[AROHA] ASTRO 討論區(76) - 7週年粗卡(Feat.牙俊支咪)

原來台霉有報
https://youtu.be/Et4jA_rszCU
https://youtu.be/LWvCHfJcNWc
https://youtu.be/r3xmlQ7cBAQ

咁又要諗下
等緊你講續唔續，等到都癲癲哋
但你又若無其事，一直深潛
到一上水就講你細佬嘅嘢
我當刻以為佢續咗添呀
當結果係相反，自然惱羞成怒

你一早諗住唔續，就算俾你用，你有自己IG唔用，走去用共用嘅twitter 係咩意思呢

我就真係覺得唔o囉

仲係__隊友
一日隊友，一世隊友

有呀
希你個團同我哋團都好好發展，仲有得追吓

退咗團只係變前隊友

無錯, 只有時間可以沖淡

……假如阿石離開霉團之後唔係轉簽其他公司而係唔再做idol, 咁我會尊重佢決定同埋諒解佢

真相得佢地兩個自己先知
(可能其他幾膠都知嘅)

其實邊個知last day幾時？

佢係唔係俾人突然炒都冇人知

件事都完咗

何必再話佢？

或者只係當俾多個角度自己思考
減少自己嘅盲點
少d同人有衝突
自己都會開心d

其實我都唔知

依幾日我係度諗緊

如果真係對一個人好/鍾意一個人
都係想佢自己開開心心

雖然未必會好似想嘅發生（例如對方都係遠走高飛）
但都係佢開心就夠
心存祝福

作為fans
Idol唔開心，已經係無能力去保護佢/幫佢
佢依加俾人蝦
無論係自私攞嚟定乜都好
何必加多腳

宜家唔話得佢？
囉哈間講都唔得？

你可以唔提呀

你話推阿妹冇人話細佬有人話，我先解釋我覺得兩件事唔同嘅地方

我唔知佢時last day 但佢完約係23/2
當然細微到佢可唔可以用Twitter 我唔知，但佢咁用合唔合適？

至於件事係咪完呢？
我考古會見到佢
聽歌會聽到佢把聲
佢最後一次嘅舉動，令我睇佢嘅方式以後都唔同。
與其話係話佢，不如話我訴緊苦，可惜佢咁處理件事

應該唔會話突然炒魷嘅, 話晒佢又無大錯
ka絲又唔係話佢嘅, 不過指出佢做得唔好嘅地方啫

有時候愛之深責之切, 責備佢唔等於唔幫佢嘅
不過去到人身攻擊或者無理嘅謾罵就梗係唔得啦
就算佢仲係咪霉團一份子都係咁話

ka絲你話佢都係為咗佢好, 明白嘅

https://twitter.com/astro_staff/status/1631482022689423360
https://www.instagram.com/p/CpTsnuiS8Z9/
https://www.instagram.com/p/CpTsxIaBIRr/

大家當然可以話佢
不過，我都可以有我表達我言論嘅自由

但我好明白
搞成咁大家唔開心
所以我好明白大家嘅唔開心

因為我都好唔開心

我諗我應該脫飯算
追星追得唔開心
唔想再追

已經講過好多次脫飯
再唔脫
我自己都過唔到自己嗰關

自己情況自己最清楚

追星求fun，如果唔開心咪停下囉，又轉頭可以再追過，唔使諗咁複雜

自己唔開心都需要時間康復嘅
時間長短都係因人而異
可以趁呢段時間分散自己注意力係其他地方
關心自己嘅情緒健康更重要
或者遲下見到佢哋各自安好就會釋懷一切