AI繪圖生成漫畫只需1小時，有齊對白媲美大師作品

但係呢個係咪得背景係用AI gen

今次係

我唔識整合大量既source,
同埋粉俠傳我冇睇過內容
見到個畫風已經停左

正呀喂, AI都可以壞撚埋

但袁偉德仍然是冇得救的

其實AI係咪都可以學識港漫
例如畫風雲?

你train佢就可以, 風格唔限既

咁其實都無所謂, 我估普通人好快就會望得出
好似以前第一次見 3D rendering咁覺得好真好勁, 但而家睇返以前既個D rendering就覺得好假

而家AI未做到好精細既要求, 叫佢畫支可樂個logo都錯, 畫師暫時唔駛失業住
我睇youtube好多畫師都有用AI去搵靈感,話曬AI係有曬古今全世界D風格, AI再用自己方式組合轉換, 個畫師平時畫開日系蘿莉插圖, AI可能隨機扔50年代美國電影光影構圖風格, 而個畫師根本無接觸過呢D野, AI出D無諗過既圖都唔出奇

係咪可以多返d 2d 戰鬥啦

其實所有可以俾AI輕鬆取代既行業都係咁

即係咁，我咁講你可能覺得我講緊風涼說話

但事先聲明，我個行業都好可能被ai取代，甚至全人類既工作都必然會被ai取代

我覺得ai同機械人挑戰緊既唔係人類既工作，而係挑戰緊你所講既叢林法則本身，人類開始要考慮競爭以外既生存方向，考慮市場定奪價值以外既標準

即係話，依家有樣野已經可以滿足一切生產力需求，我地要唔要決定接受佢，放棄競爭，或者咁講，放棄為利益競爭呢？我地人類終於可以擺脫資本既擺佈，其實對大部份人黎講，應所當然係好事


就好似圍棋咁，ai一早就打贏人類棋士了
但職業棋士沒有因此而消失
呢個世界唔係最好既一批，先有存在價值，存在價值，係人本身去賦予既
人類喜歡捉棋，先會有關於捉棋既所有野，ai俾我地睇清既反而是勝負只係其次，人類依然會為喜歡既事物去行動，即使佢唔可能贏到ai


呢樣野係可以代入畫畫度，究竟我地係為工作，為畫得比別人靚，先至去執起支筆黎畫？還是因為喜歡呢？
我覺得堅持畫落去既人，都只會係喜歡畫畫而堅持，畫畫本來就唔會賺到好多錢，只要喜歡，人就會去做，或者必需要接受商品化既畫被ai取代，但唔應該係人類放棄畫畫既理由，被取代係必然發生，但發生既同時應該只係俾我地睇清功利主義，叢林法則等等前世代既野對我地既喜歡事物影響有幾大，再搵到食應該係社會，政治體系如何去迎接呢個世代既課題，理論上ai取代人類後，生產力會大升，社會資源會更豐盛得多足以供養全人類至係



其實呢樣野我本身考慮左唔少時間
我認為音樂係朋友，所以我一直都俾自己小朋友學音樂，其中有個仔，係對畫畫非常感興趣，所以都有俾佢學畫畫，而語言係交流之本，我會親身每日用一個鐘時間陪佢地睇英文原文小說，唔係學英文咁簡單，更多係解釋用字，作者意圖等等邏輯，行文上既應用

但ai出現之後，好似一切都冇需要咁
要知道音樂既器材，師資，出入時間，練習鋪排
畫畫既器材，師資
學語文既時間，閱讀編排

對我本人黎講，係極大既金錢同私人時間負擔黎

唔做呢d野，我可以好輕鬆咁去多幾次旅行，打多幾鋪機，最貴既科技產品話買就買

但諗左好多晚
ai既出現，真係我唔做呢d野既理由咩？
學音樂，係交一個陪自己一世既朋友
學畫畫，係將自己既想法畫出黎
學語文，係學會唔同既思考方式，即使翻譯如此隨手可得，但用該語言思考，有別於母語既理解及表達邏輯，係翻譯俾唔到


一切一切，個目的都唔會係為錢為利益，而係令佢地成為一個更容易達到自我實現既人，既然唔係為利益而做既野，點解要用功利既角度判斷做定唔做？

我地身處呢個社會，猶其香港，可能已經操練到我地要以功利角度睇件事做黎有冇意義，習慣性咁睇件事，但可能，ai既出現，就係令我地從呢個思考迴圈中解放

講得好好
同為創作者非常身同感受

其實巴打你講嘅係冇錯，我自己都認為學習/創作本身係有意義
但無可否認會有呢種諗法嘅人係少數
講緊近幾年我去學外語，成日比人兜頭問「有咩用」「用google translate就得啦」

你講個種AI將人類由生產力奴隸中解放嘅思想係好理想，但同上面巴打所言，應該係全部人都ready先去下一步（將生產交比AI），而唔係而家個別界別比AI逐一毀滅。同時而家只係個別界面受災，其他大眾係完全唔會明白個嚴重程度，甚至幸災樂禍
舉個例子，如果AI可以承包哂所有商業圖，畫師就唔再被需要，咁佢哋應該何去何從？啲時間可以全力放去做自己創作呢個願景只會係全民唔洗做由政府負擔生活費嘅情況下可行
（但大部份人都唔需要勞動就有溫飽亦會有其他問題，因為一定要有啲精英負責maintain，咁點motivate啲人去寒窗苦讀之後為大部分人服務）

現實而家好多畫師其實畫畫job之外都要間中去返吓PT幫補，個種做自己中意嘅嘢可以養得起自己嘅滿足感係好大。冇咗job之後佢哋可能要變返FT先支撐到生活，咁仲有時間/精力去創作嗎？仲要係人哋AI打堆字就秒殺你收工攰到仆街仲堅持畫四五個鐘嘅進度
人係有情感需要係會崩潰的

你同個網站講要求下㗎

拎埋去訓練搶生意

其實經濟上被時代淘汰呢樣野真係無可避免

工業革命後期時都有大量解纜工人，火柴工人等等等等冇左生活依靠

即使唔講到工業革命咁大規模
自動化變遷都令大量製造業，運輸業失去勞動價值

遠古d有畜力之前人類仲靠緊人力去開荒，學識用畜牲之後大量人力冇左工作機會，奴隸同販賣人口反而變多

所以我前面會話自己將會被認為講緊風涼說話，但冇可否定科技係會帶黎某行某業毀滅性影響，係你講緊果隻某個時間點對某個行業過於殘酷，歷史上係不斷發生緊

呢個係要靠社會，政治去解決
依家個社會對失業，治安變差，損害人權更無法容忍亦係事實，已經比前面d變革期好，但夠唔夠，點為之夠又另外討論了，政治體系既前進足唔足以面對科技前進帶黎既社會問題，相信呢樣野先係最大既課題，而唔係去埋怨新出既工具損害現有權益，當然可以簡中國咁拖字缺，能用人就唔用機械咁，但人權問一體兩面，能用人就唔用機械本身，就係一個集權，損害人權既表現

而因為先進既工具確實會為後世帶來福祉，就好農耕，製造業為人類帶黎既健康損害，生命消耗，比以前少得多一樣，我地無可避免接受現實，或者現在投向更難以容忍失業，人權問題既地區或國家，或者俾壓力俾政治體系，先係唯一可以做既野

一早要啦
之前睇nhk紀錄片已經覺得好撚癲
公司會提供間細宿舍比入職嘅6個男女漫畫家混合住
細到佢哋有啲新人要鋪張床單喺地下訓
前輩就有床訓
nhk登埋佢哋schedule 每日畫15、16個鐘
佢哋除咗食飯訓覺沖涼 其他時間都要一直畫一直畫
有漫畫家捱唔到想走 但唔知咩原因唔比走
總之就禁室培欲咁好撚癲

畫畫已經冇意思啦





呀呀呀呀呀呀呀呀呀呀呀呀呀呀呀呀呀呀

你點會係講緊風涼話

呢個係你好切身嘅體會嚟，你內化嘅過程。

但正如上呢個po到所講，我地唔會覺得自己要同機器鬥快，但而加畫畫、寫作、音樂⋯⋯呢一切叫人類最自豪運用抽象思維嘅嘢，全部都被威脅，而作品出嚟嘅市場/產業係無辦法區分。

點解圍棋ai呢個話題係已經過晒時？ 因為圍棋係作為一種競技，而唔係一種商品、藝術品，我地欣賞棋士嘅位係同一個運動員一樣，我地唔會笑保特慢過架車。重點係人同人。

而且ai係圍棋之前，一早全部棋都贏晒人類，我地一早有能力去消化。

但畫畫ai嘅影響係顛覆好多觀念，包括我地評定作品嘅方法。

去到呢到，我發覺只可去到呢到，因為我評定唔到。

因為會變成講緊知天命嘅範疇，if can’t beat them join them 嘅事。

同意，其實有d野唔話係用咗就大陸化，睇開台灣小說，或者去台灣翻譯
quality 都係 質量

大陸反而另一個 品質 聽得比較多，老母未見過 品質合格證

同埋純粹為發洩黎屌真係好無謂，又無解釋，比你屌嗰個又唔明又唔服，咁又點會跟同改呢
咁樣做咪愈來愈少人知囉，渣屌有老母用

緊係有意思啦
就係幫AI train

謝巴打整合我講嘅嘢

講真我都好難答到咁相信人類咁理想嘅講法

但我只會咁講
人係會墮落嘅生物
而我最擔心係人心、突破

舉個例子，如果AI可以承包哂所有商業圖，畫師就唔再被需要，咁佢哋應該何去何從？

你假設左呢個世界永遠都係而家呢個LV先會咁講

咁商業圈自己都競爭, 要打低其他對手嘛, 商業圖個個都用AI, 佢地點證明自己比佢競爭對手好? 到時因為競爭獲利D公司又要諗新野出來, 到時又會創造好多新, 而家根本諗唔到既職業