[庵野]《新·幪面超人》最新預告片震撼登場！3.18日本上映

冇上呢個po幾日 好似多左人感覺到今次呢套野有咩問題

我都諗起王家衛
佢地呢啲比較有個人風格嘅導演都係咁
好就好在會堅持到啲獨特嘅嘢
唔好就係一旦鑽牛角尖就出唔翻嚟
所以今次可能放大咗啲缺點啦
真係成也敗也

見幾多日本人話今次少咗樋口幫手做中介
係最大問題嘅原因

睇eva啲製作特輯佢已經係好鑽牛角尖嗰種
同埋佢有咁上下地位好難有人勸得郁佢
唔知今次票房失敗會唔會令佢思考下個問題啦
不過睇個勢係咪都唔會有下一部

東映: 55周年拍返皮套大戰算囉

你老母比狗屌嗰陣就媽vel feel

根本勁撚幪面超人味 打鬥 電單車 飛腿 変身

睇完個特輯之後覺得點都要入場睇一次個成品係點

呢個咪就係個特輯嘅目的
你睇佢地比庵野搞得幾慘
入場睇吓成品啦

特輯: 幕後發生咩事
成品: 究竟發生咩事


本身都預咗係去睇庵野心入面嘅拉打,所以都已經有心理準備

唔好話觀眾，fans都感動唔到
只會有死忠盲撐嘅姐
上次新超睇完都少失望
今次睇完一大堆評論加片頭
真係帶個毫無期望嘅心入場先得

諗起有個post笑佢唔紅，用政見睇人

https://youtu.be/LbZXbuWBqVo

日本已經屌緊

睇trailer好似幾正 出嚟反應麻麻？

動作戲出事

臨尾啲trailer好多CG互片 不過睇trailer CG可以接受

唔用新/用偽應該大收

睇完套紀錄片都feel到現場氣氛幾差
個動作導演算好忍得
庵野個想法同現實武打戲拍法相返
要做到佢諗既堅打唔容易
但佢又要求演員自己上陣
淨係扭親算少事
假拉打個段成段剪左真心嘥哂
睇嚟好多真人打戲都剪哂,
變哂後期CG

動作導演排戲opening 其實幾好睇
但的確係有啲公廁打鬥片嘅「爽」
之後後面個one take 男主get到庵野想要乜個take好似都幾好睇
但正片又剪到碎曬
正如庵野所講 無論幾長幾多個鏡頭都冇所謂
佢點都係剪做兩分鐘
比多啲時間 多啲budget佢慢慢玩多一年就差唔多

要有投資王家衛嘅耐性
睇完條making of覺得又唔可以話庵野有錯
因為佢都係唔想要啲典型大路動作
但係佢對動作片嘅理解同要求有啲唔太現實
動作片尤其你仲要演員而唔係專業stunt上陣
真係冇可能同你即興真打 隨時都會傷喎
而且武指嘅本質就係排套招 設計定啲嘢
就算你叫啲演員真打 佢地都要夾過晒先啦
完全冇套路感真係冇可能 因為始終係假嘅嘢
最後佢自己都意識到呢樣所以最尾都有講
唔係一定要真 而係點樣呃到啲觀眾覺得係真
但最死係佢自己又講唔出想人地點
所以好多時間都係用晒係trail and error上
最後係紀錄片見到啲好似幾正嘅鏡頭
最後又係唔用咁即係點
庵野真係太執著於真人電影嘅「意外性」了

睇紀錄片覺得佢淨係講過想法出嚟,
但淨係交比武指諗,自己行埋一邊唔一齊度咁
開頭森山提議拍前開個會討論下d角色點演,
庵野又係好似唔想參與比人迫咁,
跟住話唔會同演員講點演,你哋自己決定,
森山個樣尷尬到
雖然話比演員自己諗點演個角色係好,
但作為監督連演出方向都唔講就有啲過火囉

淨係想快啲有得睇