又或者睇過見inception 套戲，我201x年睇完之後骰骰覺得係發緊喺我身上。太細個嘅嘢，有啲detail位已經記得得咁清楚，但係大家可以繼續問。
事關我琴日先喺2個鍾嘅夢入面，過咗幾個星期或者一兩個月…..
近呢幾年嘅經歷，一定可以搭到或者分享到大家想知嘅嘢。
可能有人覺得我係吹水，但我以下講緊嘅嘢絕對係真人真事，我自己親身經歷黎。等我講吓背景先：
細細個岩岩上小學開始慢慢發夢俾鬼怪/怪物追，
阿媽以為我撞鬼或者掂到感應到啲咩污糟嘢，
然後俾咗一塊玉仔我戴，雖然舊玉帶咗一年之後冇隨身跟住，
但係一直都喺床邊放住，直至中學先拎開咗，
同時大個咗又知道唔係撞到污糟嘢，分得出係發夢。
然後由中學開始我就成日都發清醒夢，俾鬼砸都有試過，
所以我分得出咩嘢係清醒夢，咩嘢係俾鬼砸，雖然兩樣嘢係夢嘅階段係好相似。
清醒夢嘅內容多數開頭都係殺人同俾人追殺較多，
有陣時更加清醒就會可以做到其他生活上嘅嘢
。想做乜就做乜。
大學有一段時期嘗試開始去了解清醒夢係啲咩一回事，
同埋睇吓其他會發清醒夢嘅人係點樣，
有查過網上面啲人點樣控制清醒夢，但對我嚟講好似冇乜特別，
因為我啲清醒夢一定會記得好深刻好清楚同平時記憶幾乎一樣
嗰排好沉迷控制清醒夢呢樣嘢，即搵到好方法可以隨心所欲咁發清醒夢，
但係到而家我都未搵到方法完全避免唔發夢，只可以盡量發少啲。
後尾會停繼續主動觸發清醒夢黎「玩」/「工作」
係因為我喺夢入邊主動想離開想醒，但醒唔番。
因為當我喺夢入邊，主動想瞓醒嗰陣時，個場景又會轉去我係床瞓醒嘅場境，不停循環。簡單啲來講即係我點樣主動觸發「瞓醒」呢個trigger，結果都係個夢境瞓醒。
後尾最後嗰晚直頭有啲分唔到現實同夢境，
然後喺個夢入邊跳樓同埋靈魂出竅。
最恐怖嘅係瞓醒咗，但係我瞓唔到自己係真醒定係夢入面醒。
講到呢度唔知有咩再可以講，大家有問題有嘢想知道可以盡量問，我都想睇吓呢度有冇人同我情況同我一樣。可以分享俾我聽你哋最尾點解決？
