫做得幾完整，所以講多啲我自己嘅閱讀理解
1. 一開場跑步嘅另一個人大家知係邊個未？
2. 我估全校得盧迪同路克呢對堂兄弟可以抵擋得住麗潔嘅勾引。
3. 盧迪同菲兹一齊散步翻宿，當然少不了一路談心。菲兹好佩服盧迪可以同果個問題兒童（札諾巴）咁fd 咁一齊食lunch 。
4. 菲兹從對話中透露，貓狗打贏札諾巴，而自己又打贏咗貓狗，除咗盧迪，呢間學校冇人1v1打得贏佢。
5. 二人好自然咁傾到「亂魔」，約好將來要教菲兹用亂魔。
6. 菲兹已經知道麗潔周圍食仔，叮囑盧迪要小心，而盧迪表示果個係熟人來，唔洗擔心。
7. 盧迪勸自己要冷靜，他可是個boy 啊！！！
8. 盧迪練手嘅時候順手就整咗少女盧迪出來，「少女盧迪」呢個詞小說已經出現過幾次，因為瑞傑嘅強大又有愛心，激發起盧迪嘅少女心，而今次就係因為「菲兹前輩」
9. 札諾巴練魔術果幾個鏡頭其實已經足足一日，細心睇動畫嘅燭台都有暗示到，札諾巴為咗用無詠唱廢寢忘餐，用魔力用到魔力耗盡暈低再爬起身練⋯⋯
10. 見到札諾巴咁痛苦，盧迪先開始發現自己視以為常識嘅事對大部分人都唔簡單。無詠唱其實冇幾多人識，佢目前只係識4個，而整人偶呢件事其實係比想像中耗魔。佢知道自己魔力係偏高，初時以為自己高基準法師5倍咁上下，依家認為應該高多好多。
11. 札諾巴本身已經諗過請奴隸去代自己去整人偶，因為佢好清楚自己係冇辦法做到好似盧迪咁，如果係一般情況，札諾巴會比錢請人做「人偶師」，但出於對盧迪嘅敬意，所以冇打算請盧迪做人偶師，又唔知盧迪肯唔肯將呢項技術傳比其他人，所以自己先會明知不可為而為之。
12. 札諾巴其實唔蠢，佢只係對人偶有非凡嘅熱情，所有野都以人偶為先。
13. 以防大家唔記得，札諾巴唯一一個近身護衛——金潔，依家喺米里絲國同保羅同行中。（上季劇情）
14. 札諾巴向菲兹自我介紹果陣，盧迪用小學雞招式迫佢跪低，呢一下真係嚇呆咗菲兹，因為札諾巴嘅身份地位話晒都係王子，如果比人知道一個王子向他國公主嘅護衛下跪會好大鑊⋯⋯
15. 入到奴隸市場，為免奴隸會感冒，所以係室內再加暖氣。
16. 奴隸上架果時係全祼的，不論男女老幼，其一係想比買家知道貨品係咪健全，其二方便想買性奴嘅人。
17. 3人決定購買方針，盧迪為咗搞爛gag 所以最後條件係要一個蘿莉，此話一出，菲兹同札諾巴都靜晒⋯⋯
18. 原作呢一幕奴隸商人直接skip 咗盧迪嘅提問直接向札諾巴推銷，札諾巴因為師傅被無視所以大打出手，呢段動畫skip 咗，其實都好合理，畢竟札諾巴都有身為王族嘅自覺同教養，而且打完相信冇人想同佢做生意。
19. 到到入倉揾茱莉，奴隸商人都除晒茱莉嘅衫去比盧迪等人檢查
20. 見到茱莉果時應該係盧迪第一次打算自己落手殺人，但我相信佢最後唔會落到手。
21. 原本因為茱莉比人剝光豬，所以盧迪蓋件斗篷比茱莉呢件事意義會再大啲，有種拯救他人嘅意味，動畫似係幫佢揾件出得街嘅衫咁，但呢個位冇辦法嘅，FBI is watching you
22. 礦坑族7歲前冇正式嘅名，到佢哋7歲果陣族長會根據佢哋擅長或鍾意嘅野來幫佢地起名。
23. 聽到盧迪改嘅名，菲兹有少感動：「茱莉⋯⋯葉特，真是好名字呢。」
，期待樓主每集補充。
