另外，此po唔會提及任何人名或者玩家姓名
啱啱見到個話開返跑online好唏噓個po真係笑撚咗出嚟，話咩少人玩
我依家同你講，少人玩唔係冇原因
首先隻game除咗外掛之外仲有樣叫後台，咩叫後台呢？簡單啲嚟講，入到後台嘅人基本上同官方一樣，係可以入到隻game嘅database
啫係入到後台嘅人係睇到晒玩家資料，官方睇到咩後台佬就睇到咩
雖然佢依家加咗個電話認證，要你download個垃圾app先開到ac，不過其實係有方法bypass個電話認證，點bypass唔講，捉到都係會俾人ban
同埋啲後台佬（而且啲後台佬本身都分別有幾班人，唔會知係邊派嘅後台佬做）係可以任意派裝畀人，甚至係可以del人裝，上年夏天嗰陣已經有幾個課咗幾十萬，收藏排行頭一百嘅玩家俾後台佬del裝，跟住嗰幾個玩家去同客服講，你哋估下客服答咩？我用圖答你
（Source：玩家公海）
情況就好似你俾人搶咗嘢，你去報案，跟住你得到嘅回覆係：「你自己搵返個賊，叫個賊還返啲嘢畀你囉」
--------------------------------------------
仲有就係上年嘅日蝕活動，去到7月28號嘅下午6點左右，有玩家發現喺玩活動嗰陣得到嘅貢獻點數出現異常
（最右邊嘅數字係貢點）
而依個異常又係後台佬搞出嚟嘅，戲谷唔單只反應慢到要幾粒鐘之後先熄ser，仲有啲負咗貢點嘅玩家係要等足幾個禮拜佢哋啲貢點先回復正常
貢點本身係用嚟換活動金幣嘅，300點可以換1個，咁估下嗰啲成千萬貢點又喺熄ser之前換咗金幣嘅玩家下場係點？戲谷乜柒都冇做
而且個活動頻喺熄ser之後係要等到下次更新先開返，真係好撚on9
-------------------------
仲有隻game依家係有勁多支那人玩，因為本身幾個月前傳聞超級跑跑（跑online喺中国嘅ser）會再開返，所以就有一大班支那人過嚟港跑
而我哋嘅童年回憶跑online嘅科技水平都停留返喺我哋童年，去到2023年文字都係用Big5做編碼，搞到啲支那人每次講嘢都會變成咁
（除非你轉你部電腦個編碼去GB，唔係嘅話你唔會睇到佢哋講乜，但係你轉咗GB又會睇唔到正體字）
隻game個大聲公不時就會有支那人、台灣人同香港人三方混戰，一邊屌人台狗一邊屌人台獨一邊屌人港仔，隻game嘅社交環境真係好撚美好
--------------------------
仲有就係魔改嘅問題，原本韓跑絕大部分裝備都係可以無課拎，只係需要你每日都玩十個鐘先拎到
但係嚟到港跑，大部分裝備都係要課金先拎到
喺日蝕活動嗰陣，韓跑原本係有個任務叫「墮落的童話書」，玩家打晒啲任務就可以拎到一個叫「墮落的希望碎片」（下稱墮綠）嘅道具
咁墮綠可以連同其他五個墮落的乜乜碎片一齊換一個叫「阿努比斯」嘅嘢，總之就係好有收藏價值嘅裝
但係港跑唔單止收起依個活動，仲要玩家課金用310點買1個袋抽，有玩家係慘到咁樣，永遠都拎唔到件裝：
（Source：玩家公海）
--------------------
同埋仲有就係兩個月之前嘅新年活動，佢有個抽獎板系統，基本上就係要玩家用活動幣去刮板，刮到大獎就去下一層，總共有15層，每上一層仲要多一粒金幣，無課基本上係冇辦法抽到上第15層（除非你好運過開司，每嘢都㩒一下就中大獎）
嗰期大獎係一隻叫黑虎嘅寵物，基本上得觀賞價值，不過都係有啲長期課金嘅玩家課金買幣去拎
但係喺啲玩家用咗幾千點買幣之後，戲谷冇耐就話因為出咗少少錯，推出咗一個叫「黑虎轉蛋」嘅嘢，而且每日總共14日免費送30個幣，每用一個幣可以抽一次
結果就係好多玩家喺依14日入面都免費抽到原本要原本課金先拎到嘅黑虎，一個課咗金嘅玩家日日喺公海屌鳩戲谷，但最後佢嘅聲音都係俾戲谷無視咗
----------------
同埋就係最近嘅冥府公司活動，依個活動喺韓跑原本有好多裝都可以免費拎，包括兩套共八件，俗稱新紅藍火嘅裝
點知戲谷又收埋，要你課金玩一個叫「幸運秘寶大冒險」嘅垃圾抽獎機，如果你要抽齊兩套，分分鐘要成一萬點，我當3.5點等於1蚊，啫係你要用兩千幾蚊要抽得齊
而且依個濕鳩大冒險係冇補底，以前嘅勇者之塔都話有盡頭，但係你玩依嚿嘢黑起上嚟真係抽到抽破產都抽唔到，佢仲要擺埋以前勇者之塔嗰堆課金裝入去，表面上係益啲以前抽唔到嘅玩家，實際上就係又呃撚完人錢扮益人
-------------------
要數臭依隻垃圾game我仲有好多嘢可以講，見到佢係咁派點就證明佢就嚟撐唔住
但係我要好坦白咁講，依家嘅跑online已經唔係以前嘅跑online，依家嘅跑online真係好撚噁心，唔好見佢派下點就down返嚟玩，你會後悔
呀唔係 先挽
講兩講頂多玩一兩場就算架啦啲人