AI繪圖生成漫畫只需1小時，有齊對白媲美大師作品

其實可以“使用”Ai畫圖，都係技能

呢個會唔會係近年連登最有營養
討論得黎而又唔見罵戰既po

好事嚟，以後創作就容易左
就算唔識畫畫嘅人，有一條好橋都可以整到好漫畫

創意同埋想像力即將成為重點，畫工呢一啲勞力性嘅嘢可以慢慢淘汰

概念同埋劇情將引領主流

真心氣氛算好良好，好少係一個po講咁多嘢

富奸可以不停畫hunter

想要咩劇情人設完全可以度身訂造

所以巴你覺得人類應全面放棄電繪？

我少反而加呢種技術嘅原因係，佢並唔係幫人#419

碌左下呢條thread
我覺得果個巴打講既野有佢既諗法係入面
有d 野唔係因為AI 取代左就會失去意義
只係佢令到靠果樣野維生既人有機會無左謀生既能力，但唔代表背後既人民意義會無左

一拳超人可以直接搵ai 幫手

我們是他們的奴隸

用書法黎做例子, 書法家都會話佢一筆一劃都有感情有風格可以反映一個人既內心…etc, 而家個個打速成碼倉結碼, 打完一大段Download個字體就想轉咩風格都得, 咁咪一樣道理

簡單黎講, 就係人都係睇人仆街最開心, 如果同你講AI未來20年都取代唔到畫家但今日可以取代診所醫生診症, 取代事務律師Draft合約, 班插畫家咪一樣會話「一早就應該取代晒呢班人啦, 做d野又貴又簡單」, 然後班醫生又會走出黎話睇病唔係淨係出醫生紙架, 要了解病人內心, 唔係個個做到醫者父母心, 如果求其睇病5分鐘就收錢出醫生紙行內會比人批鬥比人投訴

我明佢講乜野, AI畫圖呢樣野會影響某D人生計, 但我唔信會好似佢咁講藝術已死, D人唔再畫畫,
好似以前D人覺得畫畫愈真愈靚, 相機出現D人夠話畫畫會失業, 無人再畫,
但事實又咪有D人轉去畫印象抽象派, 有D畫家用佢畫畫光影構圖知識用係影相變左攝影even電影專業, 又有D變左商業廣告插畫, 平面設計等等

咁當然而家靠畫寫實去搵食當然少左, 但識畫畫既人對比未有相機出現反而多左好多, 只係唔再係以"畫家"既名義出現

唔明啲人點解咁抗拒ai當已經分唔到啲圖係ai定人畫嘅時候，仲執著係咪人手畫已經冇意義
其實只係自以為特別咁做無用功，而唔係去思考呢個技術可以做到啲咩

我都有提到相機打死咗寫實派但好多其他派別應運而生
同埋相機以前普及個程度同速度不可同日而語（當初啲人要影相要去影樓）
同上面巴打所謂口，係有段時間比人慢慢轉型同接受
但而家AI個速度係人手有部電腦就做到咁濟，要打死一派嘅風格亦係好快嘅事（AI繪圖先出現咗幾耐？已經玩到外國畫師search自己名 AI圖多過本人作品）

人天生會有創作慾，但創作慾係有高低潮亦需要動力，而比人讚/認同/搵到錢係其中一種
當呢類動力來源被AI奪走，係，會畫畫嘅都係會畫，但一定會少咗
呢個PO都唔少畫畫嘅人講AI係影響到佢哋想躺平
雖然創作團火好難熄，可能躺吓又會開始畫吓，但個種無力感絕對係會令到人放棄

最少目前暫時見到嘅情況係咁
首先就係審美其實係要鍛煉，九成人見到靚就OK但唔知點解靚。亦都導致我強調過好多次嘅，其實啲人只係70分都收貨，因為AI個成本係可以好低，所以你見AI gen到有bug都人都照用就係咁
上面PO過新聞講緊遊戲公司已經試緊用AI（之前都有人講過用midjourney gen concept art同AI整UI）
而日系插圖最多job就係大家成日恥笑個啲免洗手機驚，本身呢啲外包就唔會比高價同最好個個都一式一樣大波妹（即係novel AI咁）
再嚟就係個人委託，但本身已經好多人唔想出錢又想要圖，講緊想出一百蚊港紙要張全彩圖
而家佢哋一係加錢，一係就屈就搵啲畫技冇咁好的新人畫師
但有咗AI之後個個都去gen，新人自然乞食，老手都會比「本身就係偷老手圖去學嘅AI」打低
你累積十幾年心血分分鐘比人一句「AI咪又同你差唔多，收咁貴畫咁慢死廢老」

如果ai解決唔到創意同質素問題，啲作品都唔會流行落去
相反如果ai解決到呢啲問題，咁做咩要反ai？
所以你個命題係唔成立

呢個PO都唔少畫畫嘅人講AI係影響到佢哋想躺平

我諗應該係睇人?? 亦有好多畫師覺得AI好神, 不斷比到佢以前根本無諗過既創作靈感

其實我要講既野已經講哂，冇野需要補充

不過既然你問，我就響度一拼講下我既睇法

ai可以完全再現創作者既電繪，你問要唔要全面放棄電繪，我覺得係因人而異

首先我已經總結左自己對行事既睇法，如果件事，我唔係為利益出發而做，咁我亦都唔應該以利益角度而終止佢

音樂，捉棋，畫畫，我相信大部份對此有熱情既人，都唔會係為利益出發而從事佢地，有經濟收益只係副產物，為錢而學音樂，學畫畫，學棋本身就好矛盾好唔乎合經濟效益

既然唔係為左利益而做既事，就唔應該以利益角度終結，ai縱然能夠重現甚至創造出比我更好既作品，甚至ai終將能夠同步我既身心靈，畫出我所想同我風格筆工一致既作品，但畫畫既體驗始終要由我親身去感受，可能商業社會，會令畫畫既人有作品完成成品，由市場決定價值先係佢終極目標既錯覺，但佢開始畫畫既起點，並使之堅持既原點，我相信唔會呢個“錯覺”使然，畫畫既行為帶黎既一系列體驗，先係佢畫畫既原動力，ai即使對成品既表現再強，仍然無法滿足呢個原動力

所以其實我係對上面對畫畫有堅持既巴打，睇到ai畫出既作品打擊好打，覺得自己畫畫再無意義，感到痛心，先至參加討論



其實我地既行為，應該絕大部份無經濟意義至係，自我實現，自我滿足，並不一定同利益掛勾，反而我地將呢d野同經濟脫勾，會有更大既自由度同時間，我既期許就係理論上ai能夠滿足絕大部份既生產力，足以支撐我地既自我滿足行為同經濟脫勾，係好事黎

當然呢d都只不過係基於理論上既期許，實際上會發生咩事我都斷言唔到，可能如上面咁講，人類相互落井下石，先導致滅亡或者社會變得更差更唔人道至係等緊我地既未來都唔定

都係果句啦
唔係因利益而出發既行為，唔應該以利益角度決定是否終止


ai只不過係利益上既工具，無法令我地達到有利益以外所追求既體驗

工具就係工具，冇話利唔利益上。

呢樣工具能夠有效地output 到我想法嘅，就係個好工具。你要用佢搵錢，可以。單純share搵知音，都可以。

無錯呀, 所以咪要轉,
而家就好似幾十年功力寫實派同相機鬥片邊個真實咁緊係無得鬥
寫實派用佢幾十年功力既美學知識運用係影相, 點打燈, focus一樣有作為,

有AI個個gen, 上面都有人講, 畫技冇咁好的新人畫師可能可以好輕易創作到成個故事出來, 以前佢畫技唔得此路不通, 而家就有呢個可能性

其實我覺得"利益同美學"無衝突
D人用廣告吸客幫公司賺錢, 而個廣告又可以好靚

同埋掉返轉又得, James Cameron 話佢係跟住當時遊艇廣告既手法拍Titanic, 又係一樣咁成功+好好睇

AI畫係咪無layer？
要改果陣點算