一手居屋/綠置居/首置盤討論 - 6

其實搞乜要拖咁撚耐

我估：
- 綠表改制 / 加租置，申請須知要執過哂
- 點樣令買家比錢前實地睇租置公屋單位
- 模型未整好
- 收齊特快買青富貨尾申請表

上個禮拜睇到有人PO相話樂富set緊場

綠表改制可以講多d?

只係Tg group見到，我睇得唔係幾清楚，又唔知張相係幾時影

頭先有人po 差唔多搞掂個場

咁下星期公佈，月尾開始申請
申請期最好改返兩個禮拜啦，唔好比咁多人入表

應該唔會差好遠掛，要申請的都會申請，唔覺得2星期同4星期有分別。

好明顯入門口果個係朗天
之後左手邊係啟悅

好多抽中嘅，都係聽朋友講又貪得意入表

申請期短啲，就會少咗呢批湊熱鬧但又死好命嘅人

綠單 - 在職人士

Q: 一個人住緊公屋，落樓就有巴士直達公司，商場翻新後都幾多餐廳、連鎖店，基本配套齊哂，不過超入息，就快夠期審查，係咪含淚買安達臣或者元朗？真心唔想每日用兩三個鐘搭車返工

A: 入息超咗，都係交雙倍或市值租金，你交完都平過你居屋管理員、差餉地租，仲未計日後維修全部自己比
仲有交通費又貴咗，生活成本高都要考慮

單人入息超過6萬幾先踢你走，有呢個收入嘅，直接買私樓或者二手居屋啦
安達臣要食多十幾年塵，每日上落山，元朗個位去輕鐵站要6-7分鐘，迫上車之後去到屯馬線再迫，仲有兩條公路加全港最高嘅公屋群夾住

交通方面，平少少買安達臣，再買部錢七衝大頭，食住MK妹塞車囉

係綠單大把世界，唔需要買安達臣同元朗

有唔少單人隊月入兩三萬都成日驚死比房署收公屋，人云亦云走去狗衝
樓齡太舊或者白卡鄰居想改善環境唔緊要，睇綠置居囉

但本身住緊交通方便，十幾廿年樓齡公屋嘅，拎啲錢全屋翻新好過搬去呢兩區，嘥咗張綠表

我target係 安達臣先到元朗 一黎近返自己生活圈 交通黎講有車駁我可以接受 可能都會買部26代步 同埋我覺得個度係會起咩雲巴之類 如果mtr話起站我仲驚 20年後先應該先起完

The Anderson Hill 夠高夠涼夠開揚

雲吧嗰啲只係有議員提出，唔好咁多FF喇，講得嚟又十年後先開始

不過肯定嘅係有天橋落到山，而且安峯改為安老設施之後，區內就業嘅工種都增加

我係覺得綠表單人隊咁多選擇，其實唔需要屈就
特別係出面（二手居屋/一手二手私樓）都跌緊
7千蚊尺買安達臣，真係好？

家庭買嚟求安穩，住得寬落、開揚係唔錯

單人隊就無謂啦，慳返$270好過

綠表的話，如果夠首期，真係二手好過全新個批居屋。

26/46都係$320，我係你一定出46，呃到MK妹/邨妹之餘，又唔使日晒雨淋，又做到冬暖夏涼私人空間

屯門兆禧補完價都係$7200尺，有啲新私樓都跌到萬鬆，但安達臣/元朗清水樓，綁到2030/2031都賣6千幾7千

有心慢慢搵，綠表價嘅靚嘢陸續有嚟，反正隨時可以買

難聽講，單人住公屋咁都儲唔到首期，要焗住買偏遠地區居屋，其實係咪有能力供樓呢

二手都分年期，舊少少維修方面條數點計先

樂富set緊場 from TG

班撚屌整條路仔都整咗咁耐，講鐵路可能啲屋民死撚咗都未有