(live) 裸辭獨遊日本四國兩星期

留名

同條女下文呢？

離開士多啤梨店，隨便踩返去碼頭附近，竟然有一堆貓攤咗喺度阻住條路 加加埋埋至少都有十幾隻，大部分都好親人，我當自己去咗貓島㗎喇

豐島

電動單車唔係違反物理定律
只係違反香港法律

跟住去得最尾一個館，豐島橫尾館，呢度係sell新舊結合，將本身傳統嘅和風建築，加入咗好多新嘅現代藝術入去，但仍然保留到傳統氣息




入面都係唔畀影相，唯有影張postcard出嚟，又呃我磅水

左邊嗰個景，將原本一個傳統日式建築，個地板改成為透明玻璃，然後底下係一個魚池

右邊個景，係一個密封嘅圓柱體空間，而且天花同地板都係透明玻璃，營造出一種無限延伸嘅感覺，第一下跌入去嗰陣，仲以為會跌咗落去好深刻





佢連廁所都係藝術品，其中一個講明係觀賞用，一個就真係畀你用，幾驚我去錯 變咗喺件藝術品上面屙屎屙尿




離開嘅時候同後生職員傾咗幾句，佢話佢係嚟自鹿兒島，咁我以前去過，梗係巡例讚下櫻島嗰度好靚，生活好舒服之類

其實我係心諗緊，鹿兒島已經算偏僻啦，佢竟然仲要搬去一個更偏嘅離島生活 相信香港冇乜人可以做到佢咁樣，看淡物質生活

呢張逆風賣80蚊，但有時會慢，好短一段時間會收唔到signal

豐島一日遊正式結束，喺碼頭等尾班船返高松嘅時候，見到個太陽光好靚



多謝Namelesss巴打推介 落船之後，同佢去咗食呢一間
ステーキハウス 听 高松店，的確唔錯

呢一間嘢係食熟成牛，首先店員會話你知，今日可以供應乜嘢部位，有供應就tick



碟和牛炒飯就普普通通啦

Lm

推介




食飽之後去另一間，諗住格硬食多件骨付鳥先 去咗呢間 骨付鳥 蘭丸 本店，大約排三四個人左右，咁就決定周圍行下先

行過間女僕咖啡店，絲打竟然話想去試下 話想睇下啲女僕可以做到幾羞恥 但價錢太貴喇，最後冇入去




入到去食骨付鳥，真係幾好食嘅，但調味料落得太重，可能因為咁，佢隔離上咗一盤生菜，為你解油膩


餐廳格局幾傳統


見到餐廳貼咗呢張poster，呢個旅行團真係好癲下 成世仔咪見過咁貴嘅旅行團，188萬yen



day 2 完

進度終於追返去live 時間去到今日，首先就行去商店街行個圈先，搵下嘢食



搵咗呢一間食，食啲日式西餐意粉，我本身都幾鍾意食薩莉亞 咁就試下佢



唔係幾好食，加埋沙律要千五yen 我都係乖乖地返去食薩莉亞

呢個po好有用
我遲d都去高松獨遊hea
Mark低哂d餐廳

本身今日行程係想去金刀比羅宮 + 栗林公園，但樓主又遲咗起身 今日淨係去栗林公園算


出發期間，見到google map顯示隔離有一間高松市美術館，咁就去睇埋再去栗林公園啦


窮呀，揀常設展算啦



地下嗰層係咁，入到展廳之後就冇得影相了，等我出返嚟覺得點啦

同絲打有冇下文有冇攞contact

常設展好快就行完，都係呢句，藝術嘅嘢我識條鐵咩...

留名

留名同絲打一齊玩

其實環遊世界嘅郵輪團嚟講188萬yen算平

終於嚟到栗林公園



日本鬼子又想企圖分裂中國固有領土



終於有印仔，我18年嗰陣喺鹿兒島買咗本簿，專用嚟儲印章，咁耐終於可以攞返出嚟



Pokémon御三家我就識，估唔到錦鯉都有份御三家 咁樣下面嗰堆顏色，應該全部都係色違

首先走咗去坐船，660 yen，每個人要帶個好似越南式嘅草帽，唔係畀你扮chill，係用嚟畀你擋雀屎




雖然有提供一張中文嘅景點講解紙，但始終船夫只會講日文，搞到同船夫冇任何互動，啲景點都唔知唔到邊個打邊個，所以我建議如果唔識日文嘅話，可以唔使坐

撐船嘅途中，見到好多錦鯉好奇咁游過嚟，都幾得意嘅，但我冇嘢食餵你哋㗎

跟住去到 掬月亭，我本旅遊書話係必去景點 歷代藩主都會喺度飲茶



推介！500 yen 入場費，包杯茶同埋一舊小食，我非常滿意喎，真係好似返咗古代日本咁樣，跪坐，捧住杯茶，靜靜地望住園林景色

但如果一拉埋曬啲門，我又想像唔到一班幕府武士喺度密謀倒幕嘅場景，可能係我想像力比較豐富



飲完茶，可以喺屋裏面周圍行下

好鬼得意