[新office] Pomato 小薯茄及全新男團FINALLY 討論區 (20) (冰/童/英/J/富/蚊/朱mic)

麗英出獄出浴片

童童箍緊牙？

4月1每一次都幾正
不過都係富哥個版本比較深刻d

我鐘意J冰版本
可能係第一次用四月一日呢個題目，加上有上下兩集所以令我深刻啲
相比之下富童就比較平淡
朱英開始為虐而虐咁，同埋冇咗愚人節呢個重點

見到片尾嗰個以前嘅J哥有啲感慨

以前J 哥冇咁多包伏好笑d

其實富英果集都好正

想比啲意見小薯茄：

可能一年只有一集的關係，劇情比較趕急，朱MIC 由响OFFICE 借D意八麗英感情事 到關心到要上屋企個推進我覺得好似舖排唔夠，戲入面的時間線係一年後，但觀眾睇唔到佢地一年裏的感情推進，前段比我個感覺朱MIC 好隨便去溝去Flirt 仲話咁快上埋麗英屋企煮野食（呢頭SEND錯MESSAGE 果頭就到有D唔合理，如果有個影住時間的過場更好）

不過海傍段戲朱MIC 做得幾好，幾入戲，麗英演技就當然無話可說啦 ，不過上集個爆發太好今集相對無咁大驚喜

如果繼續拍，不如考慮下創建四月一日宇宙，每年四月一日出一集之餘，平時在IG 貼少少主角們之間嘅軼事，咁樣好似海賊王每一話之間，有一格漫畫講其他角色在其他地方嘅際遇咁，幫佢地個故事推進到下一年，大家又真係睇住佢地感情昇華，咁下一年佢地個感情變化就再有說服力D

BTW 最後J 哥同阿冰似又起波瀾，似乎唔會配對晒幾PAIR 人就結束，唔知會點發展呢

係少少突兀
普通同事又突然上屋企
中間好似skip左一part咁
如果有更多build up就更好
同埋突然煮到咕嚕肉菜心好似唔係幾make sense?

前段朱英對答少少唔自然
但去到後段海旁演得幾好 朱mic演技有驚喜 （麗英一貫演得好
支持拍落去

都正常既，佢哋做演員其實要不斷有新嘗試先健康
停留係大將軍既階段對佢唔係一件好事

係，前面對答有啲生硬，唔及佢兩個做趣劇時咁自然

佢地包伏大左都係正常既 channel做大左又要養多左人 佢地都大個要養家 時間過得好快大個左就係越黎越多包伏

阿J哥個表情

我覺得J哥越嚟越好睇喎
好大進步

下年4月1補拍返一啲朱mic麗英嘅一啲感情基礎會唔會好啲

同意，真係進步左好多，同埋好surprise啲人話佢多包伏佢係拍少左膠片嘅，好似以前咸濕笑話嗰啲，不過佢玩game係放左好多，啲懲罰片佢真係最撚鳩

可能係對白唔夠人性化

今次唔係淨係阿富寫，Judy 都有份

似日劇

去朋友度食飯睇左集粉絲福利署，童童真係好charm

多謝支持
記得睇埋星期一730

唔知阿Ben去日本拍咩

自己唔太鍾意今日個1/4，一來條橋扭幾次，有啲為扭而扭，二嚟啲對白比較堆砌
同事一嚟上屋企都算，入屋仲要煮啲九唔搭八嘅嘢，然後坐床邊為咗畫面就搞到坐床咁，海濱爆發個到演員雖然情緒有戲，可惜個filter YT 睇搞唔掂之外，明明上年麗英虐心個下入心好多
追幾個片段式浪漫場景畫面咁但個flow 同節奏都好出事下