之前Facebook 單邊爆20,30%，d option 一晚升幾十倍一夜暴富好似就愈黎愈多人賭
我知道應該都幾多，身邊好撚多FD 都因為果次入左呢個賭場坑
講返自己，好撚多廢話，但我需要一個地方發泄寫返低呢幾年做錯過既野，輸左千四萬就頂唔順，今日自殺，女朋友咁岩黎到阻止左。做錯好多野返唔到轉頭，但我想懺悔呢幾年我做錯過既野，我想重頭黎過，我想寫D野出黎令大家唔好重滔覆轍，我想彌補返我係到笑過既巴打
2017年 - Bitcoin
5年(2017年年頭)開始接觸投資，果陣讀緊final year，但第一樣接觸既係BITCOIN，買左一堆ICO賺左幾十倍，高位賺7位數但之後又連本帶利輸返哂
最記得果陣9月有一日睇完舞台劇，香港話劇團既，睇完果下出黎望下手機，成個ltc倉俾人liqudate哂，最諷刺既係唔夠幾日仲要升返哂上埋ATH，自此就警戒自己唔好再掂呢d 有leverage 既工具
除左錢仲輸左咩，仲輸左個朋友同一間網店
果陣有個識左10年既中學同學，果陣我地一齊買ETH，佢係ETH 當時 ATH (~1200USD) 借錢買左20萬，之後唔夠3個月就跌到落300 USD，仲要因為當時我地一齊投左個private sale 既project 叫iotex，所以D錢係鎖倉鎖住左2年，去到真係release哂(2020年)出黎果陣已經接近歸零，而呢個朋友亦冇再好似以前咁日日聯絡，甚至可以話有再聯絡，我知道大家心裏面永遠有條刺，因為係我叫佢買
除左朋友，果陣仲run 緊一間網店，雖然收入唔多，但都叫做交到學費養得到自己，甚至其實睇返轉頭，睇到其他同行已經發展成應該幾多人識既self-media，都會諗what if 果陣我冇因為crypto 賺到錢而堅持做落去會唔會有唔同結果。果半年時間，follower 愈黎愈少，輸錢輸到再想做返果陣已經發現reach 唔到d 讀者，再之後就放棄左。
2019年 - 美股
3年前(2019)開始買美股，因為買過ICO 見過鬼怕黑唔會再買果陣空有roadmap 既公司，果陣開始月供NVDA同SE (因為當時同一個朋友去完越南覺得果到好有發展空間接稅，供大半份糧，，雖然每日最多+-1%，但我係真心感到滿足，唔係因為隻股票升，而係我知道買緊正確既野
2020年插水果下，問銀行借多左20萬滿倉買NVDA+SE，撞正牛市個戶口唔夠半年，2020年11月就上到7位數，想講呢一百萬真係我人生賺得最最最最最開心既一百萬，因為我知道我真係買岩野，而且2年黎月供半份糧係真係有收獲，當然而家諗返80%都係運氣。2020年 25歲賺到人生最實實在在既一百萬(唔計以前鎖倉果D假數)，獎勵左自己一隻錶，一隻Garmin電子錶，影相識左而家女朋友，走出左抑鬱症，我人生最開心既一年。
如果可以我想我戶口永遠都只有果一百萬。
-----待續------
