(live) 裸辭獨遊日本四國兩星期

我又想像唔到一班幕府武士喺度密謀倒幕嘅場景

由第一晚到步開始，就見到好多選舉宣傳，應該係準備選市長，但企喺度聽條友講嘢嘅人，除咗我之外全部都係中老年人，睇嚟傳聞中嘅日本年輕人政治冷感，都真係有啲道理





台灣真係有面子，書店特登開咗一欄畀佢，除咗呢本台北書之外，淨返嘅旅遊書全部都係日本國內 一本外國書都搵唔到

今日轉咗新酒店，非常滿意，冒住自爆嘅風險都要開名，高松東急REI飯店，一落樓就係商店街，樓下仲有lawson，空間夠大，設備都係新嘅，一晚淨係310 hkd左右，唯一可惜嘅係佢得返兩床房






仲有街景睇


鯊魚都好滿意

喺酒店出返嚟搵食，大約七點九左右，我之前mark低嘅幾間餐廳全部都滿員，我個已經唔係啲遊客餐廳

跟住隨便喺街行逛，一係就滿員，一係就一個人都冇


行咗差唔多廿幾分鐘，先畀我搵到一間炸串，就咁樣叫做 Ippon ，Google Map 得14條評價，但評分好高，應該係幾冷門嘅餐廳

幾正 特別係左邊個三串嘢，店家聲稱100%佐賀牛，竟然只係要90 yen！！





呢啲先係真嘅炸帶子呀 唔係學校小食亭嗰啲麵粉

好正, 樓主要記住UPDATE,追緊

上個月去住同一間

下面嗰欄咪首爾囉？

係我眼殘！ 見到標題係日文，就以為講緊日本


但係隔離個書櫃，真係100%全部都係日本國內旅行書

本來已經飽飽哋，但實在忍唔住，又再嗌多咗一輪


土手燒，其實就係燉牛筋，350yen，非常非常好食，用嚟送飯一流



右邊係三文魚，好食但份量太少
右邊嗰串係炸蒟蒻 就咁睇menu都覺得係大伏嘢，但就偏偏怕死嗌嚟玩下，點知食落其實ok



第二輪正式開波，真係食到我傻




推介 難得係店員服務好好，日本餐廳服務好就大家都知，但佢係做得更加出色，每次啲炸串上到嚟嘅時候，佢都會揸住張英文menu，逐個逐個同我講呢一串係乜嘢


埋單走人嗰陣，佢仲跟住我出門口幫我開門，出到店外面仲係咁講多謝 太客氣搞到我有啲手足無措 我唔值得你對我咁好㗎



戴返頂頭盔先 其實細佬我係成世人第一次食炸串，所以未必識品評，但總之我係覺得好食㗎

我自己一個食嘅，睇張收據水蛇春咁長，就知道我嗌得幾咁過份 埋單4800 yen，嗌到食唔落都係港紙280 hkd，幾好幾好

食得太多炸嘢，我太太過分了依家成身有啲唔自在，喉嚨有少少唔舒服，亡羊補牢咁買啲嘢頂住當先，暫時要食清淡小小小


day 3完！





聽日我要七點左右起身 (仲早過返工明明已經辭咗職)，趕八點嘅jr去阿波池田車站，因為我聽日報咗一個one day tour，大歩危・祖谷秘境の旅

呢個tour我都係睇以前嘅連登師兄講嘅，因為呢啲景點實在比較方便去，所以唯有chur啲報呢個tour

https://yonkoh.co.jp/teikan

冇 交換左contact，但之後幾日大家行程唔同，有緣再見啦

thx

多謝絲打先，間cafe睇落好靚，睇下有冇時間之後去

小豆島雖然我遲啲plan咗會去，但完全未諗行程，到時睇下會唔會經過嗰度喇，你都知小豆島太大

多謝推介！
真係唔錯嘅

我一月尾果陣去
呢條垃圾街一半以前既鋪無開門

呢度有突破物理定律嘅電動單車 上上落落都唔係好辛苦

喺碼頭落船之後，踩單車去豐島美術館都係半個鐘內，真心覺得方便過等巴士，而且爽好多

多謝你支持我呀
知道真係有人追 好開心

勁明我都打緊但太多字（手機睇嘅話）
所以冇咩人睇仲要P牌

我想同咁多位講個笑話
樓主上星期同我講佢要食少啲炸嘢
利申識佢

你睇下個動線會唔會經過先再決定都ok!我覺得柚子醋就香港自家製都整到
蒜油嗰個如果你鍾意蒜香味就唔好錯過，麻麻哋就skip
個西多就係好味但係多油嘅好味唔重口都可以skip
小豆島我同fd玩咗兩日定三日

笑死
多謝分享