AI繪圖生成漫畫只需1小時，有齊對白媲美大師作品

唔會發展到所有野一式一樣， 反而會出現更多高質，有趣嘅畫風。

好快會有新職業係專門訓練AI畫風嘅，然後成為公司嘅assets去gen 冇人見過嘅圖。當所有野一式一樣果時就自然會有商機。

甚至係個小說作者直接gen張圖出黎叫你照住畫

首先好多人其實唔係要一張90-100分嘅畫，反而因為AI gen出嚟成本太低所以70分佢哋都收貨
而家好多人由搵插畫家畫，變成自己搵AI gen圖（特別係啲網絡小說家），所以連「搵插畫家」呢樣都冇埋
第二就係好多人學畫畫係因為「想畫出自己腦入面嘅嘢比人知」，而家AI就做到係會淋熄一啲人
最慘係啱啱起步兩三年仲摸索緊嘅，見住AI出圖又快又靚（佢拎最勁堆人feed，畫五年有個嗰水準已經好好），真係會迷茫同懷疑有冇必要畫落去

你話比人搶job，但繪畫圈其實成日出免費教學培養後輩所以我覺得呢個唔係主要原因
係比人偷咗你啲嘢去賣仲要搞返你轉頭

以前啲畫家多數有貴族/教廷比生意佢哋做，畫一張圖係以年計（同時畫幾張，收一堆徒弟幫佢哋畫），更加唔好講宮廷畫家個堆

你已經描述咗以前畫畫個市場有幾細，會比生意你做既可能方圓幾百里可能得一兩個，每單生意就做成幾年
你好彩做到大師徒弟（aka貴族出身/有相關人脈）咪有得賺囉，普通平民返鄉下耕田啦

慘嘅係又唔係個個畫師都係咁，佢哋講嗰啲藝術家性格嘅人可能真係做art 嘅嗰啲人會比較多，平時做商業畫嘅人唔多會咁，但佢哋就要撈埋一齊講，更慘嘅係嗰啲佢哋講做art 嘅人大部份都唔會點俾ai 影響，因為佢哋本身係靠人脈交際搵食，最後受罪嘅係嗰班想搵餐飯仔嘅商稿畫師。

要練啲話sample size都好重要，公司做完圖之後可以放少啲上網， 又或者用多啲另外嘅媒介發表？例如紙本，product等等， 令到學習成本提高。

但以前科技無進步得咁快，取代過程可能要成幾十年，咁d人都有時間適應，但宜加係十年ai 畫畫level由弱智變大師，d人根本走唔切（學過第二樣野）。

而且，農夫唔洗點學就做到，enter cost唔大，所以去其他行業都唔太蝕；相反，學畫畫可能要學好幾年時間，投入左呢幾年時間/金錢，到啱啱出嚟做野嗰陣時就要即刻俾人取代，可以話係total lost。

叫ai 跟小畑健畫風畫

個堆酸民就係屌緊堆同人/商業畫師
我自己+身邊接稿稿嘅人其實都係有啲麻煩嘅藝術家性格
比如個下心情唔啱就畫唔出/畫唔好，但心情好可以一日畫十幾個鐘
中意嘅嘢會有心機啲，畫麻麻哋嘅job就可能會拖稿
撇開呢啲仲有好多人成日暗中不滿「點解畫師淨係同畫師交流，係咪睇唔起人」
（其實只係會多啲嘢可以傾，唔通我同你講冷暖色調明暗關係咩）

得啦得啦
單機啦返大陸啦

最慘依家AI畫唔係十年， 係半年咋

鏠合怪 抄襲撚

咁係慘呀嘛話佢慘都唔得咩
咁惡嘅咩
車伕做咗幾十年要佢轉型都好難啦

自己都有畫開畫，好明嗰種睇心情先畫到畫嘅感覺，同時又有啲Impostor syndrome，懷疑自己能力，所以一直唔敢入呢一行，廢事害人。

都唔係cosplay行業既問題，講緊所有真人都已經無用

你睇咩廣告，睇youtube，睇電影，可能都唔再需要人

你上ig facebook都唔會再見到真人，全部都係ai後既自己

自己係咩樣已經唔再重要，全世界都係鬥個skin幾靚，行路有effect啲光閃閃下

你第一日上連登？

唔認同上面兩位觀點，雖然話就話係科技進步，啲畫家電繪夠係比傳統手繪方便，但畫畫最核心既都係講畫功，美術知識，風格etc...
如果本身美術底子強其實電繪手繪只係媒介既分別

但依家AI 係將人地既作品集合哂再gen過一個新既作品姐係當係加強版既臨摹

然後再拎去賺錢，其實好存在道德爭議

有心搞 要大量source有幾難
d出版商 專門請成個部門
日畫夜畫唔同風格交俾AI都得
搞好左無限出漫畫
睇到讀者嘔都仲得

雖然科技發達係好，但咁樣搞到好多人失業/搵少左

首先好多人其實唔係要一張90-100分嘅畫 一拳超人咪例子
個作者唔係搵到村田雄介畫點會咁hit
你係個作者緊係想個插畫家畫到好似鬼滅動畫咁靚啦
第二就係好多人學畫畫係因為「想畫出自己腦入面嘅嘢比人知」
宮崎駿隻龍貓咪幻想界天花板 AI點gen
最慘係啱啱起步兩三年仲摸索緊嘅，見住AI出圖又快又靚（佢拎最勁堆人feed，畫五年有個嗰水準已經好好），真係會迷茫同懷疑有冇必要畫落去
唔好玩啦 大把技巧要學一世，咁易唔畫都係收皮算吧

係比人偷咗你啲嘢去賣仲要搞返你轉頭
個個漫畫家都睇過死神 班人學佢畫風又係唔係抄
唔通我gen晒成個死神漫畫落去我就可以做到久保帶人?
BURN THE WITCH(久保新作)你去睇下就知咩叫同一個樣 更加吸引嘅劇情
妖尾個作者套套個樣都係一樣 劇情唔吸引你又會唔會睇

會唔會整到個密碼係幅圖上面，類似水印咁，但有呢個水印，個AI程式就唔可以直接用張圖黎做data base，要同畫主拎密碼先餵到比個AI程式，雖然好似已經遲左

主要要好難證明，只要唔公開個database，點捉。