AI繪圖生成漫畫只需1小時，有齊對白媲美大師作品

無錯 AI 而家相當於二次創作
玩得耐左 (我尋日第一次玩 玩左一日) 好快會發現
唔同AI模型 其實都係會有自己明顯的風格
而個風格 取決於深度學習的原始參考庫

咁當然 人類學習繪畫 其實都係由模仿開始
不過仿下仿下 人類會開始有自己的創新
特別係大師 其見解往往開拓一個新時代
AI 對行業的影響 可能是 汰弱留強
最後 只有真正的創意創新 才能夠打贏 AI

問題 咁如果有朝一日 連AI都識創新呢?

希望係無格版

你其實可以試下咁諗, 藝術係會昇華到另一個層次,

例如而家電影/動畫/電視劇既結局係單一既, 導演/作者覺得個結局係咁就係咁, 原因係無理由要搵演員拍十個唔同既結局出黎, 到時2000蚊睇場戲你都唔會想睇, 有左AI大幅減少左多重結局既成本, 咁呢樣野就有可能發生

再科幻少少, 其實而家好多時已經開始講緊觸感/氣味既技術, 加埋VR, 將來可能就唔係就咁睇戲, 反而係可以參與其中一齊體驗個故事既進程

如果咁堅持每樣野都一定要係人做既, 劇本要100%人逐隻字寫, 畫要100%每一筆都係人畫, 咁有d野就永遠無機會發生

應該係 AI會取代 design realisation / representation / actualization
而藝術家要學習 把專注力放在 concept design

但係 如果個 database 唔識自己 expand
咁會出現一個問題 永遠 self-referential
咁會好大件事
因為人類社會進步
本身就係要 expand 個 knowledge database
by identifying knowledge gaps

因為個 database 唔夠闊
咁AI有無能力 在已有 database 內
自己創造新畫風?
而家仲未得 將來唔敢講

一般寫字樓工計，原本一d起草文書既工作已經可以俾ai做，但始終要有人把關。同埋點覆信呢d野，都要人俾左方向先，即係有客投訴，決定去撐定道歉都係人，當然呢d工作起碼要中階管理層去做。

而初級果班，工作性質就要轉變，可能係將時間投入去加強同客戶既關係，亦可能係轉去做品質保證，總之就係要做ai未做到既野。

用返畫家做例子，人既創作始終有價值，到時可能要法例上要跟得上，例如要寫明係人畫定ai畫，可以係2個市場黎。即係一幅畫咁，由1個藝術家畫出黎，同上網dl完print返出黎係2個價。我相信市場會調節。

至於人人係畫師係編劇，咁唔好咩？youtube 咁，只要有想法就可以自己拍片，唔洗俾傳統既公司電視台限制，鐘意就自己拍片放上去，打得中個市場就有人睇。人人編劇亦一樣，有好既諗法就可以自行創作，咁可能仲易有好野。

好同意你講法
或許 以後只有真正的創新 先會留得低喺呢行

因為目前 AI 都係 based on database 做訓練
只有畫得出 database 無既野 先可以突圍而出

同以往的大師有啲似
真正的大師 都係建基於傳統 而又成功打破傳統
先會成為大師

可能不久將來 AI 會可以做到
所有低等 design realisation / actualisation / rendering
藝術家就要苦苦思考 如何在 concept / prompts 創新

其實有少少想輸入紅樓夢前80回，叫佢根據返前文後理同情節風格寫返個結局出黎。

仲有富奸d爛尾作品，仲有d係作者死左既。

再癲d，有d漫畫明明故事好睇，但畫風唔岩睇，咁又可以叫ai重畫到岩自己睇。

所以當佢係工具咁睇，個使用空間好大。

根本冇得比
兩樣嘢價值唔一樣
你刀唔通攞嚟淨係為咗殺人唔通攞槍嚟切嘢煮嘢食
就算你人幾勁都好，只要響同AI做完全同一件事上，永遠都比唔上
就好似人跑得幾快永遠都係唔會比豹跑得快，
你幾勤力賺錢 永遠都唔夠啲有錢佬多

你幾努力去train，永遠都係比唔上ai咁快同勁，
嗰個咪開始躺平，失去目標咁，好似有錢佬同平民嘅感覺

淨係 data crawling 已經侵犯版權啦
同片10:41 你會見到個 input

你講下笑好
我而家用 dall-e
五分鐘改 prompt
出黎的效果圖
我自己畫兩日都未必畫到

好多普通顧客唔係要100分
呢句真係正中要害。。。

類比 就好似餐飲業
其實九成人都係食味精
真正識得欣賞原味的 係好少好少
所以快餐店會賺錢
但米芝連二三星好易蝕本

AI 可能係下一波商業化
會令創作門檻低好多
只有好perk 好專的畫師
先會有機會留得低

有齊背景同人嘅漫畫仲要明暗差唔多睇到人眼都痛，好似以前啲動畫cap落去做漫畫咁

無錯
從今天起 唔會再將自己啲圖放上網
俾人 俾AI 抄咗點算。。。

最恐怖的係
AI 用的是 web crawling 來獲取原始數據
即係你將作品放上網做 portfolio
俾AI crawl 咗都唔知。。。

睇得出你應該唔係做呢行。。。

crawling還crawling 版權還版權 兩樣嘢嚟
ChatGPT一樣係crawl晒成個網絡啲網頁咁滯 唔通又侵犯版權

人人係畫師，（人人係編劇悲痛位係畫畫呢個技藝被嚴重侮辱） ，係有一種假手於ai嘅不協調感，呢個商業市場同資本主義社會，我冇你咁樂觀同有信心。

都係同一個point，點解電子藝術同傳統藝術仲係有分別同有兩個市場， 就係因為技術同埋成品都係兩件事嚟，冇所謂嘅取代。但人類vs AI出嚟嘅都係電繪，其實係同樣嘅技術，咁個價值判斷就係優勝劣敗。就係講craftsmanship, 即何者技高一籌。

繪畫能力係展現緊人類嘅風格、空間、觀察世界、描繪世界、實現腦內畫面、思考邏輯、性格、掌握世界～創造世界嘅能力，但就如我所講，斷層一代人已經可以出嚟，人類嘅學習畫畫，大多數係由臨摹描繪開始，古人係畫實物，但現代人唔會由實物開始，我地冇辦法避免睇到其他嘅作品，但當我哋想做到嘅作品可以用一個鐘，甚至一刻嘅時間出到嚟，將會冇人磨練發展自己嘅技藝。

我定係ai做出嚟，會唔會躺平，技藝為何物，藝術廣義係心+技，而加我翻心，可見將來心都會被取代埋，呢何先係最擔憂嘅事。

睇咗，覺得巴打好明白個處境
真心我自己已經有固定客源同我嘅畫風唔係主流個幾隻AI嘅所以飯碗威脅性其實唔係咁大（又或者我唔畫畫都照樣有其他嘢做）
但見住唔少人因為AI而放低支筆真係好扼腕
就係因為AI個learning model近似人腦但比人腦更還原運算更快仲可以唔休息所以先咁大威脅
上面有人同我講AI都要識詠唱
但當你覺得AI要試詠唱都唔容易，咁對比畫師用人腦做到AI個水準係要上百倍時間唔係更難咩

好似打機打啲高難度關卡，過咗會好有成就感
如果你交比AI一定「有效率」好多倍（唔會走位失誤、唔會集中力下降、唔會情緒影響）但如果個個都結果論用AI過本，最後隻game只會冇人玩

之前有PO玩過

AI暫時都未接觸到人嘅五感，剩係可以靠相片黎學習，但係之後AI如果有身體呢？有鏡頭，有收音，有touch senser，溫度計，再加上同真人有真實交流？加上IOT 全球嘅AI一齊交互交流學習？

到時你肯定人類嘅創意會贏得到AI?

粉俠傳其實好冇睇

之前用midjourney贏咗外國插畫比賽條友話用咗一個月去詠唱，個陣仲要AI發展冇耐
但要真人由零開始畫到個種水準係最少十至二十年經驗+純作畫時間唔低於十個鐘
而家更加大把人一日內就識用novelAI去gen出自己想要嘅圖，甚至癲到去參加繪圖比賽
你覺得真係有得比咩

粉俠傳