睇完正義迴廊,你認為個肥仔到底有冇罪

你覺得80 幾智商會蠢成咁
分明扮
d 7歲小朋友都唔知幾精

一定係扮啦, 佢前女友有樣有身材好唔合理

點解會拗有無罪？
現實同拍戲都有講佢係有罪，只係唔係老謀。

佢係有非法處理屍體罪，判左一年，只係套戲無交代肥仔其實審訊其間坐左超過一年監。套戲個timeline 超級濃縮啫。

套戲講肥仔疑點都指向佢係知情而且有幫手處理屍體，但係老謀真係好牽強。肥仔無殺周老豆老母個動機嘛，佢智商低又唔係變態，又唔係反社會，殺人又無直接或間接利益，無可能話佢謀殺。而指證佢謀殺既証據，又全部講得通，除非現場有其他人，如果唔係邊個敢咬定佢有份謀殺？

戲里邊陪審圈自己傾都認為佢無罪，都好清楚。而事實係，真實法官係會引導陪審團去判案，咁一致通過佢老謀不成立，更加清楚。

就算套戲個d 會計清單拎到出黎，個結果應該都無分別。肥仔都會話係周叫佢記賬，都係証明唔到佢係有份謀殺。

1）IQ84 係屬於正常range嚟（IQ喺bell curve【正常】嗰69%入面）
2）去YouTube睇下原型嘅專訪，佢講啲有邏輯嘅嘢嘅時候係有啲肢體語言（會跟住舉例，左至右排列，歸類），仲要講得興奮唔記得咗繼續扮隻手有缺憾
3）原型做過幾份主任級嘅工，靠祈禱學識打字（來源：東方）

謝臻麒又指，其實他只懂簡單的電腦技巧，但可在一分鐘打60個中文字，50個英文字，他解釋自己是在教會工作時花了兩周學習，最初不懂，但祈禱後即學懂

會投有，但係尊重陪審團結果

其實佢邊可能冇罪主謀所有野一定係周凱亮架啦，動機所有野有齊晒，但如果周凱亮係主謀，佢會唔會唔搵埋肥仔幫手，一個聰明一個蠢，聰明果個會唔會自己一個人殺兩個咁麻煩唔搵幫手，如果唔係搵肥仔幫手駛鬼去肥仔屋企殺，順便叫佢處理埋，周凱亮殺完就去睇醫生，如果兩條屍冇人處理你夠唔夠膽唔理就咁走左去，肥仔可能真係蠢唔識分，但佢點都冇可能唔關事冇幫手

呢個身形殺兩個人

所以最尾咪判咗佢一條阻止合法埋葬嘅罪囉

佢自殺未遂呀on9 搞到腦部受損呀 點後天

其實好唔明點解咁多人吹奏

智力測試要做到唔合格有幾難

再用套戲嚟講肥仔可以記得曬周凱亮做乜但一講到自己就唔記得，話佢唔係扮蠢都沒人信啦

我見過個留言
我都唔明點解周凱亮仲會有frd走出嚟認係佢個frd
亦都唔明佢咁堅持要拉埋謝臻麒落水做乜鳩

真實肥仔除左行為上”扮”有智力問題外
我諗最重要係有2個專家證人證明佢智力真係有問題
就算陪審團唔信佢智力有問題
法官都要佢地default左肥仔係智力有問題先

其實智商80幾唔等於弱智，因為正常人水平智商90-109，而80-89屬於中下水平但唔係弱智，所以佢只不過比正常人低少少並唔係弱智

單嘢我信肥仔有份參與，但係應該係被逼，始終佢都冇不在場證據

成套戲反而我有另一感受, 究竟D陪審團係唔係真係咁閪, 為咗趕收工好似根本無認真自我考慮

照咁睇應該係考完會計之後先自殺未遂變智障啦下話，不過就根本好難prove到佢OD完之後係咪扮弱智

你咪就係已經活生生嘅例子

會計level2

冇話佢弱智，而係智商明顯較高嘅周指智商較低嘅肥仔lead住成個謀殺計劃，仲要係殺對肥仔無好處嘅對方父母，合理推論上係唔能令人信服

肥仔比周迫佢殺，（個人認為不過冇証據）因為佢好怕周，所以唔敢拒絕周被逼

睇埋deleted scene你會知道so辱華好多那炸招
好難唔相信冇教肥仔扮嘢

肥仔個ex出嚟話肥仔之前係佢屋企門口瀨尿，就算急都唔去，結果出咗庭搭的士急尿又識停車話去廁所。。。

到底佢扮定係。。

佢自殺前記憶無問題
自殺先記唔到

無pw係藉口
真既msn對話歷時一定好長，點扮到咁多

單純以罪嚟講就一定有
只係重與輕嘅分別
犯罪地點係佢屋企嚟
點會咩都唔知
至少點都有非法處理屍體啦
同埋
「如某人犯可逮捕的罪行，而任何其他人知悉或相信有人已犯該罪行或另一可逮捕的罪行，並知悉或相信他有在確保罪犯就該罪行而被檢控或定罪方面可能有關鍵性幫助的資料，但接受或同意接受任何不披露該資料的代價，即屬有罪，如循公訴程序定罪，可處監禁2年」

同埋現實中接觸過iq 80幾嘅人
根本都唔係咁
同「正常」人差唔到幾多
但唔知係咪同大腦受損有無關係
套戲拍到佢好似嚴重弱智咁

不過討論有無罪都無咩意思
呢套戲我睇到嘅係
所有定義有無罪嘅嘢都係「人為」
包括法律、陪審團、法官、檢控官、搜證人員等等
反正都唔會完全還原到成單案係點
咁所以真相係點其實係咪真係咁重要
呢個世界邊有正義㗎