其實HSBC premier個客戶經理係唔係撚人用？

我2020年食正條水美股賺到差唔多HKD $1M，咁匯豐就打黎叫我升premier，唔洗比錢，有專人服務又可以落分行快啲排到我咁咪要。

因為自己買賣股票，都未諗住買其他產品，開頭無咩特別，直到2022年美國狂加息，我都清走左一啲股票變現金。我就想睇下啲定期放一放，問經理個息係點，佢就問我去分行傾。點知我上到去，話定期好低息唔睇，就狂hard sell我儲蓄保險，咁我都有睇過聽過相關產品，覺得等太耐先回本，又唔符合你投資目標，萬一佢唔加息我咪會鎖過機會？

咁我已經婉轉咁話利息無想像咁高，返去再諗諗先再WhatsApp佢，佢就叫埋另一個經理過嚟一齊傾，話再唔簽就錯過佢所講既高息啦。我就好唔舒服既，係咁話返去再睇，佢真係差在未鎖門逼我簽，我走嗰陣佢2個黑曬面。


P.S. 已經轉走緊所有錢去其他銀行

1M就算啦都唔當你係客

正路唔好聽佢電話
聽都話唔得閒去
次次見親一定係sell野仲要冇好野

Premier客.....仲要得1M liquidity 就算啦......當排條快隊用銀行服務或者 fx rate 靚小小算數啦

其他野唔好諗太多啦

我係 hsbc PB acc 個 rm 都係廢廢地

唔買野r咩service?無value重要得果1m 股票客。拿拿林走啦？ 唔好阻住人個aum.無人想睇你昵d 窮撚股票客

5m usd? pb? 有錢

1M真係唔係咩錢

IB都要780k 先開始唔收你月費

Hsbc premier周街都係，除左畀職員方便sell嘢外係冇乜用

我去啲分行都係飲佢枝水同唱派利是錢
仲認真聽佢sell咩

佢叫得你去就梗係sell你，搞完野，你話唔得閑起身即走，彩佢有味

人家都要跑數明唔明

清坐左幾耐？？？？

大貓無咩用
支銀花旗都好過佢

唔洗跑數咩大哥

正常啦，sell到你佢有錢分，一定落足牙力。加上走係靠對腳唔係同口，就咁企起身走佢都唔敢攔你，唔需要同佢講冇興趣既呢啲

你無付出= 無service
佢無service你就更加唔會有付出
循環黎
有好多垃圾客用十年都無比銀行賺過咩錢淨係擺錢同r禮物r coupon
你想人地點對你？

IB早兩年已經免月費

清坐左幾耐？

講真1M係比乞兒高一級咋，都係賤民級別

應該講所有銀行既VIP服務都係咁，唔sell你唔通真係淨係服務你咩

香港真係好多有錢人，好似你靠股票咁贏大錢既人都唔少，唔好睇到自己咁重要，sell爛左咪下個囉

有客擺錢已經賺咗啦賺得少啫

大貓係咁濕鳩
之前做樓宇按揭，借佢3成幾都扭扭寧寧

同一時間request，隔離兩間銀行批哂offer，大貓仲話要繼續補交文件睇睇先