[FM2023］卡迪夫城 真。威爾斯球會之路

陣容圖仲係對普雷斯頓個張
應該up錯

巴打心水清改返圖先
15/3/2022 Home vs West Brom (Championship)
傷兵潮來了
今次一傷傷兩個攻中 Colwill 同Sawyers


連埋隊長Ralls 球隊3個最有創造力嘅球員都傷咗
中場用咗新免簽返嚟嘅George Thomas, Rxxxxx 同副隊長Wintle
戰術方面direct passing 要skip 中場 直接畀到3箭頭

開波22分鐘 Wintle 開出右路角球
對方頭鎚解圍不遠
畀O'Dowda 頭鎚set 返入禁區
中堅Nelson 再加一頭頂入 領先1:0


最後都真係憑住呢個入波 小勝1:0
今場表現算唔錯喇
雖然唔係贏得好精彩
但係喺缺少咗多名主力
而且中場冇乜供應下
都做到啲攻勢出嚟
同埋防守改善咗好多
保住咗1球勝利

Next Match
18/3/2023 Home vs Rotherham (Championship)

18/3/2023 Away vs Rotherham (Championship)
今場作客對榜尾嘅洛達咸
喺傷兵滿營嘅情況下
人腳唔太多選擇
所以同上場大致相同


開波21分鐘 Thomas 左路傳中
借將 Vale 一頂入網 領先1:0

4分鐘後 右路角球開出
對手頭鎚解圍不遠 個波去到中堅Nelson 腳下
佢化身成為帶刀侍衛 禁區外勁射破網 拉開2:0

43分鐘 中堅Kipre 大腳長傳
畀到Vale 壓入禁區 單刀射近柱得手
個人梅開二度 上半場領先3球

下半場 拖慢咗節奏
去到87分鐘 對方喺右路策攻勢
右邊傳中後 中間頭鎚頂入 追返1:3

不過都無阻我卡以3:1贏出

今場雖然係對榜尾球隊
不過都要讚下班後備球員挺身而出
幫球隊捱過傷兵潮
特別係新借返嚟嘅Vale
開始融入球隊 入波停不了

1/4/2023 Home vs Swansea (Championship)

做咩repeat 咗上場

睇到我好開心，樓豬玩得好勁

1/4/2023 Home vs Swansea (Championship)
今場係南威爾斯打比大戰主場對史雲斯
打比大戰之前啱啱拎咗教練生涯第一個獎
攞到英冠3月份最佳教練
3月份傷兵潮反而100%勝率
不知不覺追到同榜首諾域治相差1分

講返場打比大戰先
新星Colwill 傷癒復出 中場終於有返啲創造力
戰術可以shorter pass 經返中場運波上去

開波23分鐘 右翼Whyte 喺右路發難
把握到對方防守犯錯 傳中畀借將Vale
第一時間射入 領先1:0

下半場56 分鐘 防中Admas 突然一下手術刀畀Vale
Vale 單刀不負所望 冷靜chip 入 個人梅開二度
呢下真係估唔到Adams

64分鐘 對方反擊無啦啦畀穿晒
結果被對方前鋒Piroe 單刀射入 追成1:2

1分鐘後 威爾斯沙維長傳畀到前鋒Piroe 單刀射入
極速扳平2:2


今場打比大戰打和都真係好失望
因為一嚟首循環作客贏到4:1
二嚟進攻方面都已經撳住對手嚟攻
而且前面Vale 都把握得到
但係後面無啦啦發波瘟
2分鐘內連失2球
三嚟隔離諾域治都和波失分
錯失咗上榜首嘅機會
你哋話我點同球迷交代吖

Next Match
7/4/2023 Away vs Blackpool (Championship)

7/4/2023 Away vs Blackpool (Championship)
嚟到聯賽尾聲 球隊要演出穩定
同埋傷兵都未出返晒
所以陣容冇乜點變

開波9分鐘 Whyte 30碼罰球直射入網 領先1:0
印象中係第一球罰球直射入波
平時都係被人罰球直射入波多

及後都係互有攻守
但係就再冇增添紀錄
結果小勝黑池1:0

呢場波平平淡淡
但係攞到好重要嘅3分
因為隔籬諾域治同樣贏波

而家入直路喇
最後6場 相差1分
大家覺得我可唔可以反cup 後上奪冠呢

後上奪冠
第二直接升班

定係跌落第三打後要打附加賽

傷兵潮預測唔係冇原因
英冠打46場，連埋杯賽分分鐘一季打5x場
小型班輪換少，自然會攰，一攰就傷
好彩就練習傷幾日，唔好彩就完左轉會窗先一鳩收咧
我自己玩咁多年通常都係聖誕前後就最易出現傷兵潮


btw依家最後6場
冇杯賽，捱過傷兵潮
後上奪冠係呢鋪啦

今集fm暫時未玩英冠
玩英超見親對手8個後場就頭痛
好彩係得一兩隊會咁做
睇樓主英冠好似10隊有6,7隊係咁嘅排陣
諗緊今年仲玩唔玩英冠好

10/4/2023 Home vs Sunderland (Championship)
嚟到聯賽最後階段喇
主場迎戰新特蘭
啲傷兵陸續復出 擺出個全攻陣
中鋒起用神鋒Etete 將top fit 嘅Vale 移到左翼
隊長Ralls 傷癒復出夥拍新星Colwill 踢中場中


開波12分鐘 隊長Ralls 截到對方後防誤傳射入 領先1:0

27分鐘 隊長左路角球開出 尾柱神鋒Etete 頂入 拉開到2:0
5分鐘後 對方後防漏頂 益咗Etete
畀個直線左路嘅Vale 單刀冷靜射入 3:0

下半場59分鐘 右路界外球攻勢
右閘黃喜傳中 中間神鋒Etete 頂入 埋齋贏4:0


今場擺出個全攻陣 就即刻火力十足
特別係傷癒無耐嘅神鋒Etete 同隊長Ralls
狀態開始回勇
隔籬諾域治贏洛達咸2:0
所以暫時都係排第2

Next Match
15/4/2023 Away vs Sheffield United (Championship)

15/4/2023 Away vs Sheffield United (Championship)
今場作客第6 嘅錫菲聯
佢哋都要為爭取升班附加賽努力
同埋首循環主場輸咗畀佢哋1:2
所以今場都係穩陣啲
中場出3大工兵Ralls, Rxxxxxxx 同Wintle

開波初段有啲受壓
不過好彩喺27分鐘 錫菲聯中場辛達貝治直紅
搞到要踢少個
我隨即要球隊全攻 5分鐘後就有收穫
防中Rxxxxxxx 喺右路傳後畀到黃喜
佢喺禁區外睇到定一定勁射破網 領先1:0

39分鐘 又係入波方程式
副隊長Wintle 開出右路角球 尾柱Etete 頂入 拉開到2:0

上半場領先到2:0 對面又踢少個
下半場攤慢板 冇再入波 最終贏2:0
今場要多謝辛達貝治
因為隔籬諾域治作客以1:4 輸咗畀排第5嘅米杜士堡
所以我卡以2分之差力壓金絲雀登上榜首
剩返4場醒醒定定呀

Next Match
19/4/2023 Away vs Watford (Championship)

支持

19/4/2023 Away vs Watford (Championship)
啱啱登上榜首 要奪冠嘅話嚟緊4場都不容有失
今場作客對第9 嘅屈福特 但係一啲都唔易踢
以佢哋嘅實力理應至少都有頭6
所以今場陣容同上場一樣 穩陣行先


不過開波8分鐘 對方後場長傳畀到伊斯美拿沙亞單刀射入
先落後0:1

41分鐘 副隊長Wintle 右路開出角球 對方頭鎚解圍不遠
畀到隊長Ralls 禁區外勁射破網 扳平1:1

不過2分鐘後 對方左路罰球傳中
高人一等嘅侯斯頭鎚頂入 再度落後1:2

下半場 我哋極力反撲 但係都係顆粒無收 最終輸1:2

今場波輸波都好失望下
因為隔籬嘅諾域治作客贏第3 嘅QPR 2:0
所以我卡又降返落第2 落後金絲雀1分
都叫做咗4日榜首嘅
仲有3場 繼續努力

Next Match
22/4/2023 Home vs Stoke City (Championship)

你指3中堅+2翼衛+3中場?
我踢咗一季英冠
都真係差唔多10隊有6,7隊咁踢
基本上只要唔係上遊隊就會咁排陣

如果我對住呢啲隊
防守高位 high block+瘋狂逼搶
令佢哋運唔到個波上前場
進攻拉開兩翼Winger (有機會拉到中堅出嚟)
中場走underlap 攻half space

不過呢個戰術要防守夠穩
因為高位防守+進攻拉開
同樣容易被人攻half space

22/4/2023 Home vs Stoke City (Championship)
今場波主場迎戰排第4嘅史篤城
對方同樣都要為保住升班附加賽而努力
今場轉咗用Vale 踢正前鋒
右閘黃喜傷咗 搵防中Rxxxxx 頂住先


開波22分鐘 個波喺禁區外交到去Rxxxxx 腳下
佢見冇人mark 就割草式遠射入網
攻入加盟以嚟第一個入球 領先1:0

下半場54分鐘 Rxxxxxx 左路罰球開去遠柱
中堅Kipre 頭鎚頂橫 好拍檔Nelson 近門撞入
Nelson 果然係帶刀侍衛 拉開到3:0

5分鐘後 副隊長Wintle 被人逼甩咗
細骨再傳畀手榴彈之王個仔戴納勁射破 追近至2:1

及後都再冇入波 以2:1 小勝史篤城
今場波攞到寶貴嘅3分
取等直接升班嘅資格
不過隔籬諾域治贏史雲斯3:0
即係仲係被金絲雀以1分帶住

Next Match
29/4/2023 Home vs Huddersfield (Championship)

29/4/2023 Home vs Huddersfield (Championship)
連續幾場硬杖之後
今場嘅對手叫做冇咁強
主場迎戰哈特斯菲
今場陣容同上場一樣


話就話對手冇咁強
實情開波10分鐘 被對手喺右路傳中
畀到中間近門撞入 先落後0:1

咁快失1球要立即反撲喇
25分鐘 隊長Ralls 放個直線畀Vale 哨
Vale 不負所托單刀射入 追平1:1

以為追到1球就可以反勝啦
點知喺31分鐘 又係被人喺右路搞搞陣
同一個模式 喺右路傳中再撞射入裝 再度落後1:2

眼見左閘Bagan 慘變放題 於是換入Simpson
同埋換入埋神鋒Etete 加強攻力
果然喺51分鐘 轉踢左翼嘅Vale 放個直線畀
走緊underlap 嘅隊長Ralls
再傳中畀神鋒Etete 近門撞入 扳平2:2

1分鐘後 隊長Ralls同Mark Harris 一輪互傳後
喺禁區邊勁射破網 反勝3:2

補時階段 又嚟入波方程式
副隊長Wintle 右路角球開去尾柱
神鋒Etete 頭鎚頂入 埋齋贏4:2


隔籬諾域治又贏贏第7嘅西布朗2:0
仲係落後緊1分
不過今場要讚下班球員有鬥心
兩度落後追返上嚟贏波
特別係隊長Ralls 近期真係top fit
又入波又助攻

Next Match
6/5/2023 Away vs Burnley (Championship)

支持樓主

樓主犀利
可唔可以介紹下你個陣既戰術 同埋球員位置既角色？

6/5/2023 Away vs Burnley (Championship)
嚟到英冠最後一場喇
今次冠軍要鬥到最後一輪
究竟最後冠軍誰屬呢
過埋今場就知喇
由於我卡而家落後緊榜首諾域治1分
其實我都nothing to lose 為爭冠軍點都要贏
輸咗其實都冇嘢 因為已經夠分直接升班
所以今場都要擺大個頭進攻㗎喇


開波雙方互有攻守
去到34分鐘 隊長Ralls 落底傳中
居然見到後冚上嚟嘅黃喜射入 領先1:0

1分鐘後 對方右路界外球dump入嚟
黃喜頭鎚解圍不遠 畀到古蒙臣轉射入 迅速扳平1:1

為咗爭勝 下半場再加強攻力
57分鐘 隊長Ralls 送個直線畀後備入替嘅O'Dowda
長驅直進入禁區射入 再度領先2:1

88分鐘 O'Dowda 把握到對方解圍不遠
過晒一班後衛射入 埋齋贏3:1


煞科戰大家都踢得好好
隊長Ralls 繼續top fit 交出兩次助攻
後備入替嘅O'Dowda 表現神勇
個人梅開二度

係cardiff讀書個時成日想入場睇一次cardiff city，但係離主場太遠唔想去
希望樓主早日英超登基

想知冠軍同其他獎項花落誰家

最後一輪
諾域治主場1:0小勝黑池
以100分力壓得99分嘅卡迪夫城
奪得22-23年度英冠冠軍
雖然話過淨係想升班英超
攞到冠軍係bonus
不過去到有得爭嘅時候
而又落空點都會失望嘅
BTW 攞到99分破咗球會喺英冠嘅得分紀錄
原本係17-18 球季攞到90分


升班附加賽決賽錫菲聯以2:0贏咗米杜士堡
取得最後一個升班資格
兩大死敵史雲斯同布里斯托城齊齊降落英冠

回顧返成季

開季個頭開得好靚

季中表現下滑 好飄忽

季尾大家上下一心演出穩定

3頭馬車嘅走勢
其實3隊表現都算穩定
英冠特別易走樣


神鋒Etete 30場入23球 成為隊中神射手
隊長Ralls 都交出14次助攻 球隊最高



另外我自己幾滿意借Vale 呢個deal
半季17場入8球 而且把握力真係幾高
其他就....... 唔使錢就由佢喇

神射手 Norwich - Teemu Pukki 41場入37球
BTW 助攻王 Norwich - Marcelino Núñez 45場22助攻
金手套 Norwich - Tim Krul 46場22CS

最佳球員 Norwich - Teemu Pukki

最佳教練 Cardiff City - Ian Rush

最佳年輕球員 Cardiff City - Kion Etete

最佳11人