AI繪圖生成漫畫只需1小時，有齊對白媲美大師作品

我#294咁講，你上一個留言

「繪畫能力係展現緊人類嘅風格、空間、觀察世界、描繪世界、實現腦內畫面、思考邏輯、性格、掌握世界～創造世界嘅能力，但就如我所講，斷層一代人已經可以出嚟，人類嘅學習畫畫，大多數係由臨摹描繪開始，古人係畫實物，但現代人唔會由實物開始，我地冇辦法避免睇到其他嘅作品，但當我哋想做到嘅作品可以用一個鐘，甚至一刻嘅時間出到嚟，將會冇人磨練發展自己嘅技藝。

我定係ai做出嚟，會唔會躺平，技藝為何物，藝術廣義係心+技，而加我翻心，可見將來心都會被取代埋，呢何先係最擔憂嘅事。」

講詠唱嗰啲只係強行合理化自己嘅詠唱係有同等嘅價值，但問心啦，你就係畫唔到先要打字嘛。時間、 能力，又點會對等？

明明一直以嚟嘅SF作品都係AI/機械人取代哂體力勞動
而家反而係AI連摺衫都勁慢做唔到標準
但藝術學術就比AI玩爛哂

比大陸玩咪狂整假新聞假圖

依家堆畫師已經比人踩到上心口
話係跟唔上潮流嘅廢佬
唔學AI淨識畫畫被淘汰係抵死

其實之前AI未識畫人之前最常比人拎去gen concept art
因為而家行內concept artist 其實都係拎啲相出嚟拼貼再加抹兩筆咁快速做個效果就算
反而覺得AI圖目前嘅character design/服飾偏簡單（可能參數太多會亂）所以仲未取代到

一味用消極態度面對行業挑戰其實係冇得拗落去
與其話冇動力，不如真係落力研究下點樣中間平衡
定全力投放心力向藝術方向發展？

唔係囉
而家 dall-e / mid-journey / stable diffusion 已經訓練到
就算你咩藝術都唔識 就咁鳩打幾隻字 都可以出到80%好的圖
我係行內人 當然可以一眼望穿 果20%差喺邊
但普通人真係望唔出的

我反而好奇一個特殊現象
prompt 打得愈仔細 出的圖反而會平淡無奇
prompt 打得愈籠統 反而會出到我無咁諗過的圖
可能AI會幫到普通畫師做 concept brainstorming?
用 80% 試業主口味
等業主 confirm 左風格 先人手補埋剩返果 20% 咁

但仲未處理到 動作 同 分鏡
多數畫面都係生硬橦個人係到

得罪講句，上面位巴打邏輯差個AI

咁未上到位戈渣咪全部失業

人人係編劇想展現自己嘅世界觀，其實一直都有軟件提供免費模組比啲唔識畫畫嘅人可以用佢啲人物模去整漫畫，但冇人用係因為「唔夠靚」
咁而家有個AI可以任勞任怨無限出圖，人性就係會覺得又好又方便，而投訴侵權/唔道德嘅人就係「阻住哂」
在我睇嚟就係行外人係度殺死緊藝術家嘅價值

我睇得現實d，係幾樂觀

老實講一日未到實體機械人有獨立ai我都未驚。(當然，現實有無需要每個機械人有獨立ai都值得討論，先唔好講skynet咁，未來既豪宅整到好似ironman間屋果個ai咁，可以幫手管理間屋，用ai管唔同既機械人去做清潔同管下雪櫃存量咁已經好好用)

講返大家最擔心既畫師同藝術問題，立法要每個作品標明係人創作定ai創作，以茲區別咁最少令實體作品既價值得到保障先，即係我地依家真品同print出黎既分別。

但好遺憾，係大眾娛樂文化上，整個生態會完全改變。我個人就會覺得似youtube同ig對傳統電視電影同廣告既改變咁，人人都可以獨立創作，咁就自然有好野出到黎，個市場唔再係由以前固有模式咁一定要俾製作人賞識就得，有諗法就可以出作品(始終依家我地既ai點都要人去寫野出黎令佢創作，佢唔係真係好似一個人咁會突然身痕自己創作，如果到左呢個時候先黎驚喇。)

支持而加高速發展AI嘅人，全部唔係free Rider,就係消費者，邏輯同世界認知不足，佢地唔係創造者，所以根本就好難想像。

No offense 但真心好奇巴打有冇試過投入心機去做一樣嘢
或者今日同你講你去練跑步，練十年「有可能」跑到同機械人一樣咁快，但人哋換個零件又轉眼快你一分鐘，個種絕望感
本身畫畫呢樣嘢係行內人比人已經比死人，仲要突然加個AI落嚟大殺四方，呢啲唔係一句話調節心態就可以做到

但我同意上面 youtube 的例子
有左互聯網 傳媒碎片化 其實有壞有好
好的係 有左 youtube 之後
傳統媒體 真係要好專好專好專 先有機會生存到
咁客觀上 又真係提升左媒體水平既......
只不過今舖殺到埋畫畫行業...
而藝術 對於藝術家 本身應該係一種自我對話剖白的過程
而家人人都可以剖白 唉 真係會失業...

咪講左囉，工作性質會變，可能係將時間投入去加強同客戶既關係，亦可能係轉去做品質保證，總之就係要做ai未做到既野。

始終依家未去到ai+人型機械人，我未咁擔心住。

真
好多人唔明要付出幾多心力先可以做到一張圖，甚至啲圖多到可以比AI拎嚟偷走你成個風格
就講韓國畫師モ誰已經係日更狂魔+專業畫師，佢畫一張圖都5hr up，仲未計佢練功練到可以「五個鐘就畫完」嘅時間心力
點解啲人會覺得詠唱已經好有難度 屌出聲

唔係。係同意我上面個reply 唔係你果個。
你睇多次我個 reply。
紙筆圖直到今日 喺藝術市場 繼續有市有價
正如古典音樂。

我覺得要機腦合一/意識數據化，我先可以接受到呢堆消費者嘅言論，藝術、技藝，完全被貶低

我全力投放係影相既時間應該唔少
本身係香港都係做影像制作，閒時都會做下創作
ai 係有機會對我飯碗有影響，當然唔係全部
但我鐘意有更新既技術係我面前比我去追比我去用

如果我輸比市面既大部份作品只係證明我技不如人
如果我仲有飯開到我諗唔到點解要拒絕一個時代既降臨

對好多要靠唔同單位先做到既創作例如導演，攝影師，舞台劇之類
ai 係可以係搵人之前單打獨鬥既工作更加快速完整咁完成
黎緊既工作一定係作品行頭，做得好就繼續向上扒，做到係基本，做唔到就淘汰

其實以前都係咁嫁，大把寂寂無名或者跟唔上技術進步既crew 或者導演都要捱一段好長時間既unlearn 期

cyberpunk 個世界一樣有大把人唔靠換零件去生活，唔通佢地冇價值咩？

咪係。明明前幾年仲講緊，創意工作無法被取代。
你睇下而家。

我估學術界的，講求 identify research gap。
可能藝術界的，將來真係要有創新。
要有打破 web crawling database 的能力。
亦即係，個個都要做到 Picasso 先有得生存落去。

但其實都係好矛盾。就算去到 Picasso / Corbusier 級數
其實都係要建基於傳統 有所沉澱累積 先會有創新突破
而家AI 係迫走哂所有沉澱累積 咁又點訓練新人去創新?

可能藝術設計教育會有翻天覆地變化
所有 Year 1 都要學用 AI
然後找出 AI 個 database 的弱點
然後針對性創造設計
有少少似 PhD 的 'identify research gap'
好慘。以後畫畫仲邊有樂趣? 仲點會有 mindfulness?

雖然都係影相創作，但我覺得畫畫同小說/劇本會更接近
拎影相嚟講可能就係你本人親自去某地點伏十粒鐘先影到一張相，但AI只要用前人影過嘅相砌就會砌到一張差唔多水平的相，甚至啲人會讚AI好勁影得好好而多於你自己個張
我自己作為畫師會追求畫完幅圖個成就感同喜悅（我諗同伏十粒鐘影張相個成功感差唔多）
但無可否認創作路上係無限嘅挫折，又或者技術未成熟嘅時候再比AI咁兜巴星落嚟係會令人放棄

我擔心嘅係【下一代畫師比AI打沉之後唔會再有人畫畫（或者極少）】多於我個飯碗
可能類似影相要識睇ISO睇光圈，但有咗iphone甚至iphone攝影比賽之後好多人對個種質素已經收貨甚至「你玩到幾萬蚊部相機懶pro又點，鬼睇得出咩」

剖白2隻字用得好好
巴打係做緊相關行業定有玩開藝術？


其實大眾或者叫做資本主義社會對於ai發展呢下已經無得避，所以可以做到既只能係適應個環境同埋搵生存空間。大眾無可能人人花時間去理解創作者剖白，未來唔會，依家亦都唔會，所以從來工業用同藝術用既作品大家都會分得好開。

就算係依家，市面上都大把畫功係好普通既動畫同漫畫係賣得既，點解畫風一段都可以受歡迎？答案係從來都係創作者既意念同創意行先。好似謝曬皮同麥兜呢d講畫風其實唔難畫，但點解都咁受歡迎？咪就係講既野係打得中人個心，最少目前ai都要由人去俾指令個ai先識畫野，咁創作意念都係人到，唔係ai自己，所以未洗驚住喇。

到有日新聞話有ai係會無人入指令，佢自己身痕就畫左幅畫出黎，咁先驚喇。