將軍澳私 / 居上車盤討論區（6)

我上個post都有講寶林三寶做例子
好多外區客，特別係東區/觀塘/秀茂坪都黎睇
佢地本身果區啲樓好舊，社區規劃差，但啲樓都好貴
六球野買近港島九龍，三十年內樓齡，新市鎮，就真係得寶林三寶有
唔信可以問下aa, 我以前住三寶放樓都好多呢啲客睇

想要全海定山海

冇乜姐係仲有

冇錯，之前既認知係18-20k 先係將中兩房正常呎價，17k 叫平

我就係伊東巴打講既外區客😂😂😂未睇post就買左
本來睇緊其他區居屋，又舊又殘都差唔多6球
突然見到三寶咁平，樓齡又唔算大，三房計落呎價唔貴，屌打自由市場公居屋
睇左一次樓就岀票即簽諗都唔使諗

將軍澳好得意，明明三寶行去地鐵站都係5mins 已經平一大截，對於外區客係真心吸引，因為出面都係咁行

通常住得耐將軍澳都會想返黎買，住市區既都較易接受住新市鎮，呢個係基於我身邊中同 大同既經驗

眼鏡房？

三寶咁平反映左防守力差, 只要你唔介意就得

寶琳其實幾舒服好多公園
但係又要等車轉線 加埋行 去九龍真係多調景嶺15到20分鐘
而家調景嶺將軍澳南大量發展 又有大橋又有大量公營部門 變咗一個新發展區
利申末住過將軍澳 聽人講

唔清楚師兄去過幾多次將軍澳。將軍澳站有尚德邨，調景嶺私樓只有維景同都會，附近健明善明彩明都係公屋多，大量綜援戶。如果所謂交通係指地鐵的話，咁大概應該係差6-7分鐘。巴士好似大部分都要經將軍澳站嗰邊先出到隧道，有啲仲要兜返去三寶嗰頭🫣
寶琳係比較老化，不過寶琳景琳好多都係賣斷咗嘅公屋。巴士就上隧道比較快。
對比價錢如果係買住嘅寶琳會抵住啲。不過留意即使只係行5-10分鐘去地鐵，區外人會覺得冇所謂，不過區內人會係原罪，價一定會比其他唔使開遮落到地鐵站嘅差啲。
所以都係儘量搵貼站屋苑好啲。

其實計返，新都細兩房仲差
由最高700頭中跌到5字中
三寶都係6中字去到5咁上下

又調返轉諗，跌市時焗住係到住好幾年
如果買三寶大兩房你住幾年無咩問題
但如果你住細兩房，例如慧安新都36x，住幾年就一定好唔夠，因為你啲野愈來愈多
尤其係中途有左細路，bb野真係多到你唔信

所以講防守唔止係講信價錢防守
萬一跌市要焗住住好幾年，你夠唔夠用都係一個重要因素

地鐵既話同意，就睇你介唔介意多10分鐘
但如果係巴士，寶林勝在有神線98D/98S直出尖咀/旺角
新巴就有798直去沙田
尤其開左大橋後將隧真係塞少左好多，寶林都係直接受惠

反觀坑口真係唔建議，就算宜家297改左經坑口先都無用，因為班次好疏，其他巴士都要經寶林出隧道

老化同公屋問題
除非住到將南康城，其實調將坑寶都好多公屋，分別唔大
所有租置得寶林有，坑口都得居屋
呢班人大多數都係90年代住同埋買左
同新公屋住既人係有明顯分別