睇完正義迴廊,你認為個肥仔到底有冇罪

我估跟據庭上的證供（買刀, 警方供詞），如果信佢有參與就等於謀殺，唔會有誤殺的可能性

我覺得肥仔係告唔入，主要係律師show到

1）佢份口供似迫供
2）個人似弱智（有專家證人證明，加埋前女友話佢自殺後低低地）
2）本notebook 內容佢話係周凱亮寫上去屈佢，就算佢係講緊大話，但足以構成合理疑點

肥仔要入到罪主要係靠差館落嗰份供詞，加埋有一啲旁證例如一齊買刀, msn紀錄，筆記薄寫低殺人的process, 但呢幾樣野都俾佢反駁到或至少有合理疑點。所以入唔到罪似乎合理。

至於周凱亮唔可能20分鐘殺埋人加分屍，最多只係有可能有第三者在場，不過第三者唔一定係肥仔

就算證據確鑿都好，只要陪審團係同情你，都可以判無罪
所以政府先唔俾任何同19年示威有關既案設陪審團

誤殺係未要proof 到殺人個陣佢係現場先有機會入到.
唔係點證明到佢係誤殺, 所以入唔到謀殺都好難入到誤殺.

一定係呢套
其他垃圾到不得了
包括比連登仔吹捧既飯戲攻心

唔止連登
好多電影人都吹捧
唔係唔好睇
但正義真係好正

主要可能係正義迴廊係真人真事改編
少左發揮空間,只要做夠資料搜集就夠
所以佢搵d演員都唔係d咩出名演員

但飯戲攻心真頂唔順

佢有冇參與都係合理疑點啦
同埋睇上面有人post youtube講番
要接納第七份口供根冇就荒謬
連邊個殺邊個都唔夾
點可能接納呢份口供
冇呢份口供根本就冇證據證明佢參與

要知道的係 警察有晒cctv證明張係度
但反而冇任何證據證明肥仔係度
呢個已經係一個好大疑點 肥仔當時係邊？
警察有料唔會唔拎出黎 反而警察根本搵唔到料 先錄足七份口供迫到個傻仔認

有人話個傻仔係假傻
假傻就應該死口唔認啦
唔認根本表面證供唔成立 告都冇得告

太看輕了吧
做夠資料搜集就夠
用咩角度切入，抽取咩主題，出嚟效果可以差天共地

唔呈上庭係因為警察當時唔覺得呢疊野 "有用"。

處理屍體就一定有份，問題係有冇份殺人。

其實識會計LEVEL 2 =/= 佢唔係低能
會計係D 好死既數黎者, 唔洗用思考, 跟死D RULE 做就得.

你最多話佢唔係咩都唔識, 但同佢係唔係扮低能中間就有灰色位.
套戲入斫有專家做證就proof 左佢係理解有問題. 但要打散個專家都唔係咁易.

個個位都估留個空間俾人諗佢係未扮者

呢點其實都肯定係搜證方面的錯失。
應該呈上庭，係咪真係證明到咩，或者係咪有參考價值，上庭後由大狀/主控/陪審員/法官決定。

謀殺或者誤殺都一定要在場。
不過謀殺就要proof到有動機同預謀，而誤殺就唔駛。

不過如果買刀, 處理屍體筆記同MSN通信紀錄都俾佢spin得走，就真係入唔到謀殺。

牌面睇我就覺得佢有預謀的可能性係多過冇，但當年仲係疑點利益歸於被告，寜縱毋枉，所以都明點解陪審團放生佢。

因為你呢個留言，專登襯disney plus上時睇多次 ，會計試卷其實係有兩份：



第一份係俾班差佬留低係案發現場個份 2006年past paper, 日期係2010年9月25號，署名係Angus Tong Man Kei , 攞84/100 分



第二份係俾班巴基細路攞嚟畫公仔既2008年 past paper , 日期係2020年5月6號 ，署名都係Angus Tong Man Kei, 攞72/100 分

由此睇導演同編劇做鳩肥仔既意圖十分明顯，直頭明示佢係有份參與謀殺

我唔知點解你可以咁大聲話輕度弱智會識做二級會計考試既數，仲要攞咁高分，有常識既人都會懷疑呢條友係唔係扮弱智

不過我記得當時討論區都好似係大多數人認為肥仔有份策畫殺人，呢個算係主流意見。

但係份野唔係佢變低能之前做架咩？佢係自殺未遂先變到低智商

冇留意個年份要睇多次先知個時間線

第2份應該都係2010年。

無罪啦 無野證明到佢有謀殺
最多只係證明到處理屍體

一大堆證據, 話自己白卡就全部打甩哂

其實冇咩可能一個新手(零經驗殺人)
可以一挑二再氹到肥仔幫手分屍
再可以咁老定去睇急症
連環殺人犯都要由單目標開始練起
單靠FF同臨場發揮推論細佬單人行兇太誇張
再加上見工最後嗰幕其實係講緊肥仔可以主導同影響細佬做一d事(見都唔見拉隊走)
所以依套戲分析,戲入面嘅肥仔其實係同謀

如果鎖左門, 先突擊殺老豆, 然後再殺較弱的老母, 未必唔可以一殺二。
至於可唔可以咁鎮定去醫院..... 佢咁樣殺老豆老母, 根本都顯示到佢唔係正常人。

不過我都傾向相信肥仔有份殺人。

2010 自殺後

其實我唔知有冇記錯
肥仔自殺後只係記性差 冇話變咗弱智