夠錢買又仲未買樓既你，係咩原因未買？

係咪真係跌根本就冇人知，但每一個月都要交租就係事實
假設有150萬，就算做定期5厘，都係得75000一年，最多cover 半年租，萬一美國減息，仲要無呢個息口，同埋減息會刺激樓價

係呀，乜都有機會嫁，聽日台灣有機會射支飛彈過嚟添

一諗起要供25年 又唔肯定自己可以呢25年都有工開 邊夠膽買呀

交租係事實
咁比息又係唔係事實

唔睇好香港前景

人數不斷減少、出生率下降、外國搶人材等等因素，導致需求不斷減少

相反，供應不停增加，明日大嶼、北部都會區、以及一直以來都擁有嘅新界土地不停開發

中四經濟學都解釋到，需求不斷減少，供應不斷增加，價格就會跌

當然最重要嘅係自己都可以返外國住

其實都可以發展下呢個領域
租名牌車揸下

你要計埋alternative asset(e.g. S&P ETF) 未來個growth夠唔夠cover返租>mortgage interest

會計角度唔係唔好，不過主要focus on已經發生嘅事，淨係用會計角度做財務決定會有盲點

你諗野有盲點。你句野assume緊買樓就要將大部份甚至全部儲蓄擺落首期。另一個可能性係可以將一部份做首期九按買樓，另一部份做其他allocation。買樓同投資其他資產唔係二揀一嘅問題，係allocation嘅問題。

咁你聽日都有機會被車撞死添？

分享下自己對買樓睇法

如果無打算短時間離開香港 如果比到首期 其實買樓點都好過租樓

我相信一般家庭 尤其是上車客 大約買樓個價錢都係800萬樓下 甚至乎可能再平d 600萬樓

假設 600萬樓
拎2成首期 120萬 借480萬
而家每個月大約供21000左右
大概1萬係本金 1萬1係利息

而之前低息環境下
其實供16000 17000左右
大概1萬1係本 5000 6000係利息

簡單d講 可以話用利息果部分既錢 去租樓 而本金就係當儲錢 試問5000蚊點租到一個2房單位？劏房都租唔到啦

當然買樓會牽涉好多其他成本 例如 釐印費 日後大維修 地租差餉 管理費

但買樓其中一個最大既好處係 可以用一成既首期 去槓桿10倍價值既野 而且仲要低息 當然你既收入要過到壓力測試

而你拎住120萬首期 再加20萬釐印費 140萬 一般人既投資回報一年最多10-20% 你賺到既回報最多係拎黎抵銷你既租金 再每年袋幾皮野落袋

我承認如果你有好多資金 例如500萬Cash以上 而又係全職炒家 or 股神 確實你將呢500萬Cash放係其他投資產品上 係好過買樓既 因為流動性高 但試問一般打工仔 無父幹 又點會有500萬Cash 而且你既心理又承唔承受到將500萬投資係比較容易波動既投資產品

但老實講 香港投資樓既成本係相對較高 同埋始終樓既流動性 係相對較低

但如果你唔諗住移民 而又會係香港落地生根 確實自置物業係好過租樓 起碼唔洗2年搬一次屋 已經煩少好多野

呢個post一直討論given有本金買樓嘅前提下，呢一刻應該買樓定租樓好。所以你個問題最少都要俾多個資訊先有得討論，就係如果一層樓50萬就買到，你assume個租金會係幾多先。

假設租金冇變？咁你就要有個極有說服力嘅原因話到俾人知點解樓會由幾百萬跌到50萬但個租可以唔跌。如果呢個情況真係出現(which我覺得冇可能)，咁當然係買樓。

假設租金回報率不變？一層50萬樓，俾夠你5厘都係得兩千蚊個月，到時買樓到租樓一定有思考空間。

買唔買樓其實係個人決定，冇話邊個好，但我想指出嘅係諗野要全面少少，諗啲唔諗啲好易做錯決定。

樓上果堆就係放大個利息同其他支出。

租客唔買樓去租樓，銀行係多業主140萬，但租金收入加快業主供完樓既時間，幫業主慳左利息，e.g. 本身按30年每月2萬，因為租出去每月收萬6，15年就供完，咁都唔係業主賺，唔通租客將投資賺到既錢用嚟交租就代表有賺？

以上呢個case 已經係講緊個租客一年要俾19萬租，如果140萬去投資要有14%回報先有錢賺。

可能仲有人會話每月有人工出架嘛，我當業主租客每月都有40k 人工，租客因為投資cover 到月租每月儲30k，業主因為供樓雜費只可以儲10k，15年後租客會多業主360萬唔計中間既投資住。

15年後：
業主：0 + 180萬+ 600萬樓
租客：140萬+ 540萬 + 0
未計業主同租客15年間儲錢去投資既回報
或者業主要大/細裝修既支出
或者樓價既升跌

所以自己計過條數，自己會知點做決定，唔係笑一句話人地無諗過本金同利息支出就算。

租客係多業主140萬

600萬樓想租出去收萬六

咁樣計雖然有點簡單

先唔好講層樓係升定跌 但你呢個Scenario已經假定左租客係連續15年用140萬既本金做到淨回報14% 而就算層樓唔升 每年通漲2-3% 點都會有 加上業主如果加租 租客既投資回執就要高於14%

梗喺咁計啦，唔咁計樓上一堆人又會話我係AA叫人買樓放租架啦，明明租樓點都係幫緊業主，都話業主無賺。總之佢地眼中做jojo 一定好過買樓even 長留香港

第一城賣緊幾錢，放租幾錢有無去睇過？

睇到嗰度已經可以唔使睇

有樣嘢叫雙贏，唔一定係某一邊贏晒

當然$6m呢啲低價樓就最好買…. 但係再上就

無人唔俾雙贏，但講到業主無著數就係吹大左囉

岩岩睇完成交
五百幾萬樓都係租萬一二渣wo
你放萬六人地一定租？
不如直接話600萬樓三萬租比人啦

我上面講左幾次計得掂有需要就買，睇淡或者唔急咪租，但班盲淡就唔接受，租租一定贏咁

借八成又好，借九成又好，加埋按揭保險條數去比較會全面啲

同埋樓市可以10倍槓桿，根本唔存在，係啲AA用嚟呃啲傻仔

得架啦得架啦，你啱，差100萬，我計錯