數碼暴龍玩具討論區#34

冇路捉玩落真係一半贏一半輸
多數贏3:2 / 輸2:3，輸嘅次數多少少添
5:0就未試過

得咗

禁實C制入設定，第四個選項既第一個就係完全熄機。重開機就會同元祖機換電池一樣有得揀LOAD定RESET同要重新較時間

因為餅電唔夠力推背光彩Mon 。如果要換到電，就會好似他媽哥池啲彩Mon機咁要用3A電推，部野會變到好大舊，仲會因為啲電來回走電快，好L易搞到電池漏水。他媽哥池彩mon 機我有成7部機，有一半都玩到漏水。情願佢叉電。

就咁睇應該係3.7V 嘅鋰電都啱用, 最多只係size啱唔啱塞入個殼度,
同埋佢用200mAh, 如果size啱應該可以換粒大d

如果唔預漲電位，應該300mAh已經係極限黎，因為厚度唔淨得好多，長度佢個背殼位有舊野限住左，用黎cup蓋時隔住喇叭同電池

聽講新個d大仔媽哥池其實好多野玩 重可以插卡

好想買

Hobbydigi訂左彩機，唔知幾時到貨

係呀，而且唔同代數啲玩法都勁唔同同好早已經可以經手機app同人連線。
彩mon 既話，玩品種最好玩係上一代既meets，可以唔同哥池溝基因溝出好多騎呢品種。
玩育成就係Ps，可以玩芯片玩返學決定職業個啲。
玩自制野啲人就多數玩4U，可以傳好多自制人物入去，個陣已經好多人好似呢家隻生命手環咁傳其他動漫角色入去養。
講真，數碼暴龍一早就應付要出彩mon 機，又唔係無能力出，同埋生命手環真心唔識欣賞。新個既他媽哥池又係出手表都比勁多人鬧唔好玩，伏到美版唔敢出手表自己出左另一隻美版限定代數。

他媽哥池竟然超前咁多
其實數碼暴龍係咪得罪左bandai

他媽哥池賺多好多倍，同埋aim女性多過男性

搞笑
一隻進咗天使，一隻進咗惡魔

當年xros war嗰部就係又彩mon又有得插卡，但都係賣得唔好

xros war本身個動畫風評已經唔好令銷情都受影響 當年一次過取消晒進化階級既設定令好多死忠唔太接受到