終於排到上舊公屋，啲設計奇奇怪怪，房冇窗，廁所連住廚房，廁所原來要有抽氣扇我都係中學去到人哋屋企先知。
同細佬share同一間房，房已經細唔知點解仲要整個大衣櫃間房冇咗一半位，另外擺到張碌架床同張枱。因為房冇窗，我瞓下格床，長期陰暗冇陽光。細佬瞓上格，要踩我張床再踩枱先上到去。我係張枱做嘢，佢上上落落踩地下踩枱踩我張床，污糟唔再講，好影響我做野。細佬都中五，我廿歲仲要迫埋同一間房，我永遠唔可以企係到換衫，因為換衫空間得我張下格床，有時仲要驚細佬會睇到，又要驚老豆成日無啦啦開門。咁我都明細佬中五男仔冇自己房都好慘所以就同老母傾，佢唔覺得有問題跟住又鬧交，過一陣同佢啲師奶傾完先覺得我有道理，永遠都係人哋講嘅嘢先啱，但態度照舊，一句冇能力就算，咁點解生嗰陣又唔會諗到自己冇能力。
公屋摺枱摺凳摺門鐵飯兜有齊，而家變埋米奇妙妙屋，完全冇生活品味可言。開冷氣淨係可以開客廳嗰部吹晒成間屋，夜晚想刪房門做自己嘢都唔得，一黎冇冷氣會熱，二黎2個人迫埋一間房冇窗好焗。
以前讀垃圾中學同學個個差唔多lv.覺得冇問題，上到大學見識多咗，原來就算唔係私樓，最基本都會有自己房。以前老母睇唔起我覺得我讀書廢，老豆大聲播大陸野叫佢靜就發癲，幾多難聽嘅說話我都聽過。到我靠自己上到大學讀專科就大肆宣揚要威俾人睇。
而家我冇得住hall，又要迫住一間房，朝朝早返工返學要嘈到全家都要起身，温書温到幾夜都要每朝俾人嘈醒，仲要俾人話咁夜瞓抵死
已經頂唔順睇緊有冇啱嘅劏房想快啲搬出去脫離呢到。
知你有本事儲到錢會叫你幫細佬買埋樓