一手居屋/綠置居/首置盤討論 - 6

原本應該今個禮拜? 打風結果又延遲一個禮拜

下個禮拜聽聞都會打風喎…

我估今個禮拜點都會公佈，下星期開始申請

我同意

同意

想請問一下師兄：
小弟排緊擴2，已見主任拎左合格信，
請問可唔可以用綠表抽新居屋？
因為小弟目標都希望買到2房安居樂業

可以，到時去申請「綠表資格證明書」，會暫停一年派樓（細節問主任或睇申請須知）

綠表家庭隊想要兩房，新居屋應該得安達臣/朗邊，不過今期有租置公屋，唔嫌舊嘅可以睇埋

我覺得租置公屋交通方便、配套足，而且即買即住，入場價又平啲，粗粗地住幾年，儲夠錢再換私樓都唔錯

如果要停一年 會唔會等上左樓再抽會方便啲？

南昌邨個啲位係咪唔洗諗一定比人搶爆

審查完拎咗合格信可以，
但排緊公屋期間只有一次機會申請綠表，一年有效期，
抽唔中新樓/無買到二手的話就要跟翻大隊等到上樓，
所以計清楚你有無機會揀到想要嘅單位先

睇你有冇迫切住屋需要，你可以考慮以下幾點（唔需要喺度答，你自己知就得）

- 2人家庭有機會派1-2人單位，除非你係年輕夫妻，有同主任講準備生小朋友加人，或者有個長者行動不便，咁就會派2-3人單位，否則睇運氣

- 東涌新樓、象山邨舊樓、水泉澳邨嘅細單位你ok?定係寧願要朗邊、安達臣？

- 第一次派問題單位唔計數，二派低層，三派垃圾屋隔離，四派向北或頂樓

- 買居屋住成世定係會考慮換私樓？

小弟就係睇唔明只有一次機會申請綠表嘅意思，係咪指上咗樓之後就直接等如綠表唔使再申請過資格證明書？

可以分享：
東涌新樓都可以，長遠如果有2房 我諗居屋都可以住成世了

我係你就會等派咗樓，再慢慢抽居屋/綠置
揀到啱先要

即係你未上樓，只可以申請一次綠表資格證明書，唔可以揀唔啱，下次又用

但上咗樓之後，用幾十次都冇問題

頭盔：等申請須知出咗睇清楚

多謝師兄分享，咁想問多句，如果上咗樓之後，我用綠表申請居屋或者綠置居，可唔可以超2人$19550個入息？

目前政策綠表買居屋只係check有冇物業
另外公屋租戶每兩年申報資產、入息（富戶政策）

感謝清 一生好人

感謝清，仲有成10000個number唔知等到幾時

應該好快，因為幾個居屋/綠置居入伙，收返唔少公屋單位
仲有特快、青富苑又清一批輪侯冊

之後有東涌大貨，再加有班等緊富蝶嘅人之前轉去擴市，就快會轉返過新界隊

準備比人清出去

市民再有上車機會！市建局今（18日）宣布，紅磡煥然懿居第3座（二期）約260伙，預計9月預售，料一半單位屬於兩房或三房戶較大間隔。市場預計，將以市價72折推售，惟設5年的禁售期。

終於等到喇

嫌棄房委會居屋地點差、清水樓、單位細嘅，可以去馬喇

如實申報入息抽首置盤定係減低收入抽觀塘半山公屋格清水樓？

利申：低收入白單，冇資格玩首置盤

1-3人加埋 4000個 唔知有無機