柳應廷 Jer Lau 討論區(11)｜三十而立 生日快樂 柳炒受柳

就喺嗰個位 一抬頭 就有一大群雀仔飛過
成個畫面勁靚

睇到眼濕濕

Chung係用電腦cap?好清

一開頭浴缸佢想自殺個到，有雙黑影手拉佢上嚟 應該係未死到？再去返水刑物語先係真正死亡？

但係我覺得就係因為佢係浴缸自殺左
所以佢先至可以係《自毀的程序》入面盤旋裏眺望啟居
因為佢係浴缸自殺死左
而自殺死既人會係自殺死既地方徘徊
就可以解釋點解佢會不斷係故居即係佢既深淵即係三首歌入面既水到徘徊
而我自己覺得自毀即係自殺
自毀的程序即係自殺的程序
成首歌都係講男女主角自殺經歷既野
女主角跨過去係因為佢已經放下再投胎轉世成為砂之器既母親
之後直到《坐看雲起時》男主角比和尚用大悲咒超渡
佢先離開到故居去到佢一直想去既京都
之後先發現自己都係放唔低女主角
就繼續跌入深淵困係《水刑物語》
再經歷《狂人日記》
都解釋到點解《砂之器》入面佢係做兒子
因為女主角一早投左胎
係入面都有講前度情侶
即係虐心三部曲入面既情侶
到最後《人類群星閃耀》先學識放下學識愛
所以佢要多謝咁多世既努力去學識
因為我唔太熟物語三步曲
有錯請指教

可以參考下

其實我覺得冇排序
佢入面有講這宇宙無結界
所以時序唔重要
最重要男主角經歷咁多世
終於係人類群星果陣學識愛
所以先至會謝謝你
因為女主角令佢學識愛
我自己覺得其實呢十首歌最後都係想表達
學識愛係咁多世存在既意義
所以人類即使渺小
但係在說我愛你那刻
就會情存萬有才美妙
所以呢十首歌加埋係想表達愛係連結咁多世既關鍵
愛所以令人類渺小但閃耀

我比較偏向《離別》女主一早已經走左，雖然mv用鬧交男主離開故居黎做劇情，但覺得歌詞上一開波就係死別而唔係生離

《自毁》就係男主角仲念念不忘逝去既女主一直肉體心靈上都係到徘徊，深陷內疚思念既漩渦

去到《雲》，男主走唔出深淵決定結束生命，自決之前實現同女友既承諾去到日本旅遊，拒絕接受女主角已經離世轉生，幻想女主仲在生2人一齊遊日，完成最後承諾之後係風呂裡面自殺，呢到就接《水刑》，因為浸係風呂裡面、跳舞、共饍都係同水刑一套白色衫。同你諗一樣換左黑色衫之後就係靈魂到處飄，呢邊就係到《迴光》，因為死亡之中見到光，我會將光對去見到枯山水等等既佛家相關生死觀。最後男主既靈魂行到去2人車頭相前，本身係遮住左2張相，但最後一個shot靈魂消失左，我理解成《風靈》佢接受左唔應該係到徘徊，應該接受女主已經離開轉生，所以男主都接受命運投胎轉生。

mv既開頭同結尾都係係風呂裡面，加埋音樂係風靈個間奏，呼應反風靈個循環，同時風靈間奏係《狂人》intro，所以亦都接左落去重生三步曲。

睇曬成個故事之後我覺得係由離別開始 男女主角分手 女主角離開咗（可以代表佢離開咗段關係/真係自殺咗）然後男主角開始兜圈（自毁）走唔出段關係/佢人生嘅黑洞亦陷入痛苦之中 然後應該係自殺咗 靈魂去返同女主角嘅舊地方/未去嘅日本 然後落到物語系列 不斷輪迴 直到狂人重生

我都十分同意女主角係離別已經死左
所以mv所見到佢食安眠藥自殺
所以我先會話佢講佢跨過去
佢一早已經離開人世
轉世走左
我自己覺得男主角係自毀都已經死左
所以佢先會見到三隻精靈
帶佢完成死前既遺願
去京都同奈良
完成完佢既遺願
佢都係放唔低
所以先會係mv到見完三隻精靈再又入返去深淵
果條隧道就係深淵
隧道入面有水而一直講緊既水就係深淵
即係佢放唔低既野
最後又返番個loop到
去返佢自殺既地方
即係故居既浴缸

但係佢都係放唔低

我自己覺得係坐看呢首歌嘅過程（即係日本呢段）就已經係經歷緊物語系列
由一個第三者（我）應該係神嘅角色去講（你與她）
最後升起雲霧帶應該就係真係放低去投胎，即係風靈最尾
最後心跳聲可以解讀為轉生係母親體內

柳真係好靚

會唔會「雲」係有兩世嘅男主
第一世就係「離別」同「自毀」男主 ，自殺後未轉世（「雲」入面嘅白衫(死前)+換裝(死後)），最後諗通轉世有重生的心跳，接砂之器。
第二世就係「雲」開頭&結尾嘅水柳，佢現世想自殺，但瀶死哥陣閃過前世（第一世）嘅經歷，醒覺諗通咗無死到，接水刑。

https://www.instagram.com/p/ClbRWLpJmtv/?igshid=YmMyMTA2M2Y=
小克解畫

解讀來了

啲字好細

次次睇完小克啲字都覺得自己係文盲