(live) 裸辭獨遊日本四國兩星期

係，因為我夜晚八點幾先去到，基本上呢個時間嘅小豆島，你係唔會見到有人

如果成班一齊嘅話，應該唔會有我呢種感受

時間去到5月1號，小豆島day 2

琴晚因為去影星，搞到又凍又餓 四五點先瞓 跟住第二朝set咗鬧鐘都起唔到身，民宿講明咗十點要退房，我十點半畀人敲門先醒

最後十一點先check out，但屋主都冇吊鳩我，仍然好好態度咁送我走，好感動 將來有機會嘅話一定要回報佢 (最尾我係有做到嘅)


呢間民宿叫做 L and M，意思係love and music，地下係band房，一樓係民宿，airbnb可以book到，價錢親民，小豆島住宿強力推薦

L and M
+81 879-62-5443
https://maps.app.goo.gl/Rf63dWPwTJvt2NGC7


等巴士去碼頭，隨便一個海景都靚到傻



去到碼頭搵咗個locker，鎖咗我個喼，去7仔買個早餐，跟住就前往橄欖公園

橄欖公園風車騎掃把，係全個小豆島最著名嘅打卡位之一，因為係魔女宅急便嘅取景位。

我本來係特登去做好功課，認真走咗去睇一次「魔女宅急便」，的確係一套好電影，主角琪琪同我獨遊嘅心態其實有啲相近。

但我睇到完場，都見唔到任何小豆島嘅痕跡 上網check下先知，原來係真人版先至喺度取景，但係真人版我睇五分鐘就熄咗，搞唔掂


到埗橄欖公園，首先入去食咗個橄欖雪糕，幾好食 其實佢冇乜橄欖味，純粹係因為嗰個天氣食雪糕好合適




終於嚟到著名打卡位，但因為我唔鍾意真人版，所以冇乜特別感受。但拋開電影唔講，佢本身都係一個好靚嘅景點，望住一家大細、情侶或者一班朋友一齊影騎掃把相，就更顯得我可憐


平時可以請人幫我影，但依家我要騎住掃把原地起跳，實在有啲老尷，唔係好敢搵人影





天氣好就係大曬，有藍天白雲到賣咁舒服嘅海景，影乜都靚，唔使搵咩特別嘢做，隨便睇橄欖公園亂咁行下，已經好開心

果個包應該唔多好食我係日本食過

閒逛期間，見到掃把突然有淨，一場嚟到，冇理由因為驚尷尬 迫自己攞咗支掃把，自己影味自己影

攞住掃把周圍行嘅自己，感覺似清潔工人多過魔女




去咗一間幾靚嘅雜貨店，應該都係真人版嘅取景位


佢有得賣，用嚟掛住掃把嗰嚿黑貓吊飾，只需990 yen，而我睇完魔女宅急便之後，對黑貓都係情有獨鍾，梗係即刻買番個



行返返去風車位，尷尷尬尬咁喺度企咗幾分鐘之後，搵咗一對後生日本情侶幫我影，好彩佢哋都好好人 跟住亦都採納咗巴打嘅方法，用腳架拍片再cap圖。依家睇返嗰條片，真係歷史級尷尬

終於完成咗打卡任務，睇返張相，我自己都幾滿意

遮到咁睇條撚呀

見到好多細路cosplay 琪琪


係時候離開了，喺巴士站見到一舊疑似巨石陣嘅神秘物體



返到去碼頭，坐船出發去宇野，終於暫時離開四國，下一站，岡山縣！

遮到咁睇條撚呀

睇下地下個影囉
請勿迫害毒撚

到達宇野港，天氣仍然係好到傻，好似天使下凡咁



碼頭附近有幾件藝術品，都係用垃圾整出嚟㗎



宇野喺每三年一次嘅藝術祭當中，都會變成一個好重要嘅港口，所以jr站的設計當然都唔可以忽略，的確係幾靚嘅

跟住去浸下溫泉，距離jr站幾分鐘路程，平日1600 yen，我公眾假期去就1900 yen，偏貴，但我都係非常推薦大家去 各位去完瀨戶內海離島之後，不妨過嚟呢度浸下溫泉

Setouchi Onsen Tamanoyu
+81 863-31-1526
https://maps.app.goo.gl/3y8GJgzTH27jy1M46




當然裏面係唔畀影相，所以以下幾張圖係網上搵㗎，但唔係照騙，真實嘅感受同照片真係差唔多，當然係多咗好多裸男咁解







細佬我因為濕疹問題，浸得好少溫泉，次數十隻手指數得曬，但呢一間真係我第一或第二名，好舒服好乾淨好靚，設計完善之餘有帶點復古嘅感覺，最重要係可以望住瀨戶內海

Live
黎緊都會去四國
Bookmark 哂

另外，我發覺原來浸溫泉，好容易將人嘅情緒推向兩極

呢一次浸嘅時候，我本身就經歷完幾滿意嘅小豆島之旅，而且可能因為天氣好，我又唔趕時間，最重要係唔多人(好多裸男迫埋一齊 我完全接受唔到)，所以我真係浸得好開心，好似直情係好多煩惱緊嘅人生難題，突然覺得其實都冇乜所謂，順其自然，享受當下就得，舒服到好似看透人生咁樣


順便預告一下，因為我好滿意，所以我之後再次返咗嚟宇野，再浸多次溫泉，但今次我心情普通，天氣又就嚟落雨，而且好迫好多人，完全放鬆唔到，竟然越浸越頹，跟住影響到因為濕疹而覺得唔舒服 最尾提早走咗，而且仲要冷親，又感冒返

同一個地方，竟然可以有完全唔同嘅感受 但點都好，起碼係硬件上，我真係好滿意嘅，淨返嘅就純粹係睇你個人主觀感受

半個影都無

高知 黑潮本陣都十分好，下次可以試試

掃地工人冇嘢好睇啦

謝謝你願意睇咁耐 睇到live

浸完出嚟終於可以影下相，格局真係唔錯㗎




去到溫泉旅館裏面嘅餐廳，海廊，座位都係好舒服，價錢都預咗會高過出面，但唔係好離譜，可接受，而且用pad落單，唔驚搞唔明



叫咗一份天婦羅烏冬，加咗份魚餅，全部都係範圍之內


覺得唔夠喉，叫多咗一份海廊特制，鯛魚湯飯，湯真係魚多個水 淨係食裏面啲魚都飽飽哋




其實佢仲有一份推薦菜色，桃鯛刺身，根據我理解，就係條魚真係食岡山桃大？可以畀魚食㗎咩？ 點都好，因為我唔太好刺身，所以冇叫到，將來有人去試過嘅話，可以話番畀我知

終於出發去岡山



一到埗之後，其實幾震撼，成坐城市嘅發展程度同人流，真係遠高於四國任何一個城市，我過咗嚟都兩個幾星期，好似第一次由鄉村去到大城市咁，有新幹線真係差好遠好遠



離開咗好大嘅jr站之後，出到去即刻見到好多發緊光嘅招牌，donki、aeon、蟹道樂、明神丸..... 冇對比冇傷害，成個氛圍真係差好遠，人流都係密集咗，都多咗好多潮男潮女成群結隊咁一齊行

暫時畀我嘅感覺，五個縣嘅市中心嘅發展程度係

岡山>>>>松山>高松>高知>德島

跟住我特登走去search 2022各縣嘅gdp，的確同我預想中差唔多

時間去到5月2號， 岡山day 2


今日主要任務係處理兩個問題，洗衫同埋買新喼，搞完再行景點

起身之後，落咗去食松屋，原來依家好似大快活咁，要自己去櫃檯攞盤食物返嚟




食完返酒店睇下洗衫情況，部垃圾烘衣機一啲用都冇 焗咗一個鐘都係濕的，今次就焗夠兩個鐘，等待嘅時間就去買新喼


聽各位巴打意見，去咗aeon mall 同 donki睇喼，donki 雖然多平喼，但好多都係made in china嘅雜牌，唔係太信得過，跟住都係返aeon

四國生活慣咗，見到咁靚嘅mall有少少唔慣



最尾買咗呢一隻American tourister，退稅後萬六yen，但戇鳩仔樓主淨係靠目測，預錯咗size，明明肉眼睇感覺相都幾大個？結果買到返去先見到，新喼係比舊喼細 差啲唔夠位擺嘢




aeon mall 2樓有三部按摩椅，成部太空艙咁樣，12min 叫價300 yen，係有啲貴，但試過之後真係發現物超所值


同佢所宣傳一樣，真係可以體驗到無重力嘅感覺，佢係真係全身按摩，連腳板底都有，建議所有人去aeon mall嘅話都要試下



hea完之後返酒店，乾衣機烘多咗兩個鐘都係未乾 懷疑係特登教細火力嚟呃錢 衫濕曬又要焗住畀，咁就焗多一個鐘，然後去donki行下

weed？？？！！！ 日本應該未合法化㗎喎，搞咩事呀

我ok，始終相對大阪東京果啲，呢啲人多但少旅客，相對正啲

我去旅行會係網絡商買pass

係呀，我都prefer呢一種發展程度，揀旅行地點都係揀呢一種多，但留得耐咗，間唔時又會掛住大城市嗰種方便，真係犯賤

呢個我通常都係後備計劃