其實點解當年希特拉會睇得起日本仔？

建議參考埋我的奮鬥點樣評論日本

日本係屬於冇創造力但係有傳播力嘅民族，跟隨歐洲會鼎盛，歐洲衰敗日本都會緊隨，係可以利用。

中國仲慘不過地位都高過斯拉夫同猶太人

乜鬼嘢

你知唔知係兩邊都揀曬，Heer極之親中國政府，不過蔣介石拒絕咗埋堆，一開始有合作下但係最尾都係冇加入軸心國

中華民國德械師點樣嚟

我的奮鬥中對日本人評價麻麻

不過好老實講
佢睇唔睇得起
同佢與唔與日本仔結盟係兩回事

兩個好憎對面既人
都可以因為共同利益坐埋一齊

連登好憎伊斯蘭, ISIS
但佢地攻擊支國 都係一樣叫好

當年一戰 日本係國際上上左位算唔算其中一個原因

1.日本係亞洲強國 遠交近攻
2.曾經戰勝帝俄
3.能夠威脅蘇聯後方
4.聯盟可以壯大聲勢

單單呢幾樣野都夠

調返轉美國當時講緊194X年有個致命嘅缺點就係同太平洋戰場相隔太遠，非常倚靠夏威夷關島珍珠港呢啲海軍基地作為踏腳石

如果珍珠港山本五十六炸嘅唔係列戰艦巡洋艦而係轟炸佢哋彈藥庫同埋然燃料庫，佢哋重建珍珠港呢條補給線嘅時間至少會長一年，歷史有機會改寫

Source???

一開始美國對希特拉都係Peace no war
德國都需要正常外交

自由印度軍團 本身編入國防軍 之後變咗Waffen SS
https://en.m.wikipedia.org/wiki/Indian_Legion

維奇法國組嘅黨衛軍軍團 好笑嘅係佢哋好似係最後一批投降嘅軍隊
https://en.m.wikipedia.org/wiki/33rd_Waffen_Grenadier_Division_of_the_SS_Charlemagne

烏克蘭嘅
https://en.m.wikipedia.org/wiki/Ukrainian_Liberation_Army

真係要睇嘅睇呢度
https://en.m.wikipedia.org/wiki/Wehrmacht_foreign_volunteers_and_conscripts

Mosley當年得咗就真係大撚鑊

雖然Thatcher後嘅Tories都係一擔擔

未聽過咩?德國國防軍黨衛軍入件加埋有成二百萬外籍軍團

由北歐,法國,西班牙去到俄羅斯,中亞,穆斯林,泡菜, 印度,韃靼,波斯尼亞,北非

法國佬係柏林血戰到最後一分鐘, 最出名嘅梗係黨衛軍維京師, 西班牙人組成嘅藍色師, 係諾曼第灘頭畀美軍俘虜嘅印度佬同泡菜佬, 仲有最臭朵嘅俄羅斯解放軍同烏克蘭解放軍

季羨林二戰期間都喺德國做漢學講師，1946年先返中國

法西斯

外交從來都係睇利益，個人憎唔憎冇關係

讚民族性，但屌日本人搶德國野無恥

件事合邏輯

不過就我所知最尊崇日本民族性嘅係魯登道夫

某程度上希特拉嘅思想受魯登道夫本總體戰影響好深

各取所需啫

同埋我真係唔太覺得德日同盟咁幾咁親近

感覺似互不侵犯多啲

啱呀 無論係高堡奇人定TNO呢啲軸心國勝利嘅架空歷史
就算佢哋得以共存 到最後全部都各懷鬼胎 只係礙於核武而冇硬碰硬

日本有個壓倒性嘅優勢

就係日本係亞洲島國

沙俄輸係幾千里補給

英美係太平洋同日本人打仗都發現馳援星加坡、香港、菲律賓並唔係想像中咁易嘅事，甚至幾乎要動用舉國之力先支持到

唔係日本海軍行錯路，英美嘅勝利都未必係當然

事實上日本要認真稱霸亞洲，冇國家可以唔動用舉國之力就阻止到佢

所以點解美國依家駐軍係日本

係

除咗核武，兩個國家距離太遠，根本食唔到

Btw，我個人覺得TNO合理過高堡奇人，美國生產力太勁，食咗歐洲嘅德國同日本都根本冇可能完全打低美國

日立線失敗嘅結局可圈可點

做大嘅覺得冇問題就冇問題
不過公道講 日本唔係唔知美國強佢太多
所以佢先諗著一次過消滅佢成支艦隊
美軍重建海軍時個空窗期佔領太平洋 到時日本由攻方變守方 守方優勢大好多 希望美國要付太大代價而放棄放任日本統治太平洋

咁日本個戰略係成功咗一半
炸完珍珠港美國重建海軍期間真係攻佔大半個太平洋地區
但唔好彩嘅係美國太平洋艦隊幾隻航母都咁啱出咗海唔係港口 所以保留咗一定即時反擊能力(最出名係企業號航母 原定計劃係當日進入珍珠港 但之後話要遲一日先入港 結果避過一劫 所以有人質疑美國係咪一早知 但要引起反日民憤支持打仗先放任日本攻擊)
而更重要2點
一來美國嘅工業能力比日本想像中更強 美國唔係勁 係好撚柒勁 幾個月時間之後支航母艦隊就大過日本用二十年來生產嘅航母
二來日本睇少咗美國個決心 珍珠港係美國第一次領土俾外敵襲擊 美國人上哂頭咁老閪都要打柒你日本仔完全冇諗過會唔會付咩代價而放棄

日本最大個問題係

日本係一個島國，但莫名其妙地係一個陸權國家

呢個係冇何否認嘅事實，無論關東軍也好，海軍嘅九段戰術都好，都證明日本人根本唔係海權國家

日本人也好，德國人也好成日揸住本馬漢打飛機，但從來冇思考過海軍-海權-重商主義之間嘅關聯性

海軍嘅用途唔係打敗某一支海軍，而係保護自己嘅國家利益，作為島國嘅日本應該更清楚呢個道理

反而日本完全唔清楚呢個道理，淨係諗住打一場決戰收對面皮

假如日本人係打破交作戰都仲有20%可能會贏，但係日本人決心打決戰已經知完全落後於時代

因為希特勒比我哋知道得更多

咁係咪要睇下buy time之下日本可唔可以完全消滅中國