(live) 裸辭獨遊日本四國兩星期

你好天就靚
我就衰過橋咀島

睇完樓主live, 出年3年想同屋企人黎四國， 想自駕， 巴打去左既地方都想去， 仲有個德島有個漩渦海， 同睇櫻花

睇地圖松山應該去到大三島，唔知有無機會去埋兔仔島

特別係去呢啲離島，天氣真係影響一切 今次我重返小豆島，仲要落大雨

感謝

處理完洗衫同埋換喼嘅問題，已經係夜晚六點半，本身以為景點應該已經收曬，抱住絕望嘅心態去官網望下，估唔到今晚畀我撞到日本黃金週限定嘅夜晚展覽 岡山城、後樂園都會開到九點半，正
http://genso-teien.okayama.jp/outline/


我趕住前往後樂園，本身諗住去7仔買個包頂住先，但期間撞到一間漢堡店，店長仲要好熱情咁樣企喺門口排緊單張，睇嚟係新開張，咁我諗漢堡包都快嘅，食咗咁耐日本嘢，間唔中都會轉一轉口味



磨菇牛堡，1280yen，港紙75蚊，味道正常水平，就係啲小型西餐廳100頭左右嗰啲burger嘅質素，但係佢只需要75蚊港紙，所以係唔錯嘅



派傳單個位店長，有同我講起以前去過幾次香港，跟住又望住佢點樣教啲夥記，出餐嘅逐個步驟，作為旁觀者覺得幾有趣，唔經唔覺就浪費咗唔少時間



去到後樂園境區



行住月見橋



過緊橋時候，成日忍唔住要頭望後面嘅岡山城，真係好靚 可惜時間唔容許我同時去後樂園同埋光山城，希望遲啲有機會補返


買好飛，準備入場後樂園

唔講咁多，直接上圖，比較少可以見到夜晚嘅園林景色








去到一座名為「唯心山」嘅一座假山 (連個名都起得咁有意境)，聽講只要行幾分鐘上去，就可以見到後樂園全景。喺黃金週期間，果然係要排隊上去，冇計






上到去了，清楚見到曬周圍燈飾嘅佈置，一次過睇曬燈火通明嘅呢一片土地

我遲下都有plan 3日去島玩，但已經有後備plan, 就係如果預計全日都落雨嘅話就直接上岡山行街算😂😂

繼續分享下細佬劣作，因為人流太多，我就走咗去一個偏僻啲嘅角落，慢慢影下相

以下呢張我幾滿意，所有有打卡位都集齊曬，仲有岡山城做背景


地下好多個風車，然後各自有一盞顏色燈照住，形成咗呢個春之幻想庭園


孤獨的燈柱


舒服



hea到完場為止，慢慢行出去，然後一出去就見到巴士翻車站

喺後樂園出返市區，已經十點幾，行咗幾間餐廳都閂咗門，最後隨便揀咗一間居酒屋入去，格局都係幾舒服嗰種


老細份人係幾nice嘅，我知道佢想對我表達善意，出發點係好嘅，但佢知道我嚟自香港之後，跟住又唔知講咩好，跟住喺度講bruce Lee！ha ha ha(功夫擬聲詞)！實在有點兒難溝通.....

我乾笑幾聲之後就冇再理佢，揀咗個角落頭位，攞出電話睇片，釋出一個明顯嘅身體語言信號




蒜山炒麵，應該係岡山嘅名物之一？佢個調味係咸得幾好食嘅，都係嗰種典型嘅居酒屋送酒用嘅食物



燒雞中翼，一上枱之後嚇親，好似完全冇做過調味咁樣，但食落原來都好重鹹味，有醃過的




又去到扮健康嘅時候，我執著於想搵一啲岡山縣生產嘅生果，我知道岡山出名桃同埋葡萄，桃就興趣唔大，葡萄酒有興趣但搵唔到。行咗幾間便利店，終於畀我搵到一兜岡山縣番茄仔 (究竟蕃茄係生果定係蔬菜？又世界大戰)

時間去到5月3號，岡山day 3

今日起身之後，終於執好曬個新喼，然後將舊喼交畀酒店職員，有巴打提我可能酒店會收額外費用，因要棄置大型垃圾，酒店卻願意免費幫我搞


本來因為酒店對面有幾間bar，大大聲播音樂去到凌晨幾點，我有啲唔滿意嘅，依家加返分畀你呀

再見啦我曾經嘅戰友多謝你陪我咁耐


去aeon mall買咗個冬甩當早餐，跟住出發去倉敷美觀地區根據我透過網上嘅觀察，係岡山最著名嘅景點，沒有之一




jr搭廿幾分鐘就到，好方便。去到之後第一時間想去坐下船，但沿途見到咁多人都心感不妙，果然係冇嘅




買咗個咩金獎炸肉餅，係幾好食，裏面嘅肉質同埋肉嘅份量，遠高於同行



河畔嘅兩旁，就係一呢啲舊式日式房屋(我知我影得唔太好，的確係展現唔到我見到嘅嗰種美感)，嗰種江戶時代嘅日本風味，令我諗起「銀魂」嘅街道背景，個味道十分相似

開始搵嘢食，難得搵到一間唔使等，有聽有巴打提過出名食咖哩，咁就試下




坐得好舒服 有個大落地玻璃望住出面



嗌咗一個千屋牛咖哩，根據我上網google嘅資料，千屋牛係產自岡山縣嘅牛，由於產量稀少，所以基本上唔會出口去其他縣。物以罕為貴 我就係想搵一啲其他地方食唔到嘅嘢


1650 yen，另外加咗芝士同溫泉蛋(食咖哩點可以唔配呢兩樣嘢？)，埋單2000yen有找 日式咖哩嚟講佢係偏辣，但都真係幾好食，加埋芝士同溫泉蛋入去之後，正到不得了


佢個千屋牛都係正嘢，我其中一啖，無意中咬到一舊牛筋，嘩 個牛味突然喺口腔裏面湧曬出嚟，犀利






食飯期間，餐廳播住Beatles嘅 let it be，認真咀嚼下歌詞，先發現其實佢都講得好中我而家嘅現況，其實做人唔使咁執著呀無論係搵工定係其他問題，享受當下先

update 下現況先，今日返咗高松，而家去緊女木島

係一個相對冷門嘅離島，有冇巴打去過？

有機場>碼頭>火車 應該用咁去諗會易估啲

唔爭氣笑咗

pish

天氣好真係正到不得了

又好似幾正
上次經過我過得貴左d 又無特別預時間行佢
所以無入
依家有d 後悔

睇得幾過癮 不過睇返你以前桂林個po發現死曬圖了

多謝支持

嗰陣我唔係好識backup圖片，又唔少相都唔見咗了 之後返香港睇下有冇辦法搵得返，我自己都想懷念下。連登死左圖，係咪冇辦法救得返？